ساعدوني بليز انا بنت وحسافر امريكا واخاف اسوق سيارة......

انا بنت اخاف ومابغى اصلا اسوق سيارة ويقولو انو في امريكا لازم تسوقي عشان تمشي امورك معهد..اوسوبرمركت مول اي شي.....انصحوني ايش المدينة وفي اي ولاية يلي تناسب حالتي يعني تكون كلها قطارات اواندر قراوند يعني زي لندن مايحتاج الواحد فيها انويسوق سيارة اومدينة صغيرة كل شي قريب من اي شي تقضي امورك برجولك مشي يعني...ولاني كمان اخاف اركب تاكسي...بلييييييييييييييييييييييييييييييييييز ردو عليا ترى هادي اول مشاركة اكتبها وانا جديدة في المنتدى ارجوكم لاطنشوني

ههههههههههههههههه ليش كدا خايفة ليش ما تتعلمي السواقة خلي اخوكي او زوجك يعلمك ترا مرا سهلة اغلب البنات يسوقو هناك مافي اي مشاكل

اولا انا مني متزوجة واخويا موفاضيلي راح يدبر لي اموري ويمشي عندو عمل وحيروح ويجي عليا وبعدين انا مرررررررررررة اخاف وابغا اعرف انت في اي مدينة وكيف الوضع عندك؟؟؟؟؟

اختي مدينة بوسطن Boston ,MA


قريبه من نظام لندن ماراح تحتاجين السيارة فيها المدينة مغطية بالقطارات والباصات

لكن عيب المدينة غالية شوي


موفقة يارب

انا رايح لتامبا ان شاء الله والوضع هناك تمااااااااااام لا تخافي ولا تشيلي هم من السواقة لمن تروحي هناك حتعرفي كيف هناك عندهم نظاااااااااااام كل واحد ماشي عالنظام

اقتباس:

---

المشاركة الأصلية كتبت بواسطة sweet girls

انا بنت اخاف ومابغى اصلا اسوق سيارة ويقولو انو في امريكا لازم تسوقي عشان تمشي امورك معهد..اوسوبرمركت مول اي شي.....انصحوني ايش المدينة وفي اي ولاية يلي تناسب حالتي يعني تكون كلها قطارات اواندر قراوند يعني زي لندن مايحتاج الواحد فيها انويسوق سيارة اومدينة صغيرة كل شي قريب من اي شي تقضي امورك برجولك مشي يعني...ولاني كمان اخاف اركب تاكسي...بلييييييييييييييييييييييييييييييييييز ردو عليا ترى هادي اول مشاركة اكتبها وانا جديدة في المنتدى ارجوكم لاطنشوني

---

نصيحة لك لا تتعبين نفسك وتجين دامك تخافين من أبسط الأمور في أمريكا خليك مرتاحة في جدة عروس البحر الأحمر أحسن
طبعا كلامي فيه قسوة أعذريني أختي الكريمة على هذا الاسلوب, بس نصيحة من أخوي الحياة المقدمة عليها حياة حلوة والتجربة راح تبين لك مدى حلاوتها فستغليها بكل ما هو جديد من الاشياء المفيدة في أمريكا.
لا تتوقعين أن الامور في أمريكا مثل أي دولة في الشرق الاوسط الوضع يختلف تماما التعرض للمرأة أو التحرش بها من أكبر القضايا اللي يعاقب عليها القانون وراح تشوفين هذا الشي بنفسك إذا الله يسر لك الأمور ووصلتي لأمريكا المرأة هنا تسوق وتروح بروحها لأي مكان هي تبيه بسيارتها طبعا الإنضباط المروري يختلف تماما عن الوضع في السعودية هنا فيه إلتزام فيه سرعات محددة لكل شارع لا تخافين وخلي قلبك جامد مثل ما يقولون إخوانا المصريين والله يسهل أمورك ويكتب لك كل خير.

حرام عليك خوفتها والله ما يستحق الخوف دا كله روحي اتوكلي على الله مافي شي يخوف لمن تروحي هناك حتشوفي كيف واذا تبغي تتاكدي اسالي البنات الي يدرسو في امريكا وتشوفي انو مافي اي شي يخوف وكل شي تمام الحمد لله

والله يا اختي انا نفس حالتك متخوفه شوي بس من تجارب البنات الي راحو قبلي صرت متفائله واحس طالما هم قدرو انا اقدر بعد اهم شي توكل على الله وصدقني لكل شي بدايه انشاله لما تتعلمي بعد فتره حتضحكي على الفتره الي كنت خايفه فيها .. بالتوفيق

اقتباس:

---

المشاركة الأصلية كتبت بواسطة محب الناس

نصيحة لك لا تتعبين نفسك وتجين دامك تخافين من أبسط الأمور في أمريكا خليك مرتاحة في جدة عروس البحر الأحمر أحسن
طبعا كلامي فيه قسوة أعذريني أختي الكريمة على هذا الاسلوب, بس نصيحة من أخوي الحياة المقدمة عليها حياة حلوة والتجربة راح تبين لك مدى حلاوتها فستغليها بكل ما هو جديد من الاشياء المفيدة في أمريكا.
لا تتوقعين أن الامور في أمريكا مثل أي دولة في الشرق الاوسط الوضع يختلف تماما التعرض للمرأة أو التحرش بها من أكبر القضايا اللي يعاقب عليها القانون وراح تشوفين هذا الشي بنفسك إذا الله يسر لك الأمور ووصلتي لأمريكا المرأة هنا تسوق وتروح بروحها لأي مكان هي تبيه بسيارتها طبعا الإنضباط المروري يختلف تماما عن الوضع في السعودية هنا فيه إلتزام فيه سرعات محددة لكل شارع لا تخافين وخلي قلبك جامد مثل ما يقولون إخوانا المصريين والله يسهل أمورك ويكتب لك كل خير.

---

اش الاحباط داااااا حرام عليك لا تخوف البنت كل مكان في العالم فيه الكويس والبطال حتى السعوديه ترا مهي اماااااااااااااان والله نسبة الاجرام ارتفعت بشكل غير طبيعي الاونة الاخيره والسرقات والجرائم الجنسية



اختي روحي واشنطن او بوستن ولو بدك اي خدمة انا مرت صاحبي امريكية سعودية بتحضر دكتوراه وعايشه مع اهلها في واشنطن ولو تبي اي شي اخليها تعملك كللل شي ولا تتعبي ولا تخوفي نفسك ولاااااااااااا شي وانشاءالله وحتى تشوفلك سكن وكل شي جنبها عشان ماتخافي

طبعا بسبب الفساد الاداري والمالي في جميع المجتمعات هو الذي دعا امريكا لا تقوم بتوفير النقل العام مثل ما هو حاصل في اوربا ، لذلك دائما وابدا سيضلون يبحثون عن المنفعة وهي كانت تعتمد بشكل كبير على صناعة السيارات لذلك ستجدين نفسك مضطرة لشراء سيارة. على العموم فيه مراكز للتدريب وممكن انت تتدريب شوية شوية