طلاب جامعة تنسي في مارتن داخل على الله ثم عليكم-مسلسل بدوي هههه

يالله حيه الجميع

أنا جاني قبول ماستر في تخصص إدارة الأعمال في

University of Tennessee- Martin

وجاني قبول بالمعهد التابع للجامعة وتبدا الدراسه في تاريخ 19\4\2010 يعني ما بقى شي أقل من شهرين أفزعولي يا الربع

أبي أسأل عن معهد الجامعة سمعت إنه موقوف لكثره الطلاب هل هذا صحيح

وإذا صار موقوف وش الحل أنا أبي أدرس في معهد تابع للجامعة إلي قبلتني وأخاف الملحقيه يسويلي إزعاج والمشكلة جاي على حسابي الخاص

أبي أعرف كيف نظام الدراسه في المعهد مستويات أو أترام

وأبي اعرف عن السكن والمدينة هل هي كويسه وتمشي الحال والواحد يقدر يتأقلم فيها


لا تبخلون علي بالمعلومات الله لا يهينكم يا الغالين

وبالتوفيق للجميع

وش دعوا ما في أحد عطاني معلومه

معقوله ما في أحد يعطيني علم

والله وانا زيك ما في احد يساعد

http://www.mbt3th.us/vb/forum39/thread161997.html

هذا يمكن يفيدك

http://www.mbt3th.us/vb/forum39/thread131306.html

بدر يا خوي وش الحل بالأعضاء ما في أحد يرد علينا

وش رايك بس نحجز سوا ودربي روسنا في أمريكا هههههههههههههه

انا انشاء الله ابكون بمارتن يوم الجمعة ابشر بعزك

الله لا يهينك أخوي blbl
توصل بالسلامه يا رب وياليت توافينا بالجديد وش سويت بالملحقية لأني خايف من موضوع المعهد إلي تابع لجامعة تنسي في مارتن أخاف يردوني الملحقيه علشان موقوف من كثر الطلبه

يا ليت نوافينا بالجديد أخوي وش يصير معك


موفق أخوي إن شاء الله وتوصل سالم غانم إن شاء الله

يا رب أحد يرد لو مجامله

يا جماعة الخير ما في أحد يدرس في مارتن لا يكون أنا بس أول طالب بيدرس فيها

بالنسبة للمعهد لا ماهو موقوف صار لي شهرين هنا

وقدمت اوراقي للملحقيه اول ماجيت

وبعد فتره كلمتهم قالوا يبون العلامات وان شاءالله خير

بالنسبة للسكن سكن الجامعه محد يمدحه شوف لك سكن مستقل احسن
والمدينة على حسب انت
انا بالنسبة لي تأقلمت عليها صج مافي شي فيها بس متأقلمة ومرتاحه فيها الحمدلله

والمعهد طبعا كل ويكند يسوي رحلات للطلاب
يعني بالويكند تقدر تطلع وتستانس مع المعهد

بالنسبة للدراسة انا صار لي شهرين في level 1 واليوم عندنا الفاينل وان شاءالله رايحه الى level2

واي استفسار انا حاضره

طيب انا مابعد وصلت بس على كلامك شكلي بحول اووووووول ما اوصل :(
اجرائات النقل صعبه لو معهد بس واخلي الجامعه على ماهي يحلها حلال بعدين ؟؟؟

وبعدين السكن للحين مدري وش وضعه جاي بدربيها على عماها ارسلت للجامعه الموقره ايميل طول عريض ولا احد رد علي بارك الله فيهم ودي بسكن عائله انا لين الله يفرجها وننقل لديره صح ونحس بجو امريكا

اقتباس:

---

المشاركة الأصلية كتبت بواسطة sarony

بالنسبة للمعهد لا ماهو موقوف صار لي شهرين هنا

وقدمت اوراقي للملحقيه اول ماجيت

وبعد فتره كلمتهم قالوا يبون العلامات وان شاءالله خير

بالنسبة للسكن سكن الجامعه محد يمدحه شوف لك سكن مستقل احسن
والمدينة على حسب انت
انا بالنسبة لي تأقلمت عليها صج مافي شي فيها بس متأقلمة ومرتاحه فيها الحمدلله

والمعهد طبعا كل ويكند يسوي رحلات للطلاب
يعني بالويكند تقدر تطلع وتستانس مع المعهد

بالنسبة للدراسة انا صار لي شهرين في level 1 واليوم عندنا الفاينل وان شاءالله رايحه الى level2

واي استفسار انا حاضره

---

الله يوفق يا رب

طيب بالنسبة للجو في مارتن

هل هو بارد أغلب السنه أو جوها معتدل

أنا بجي إن شاء الله تاريخ 10 أبريل يعني بعد شهر يعني هذي الأيام كيف الجو فيها

اقتباس:

