المعاهد التابعة للجامعات غير موقوفه ...
أولاً
السلآم عليكم ورحمة الله وبركاتة
ثانياً
ياجماعه سفري23\5
كانت امورنا تمام
الى ان سمعنا من الاخوان والاخوات اللي راحوا قبلنا انه معهدنا سيئ وانه الملحقية اوقفت الالتحاق فيه
وطلبوا من الطلاب اللي فيه يجيبوا لهم قبول من معهد غيره
المهم
<<< محسوبتكم مافكرت بحياتها تسأل او تبحث عن معهد كويس :(
لأني سلمت بأمر الوزارة من البداية لما قالوا التزموا بالقبولات اللي جبناها لكم فخليتها عليهم
الآن انا متوهقه ماني عارفه وين اروح لاني اول مااوصل واشنطن ماراح اروح مكان بجلس فيها
ولكم ان تتخيلوا انك رايح وماتدري وش انت رايح له وين بتستقر
حتى لبسنا ماندري نشتي ولا نصيف
ادري بتقولون وش تبي هذي
اللي ابيه ياطويلين العمر انكم تساعدوني وتفيدوني من تجاربكم
وش المعهد الكويس واهم شي يكون تبع جامعة عشان نضمن لنا قبول انا ومرافقي <<< ذكيه :$
دامنا متخسرين متخسرين الله لايخسرنا حتى اخوي فصل من وظيفتة
اقلها نرسي على شي يستاهل ومضمون
نجيب قبولات ونحجز من واشنطن لولايتنا اللي بنصير فيها هذا غير الايام اللي بنقضيها في واشنطن على بال مانجيب قبول
بنفلس من كثر المصاريف واحنا ماوصلنا مدينتنا <<< اكسر الخاطر صح
المشكلة الادهى والامر انه اللغة عندي عدم عشان كذا مو قادره ابحث بنفسي حاولت بس مو فاهمه شي :(
الزبده
الله يسعدكم ولا يحرمكم الأجر
اي احد درس في معهد ولا قرأ عن معهد تابع لجامعة مستوى المعهد ممتاز يقولي عليه
المستويات فيه 8 اقل شي
مو بزي معهدنا 3 مستويات مدري وش يحسون فيه :thumbdown:
قرأت عن معهد ولاكن يقولوا انه الجامعه موقوفه :dry:
وهذا اللي مخوفني اطيح في جامعة موقوفه ولا استفيد شي
وياليت يكون في ولاية (( بنسيلفينيــا ))
.
واللي وده يساعدني اكثر يكتب التخصصات المتوفره في الجامعة
.
وأخيراً
الله يوفق كل من بيضيف في هالموضوع اي معلومة تنفعني