---

المشاركة الأصلية كتبت بواسطة محتاس في امريكا

طيب انا مابعد وصلت بس على كلامك شكلي بحول اووووووول ما اوصل :(
اجرائات النقل صعبه لو معهد بس واخلي الجامعه على ماهي يحلها حلال بعدين ؟؟؟

وبعدين السكن للحين مدري وش وضعه جاي بدربيها على عماها ارسلت للجامعه الموقره ايميل طول عريض ولا احد رد علي بارك الله فيهم ودي بسكن عائله انا لين الله يفرجها وننقل لديره صح ونحس بجو امريكا

---

بالنسبه للنقل ما عندي خلفيه فيه

والسكن إلي سمعته إنه متوفر ولا تشيل همه وأسعارها حلوه بين 400 إلى 500 دولار

موفق يا الغالي

اقتباس:

---

المشاركة الأصلية كتبت بواسطة ketkat

بالنسبه للنقل ما عندي خلفيه فيه

والسكن إلي سمعته إنه متوفر ولا تشيل همه وأسعارها حلوه بين 400 إلى 500 دولار

موفق يا الغالي

---

يالغالي مشكلتي مو الفلوس مشكلتي كيف اجيب السكن كيف احجزه ماني عارف وش اسوي
ارسلت ايميل للجامعه وماردو علي

هلا اخوي انا طالب وادرس بمارتن المدينه حلوه وصغيره

بس الطلاب في المعهد كثرين مررره

والجامعه كمان

اذا تبي نصيحتي غير الجامعه

اقتباس:

---

المشاركة الأصلية كتبت بواسطة yoyo_10

هلا اخوي انا طالب وادرس بمارتن المدينه حلوه وصغيره

بس الطلاب في المعهد كثرين مررره

والجامعه كمان

اذا تبي نصيحتي غير الجامعه

---

وأنا أخوك المعدل ما يساعد علشان أجيب لي قبول

تعبت علشان أجيب القبول

موفق يا الغالي

السلام عليكم هلا والله بالشباب والله حتى انا دراستي تبدأ في معهد جامعة تينيسي تاريخ 18-4-2010 اتمنا احد يفيدنا اكثر عن المدينة واجوائها الدراسية وشكرا

اقتباس:

---

المشاركة الأصلية كتبت بواسطة AbOOd505

السلام عليكم هلا والله بالشباب والله حتى انا دراستي تبدأ في معهد جامعة تينيسي تاريخ 18-4-2010 اتمنا احد يفيدنا اكثر عن المدينة واجوائها الدراسية وشكرا

---

أنا معك إن شاء الله في نفس الموعد

من خلال بحثي عن مارتن الأيام إلي راحت

إتضحلي إن مارتن صغيره ورخيصه ومافيها مصاريف كثيره علشان تصرف

ويقولون جوها حلو مو بارده مره

معهدها كثير فيه السعوديين والمشكله في السنوات الأخيره السعودين في كل مكان لو ترفع حصات يطلعلك سعودي يعني الشغله تعتمد على الشخص إذا هو جاد يبي يدرس أو يبي قلبها فله كنه في السعوديه وتاكي مع ربعه في إستراحه
المستوى شهرين بسعر 2361 دولار للشهرين

السكن حلو من ناحيه السعر بمتوسط 500 دولار

ما فيها عوايل تسكن معها

ما فيها مطار أقرب مطار في مدينه ممفيس تبعد ثلاث ساعات


هذا إلي عرفته عن مارتن

وموفق إن شاء الله

ياخوان الي يبي يجون السعوين ها اكثر من مما تتصور يعني راح يزبنوونك لا تخافون هنا ماراح احد يقصر معكم والسكن امورة سهلة جدا ورخيص الله يوفقنا واياكم ...
بس كلمو المعهد علشان يستقبلونكم ارخص لكم

اقتباس:

---

المشاركة الأصلية كتبت بواسطة blbl

ياخوان الي يبي يجون السعوين ها اكثر من مما تتصور يعني راح يزبنوونك لا تخافون هنا ماراح احد يقصر معكم والسكن امورة سهلة جدا ورخيص الله يوفقنا واياكم ...
بس كلمو المعهد علشان يستقبلونكم ارخص لكم

---

الحمدلله على السلامه

بسألك عن الطيران
طلعت من واشنطن من أي مطار ودي أحجز وإنلحس مخي الظاهر في واشنطن ثلاث مطارات أبي الأقرب وش إسمه

بعدين لقيت الرحلات من واشنطن إلى مطار ممفيس الدايركت بـ 500 دولار
والترانزيت توقف ساعه وبعضها ساعتين لقيتها بـ 220 دولار

وطلعت على أي خطوط لأن دايركت ما حصلت إلا طيران دلتا
والترانزيت لقيت دلتا و يونايتد و إيرتيرن

وبسأل بالنسبه للتكسي من مطار ممفس إلا مارتن هل للشخص الواحد 341 دولار أو عادي يعني إجره تكسي بـ 341 دولار راكب فيها واحد أو إثنين أو ثلاثه يعني كلها بنفس السعر

موفق إن شاء الله

يعطيك الف عافية اخوي ketkat عسا الله يوفقنا جميع ونرجع بالشهادة

اقتباس:

---

المشاركة الأصلية كتبت بواسطة AbOOd505

يعطيك الف عافية اخوي ketkat عسا الله يوفقنا جميع ونرجع بالشهادة

---

آآآآآآآآآمين يا رب

معليش اخوي ketkat حبيت اسألك رحت للسفارة عشان تطلع الفيزا؟ انا رحت امس وسويت المقابله عطوني ورقه صفرا ما ادري ما فهمت عليها تقول بعد شهر بنرد لك للعلم ان اوراقي كامله

اقتباس:

---

المشاركة الأصلية كتبت بواسطة AbOOd505

معليش اخوي ketkat حبيت اسألك رحت للسفارة عشان تطلع الفيزا؟ انا رحت امس وسويت المقابله عطوني ورقه صفرا ما ادري ما فهمت عليها تقول بعد شهر بنرد لك للعلم ان اوراقي كامله

---

أنا خلصت من السفاره وألحين أنتظر موعد الفيزه لي ألحين أسبوع

طيب إذا هم خذو جوازك هذا معناه إن الورقه الصفره إلي عطوك حقت الفيديكس الفرع إلي داخل السفاره تعطيهم الورقه إلي معك وتعبي بياناتك وتدفع 65 ريال علشان يرسلون جوازك

وإذا ما أخذو جوازك عاد هذي النقطه مدري عنها

فزعتكم يا اهل تنسي مع ولد عمي
يبغا قبول غه وجامعه تخصص ادارة اعمال
والولد معدله 73% ويبغا يجيب قبول عشان ينظم للبعثه
فزعتكمممممممممممممممممممممممممممممممم
وانتظر رسائلكم المبهجه ع الخاص

اقتباس:

---

المشاركة الأصلية كتبت بواسطة AbOOd505

معليش اخوي ketkat حبيت اسألك رحت للسفارة عشان تطلع الفيزا؟ انا رحت امس وسويت المقابله عطوني ورقه صفرا ما ادري ما فهمت عليها تقول بعد شهر بنرد لك للعلم ان اوراقي كامله

---

اخوي اخذو جوازك والا لا ؟
اذا اخذو الجواز لازم تروح لفيدكس اللي بنفس السفارة على طول وتملى نموذج فيه عنوانك وتدفع 65 وبعد كذا انتظر الين تجيك رسالة والا اتصال من فيدكس ان جوازك وصل واذا مرت ثلاث اسابيع ولاجاءك الجواز ارسل لهم ايميل شف الايميل حقهم موجود على نفس الورقة الصفراء استفسر عن سبب تاخر الجواز اكثر من ثلاث اسابيع وبيردون عليك يعطونك سبب
واذا مااخذو الجواز وقال لك فيه ناقص بعد ماتكمل النواقص ترسلها بفيدكس على العنوان اللي موجود بنفس الورقة بس هنا تدفع 65 رايح و65 جاي ونفس الشي تتظر ,,,

السلام عليكم كيفكم الشباب ان شاء الله تمام ابشركم
تم افتتاح قروووب خاص لولاية تنسي والمرجو من هذا القروب الاجر و ان تعم الفائدة على الجميـــــــــــــــــــع
دوت كوم group1144719@********وارجوا ان لا اكون متاخر بهذا القرووووب
تحياتي عبدالعزيز

هلا والله اخوي ماجد الا اخذو جوازي يعني الدعوه فدكس انا ما رحت فدكس ولا عبيت اوراق على طول طلعت بعد المقابله هل لازم اروح لهم ؟؟

وشلون يرسلون الجواز لك اجل على مين لازم تكلم فيدكس قبل وقل لهم السالفه وشف وش يقولن لك

السلام عليكم

انا قادم الى مارتن في 15/5/2010 واود التواصل معكم بما يفنعنا جميعا

ab_ hatlan على الهوت لا تنسوني

حيث اني من ذوي الاحتياجات الخاصة وابي الغزعة