افيدوني...ولاية فلوريدا ..مدينة اورلاندو...الفزعة ياهل فلوريدا..

بحاول افيدك بالشي الي اعرفه لاني من سكان تامبا ولي زياراة لاورلاندوا بحكم المسافه القريبه بينهم ..

المدينه جدا جميله وممتعه وفيه كل مايخطر على بالك وهي هدف لسياح ويكفي فيها دزني .. لكن يمكنها تكون زحمه شوي بسبب انها هدف لكل الي بيغيرون جو ..

المعيشه تعتبر جيده ماهي غاليه .. وتنفع للعوائل

السكن ماعندي علم عن اسعاره

الحجاب شي عادي جدا ومنتشر وحتي النقاب يعني شي بتشوفينه في كل مكان والمدينه فيها سكان خليجيين يدرسون وفيها سياح خليجيين كثير ... يعني بالنسبه لنا حنا يا السعوديين الوضع عادي ومريح .

الحضانات اتوقع شي متوفر لانهم مايستغنون عنه بامريكا ..

الجو متوسط مايل للحراره وفيه رطوبه وطبعا الجو متقلب من ناحيت المطر يعني عادي يكون اليوم شمس وحر وفجأه تنزل امطار غزيره لمده نص ساعه وبعدها ترجع الشمس واحياننا تمطر بمنطقه معينه وباقي المدينه مافيها مطر .. والنصيحه الذهبيه خلي معك مظله صغيره بالشنطه في كل وقت .


هذي الي عندي واتمنى يكون فيه شي مفيد .

وعليـكم السلام اختــي حيـاكي الله بالمنتدى

اول شي المدينة و الولاية جدا جدا حلللووة ,, من ناحية الجو هو زي جو السعودية بس بمطر ومررره روعة

المدينة سياحة واحلى مافيها انها بوسط الولاية يعني كل المدن قريبة منك لو حابة تروحيها زيارة ^^

السكن اختي العزيزة : الشقق غرفة وحده وصالة تقريبا بي 800 الى 900 دولار طبعا بمكان يكون أمـن ويوجد اقل لاكن ليس بمكان جميل وامين

غرفتين وصالة وحمامين وانتم بكرامة ومطبخ يجي تقريبا بي 1200 الى 1400 دولار وبمكان حلو وامن

المعيشة انا ماشوفها غالية مرره ,, لانها افضل من مدينة ميامي

المعيشة متوسطة

الحجاب اختـي : اغلب الاخوات العرب الي اشوفهم مغطيين بس شعرهم ,, في بنات يكونون مغطين وجهم بس قليل مررره

وماعندك اي مشاكل بالحجاب ,, معــاهد اللغة اختي في على حسب خبرتي ثلاث معاهد

معهد تابع لجامعة اورلاندو وهيا جامعة ال UCF معهد لغة تابع له

ومعهد ال ELS بس ما انصحك فيه لانه نسبة الاجانب فيه اعتقد 1% والباقي عرب

ومعهد ال TLC معهد جميل وقوووي بس انا افضل المعهد الي تابع للجامعة اول واحد وانا ادرس فيه وجدا قوي وجميل

في حضانات كثيرة للاطفال بي اورلاندو وياخذنوهم من البيت بباص ويرجعونهم لكي

وهادي اختي عن طريق النت موقع جوجل يطلعلك كل شي لاني بصراحة خلفيتي قليلة فيها ^^


واي استفسار تحت امرك !!

السلام عليكم اسف لو تطفلت على موضوعك انا بتجه يسته شوال لمعهد اي ال اس بس خوفتوني منه بس المشكله ماعرف احد هناك
هل احد منكم ياشبااب ممكن اتواصل معه عشان ارتاح نفسيا خصوصا ان انجليزيتي زيروو
يااليت ياشبااب اورلاندو احد يتواصل معي مره متوترر

اميلي yo.a.t@hot

لا توتر ولا شي
اورلاندوا سعوديه والعرب في كل مكان
فلللله وراحه واجواء دراسه
انا ساكن لي 5 شهور ومرتاح
غرفتين وصاله ومطبخ شامل الماء بدون الكهرباء ب 735 انا وصاحبي...ومصارف احسب
كل شي هنا جميل والاسعار معقوله بالمقارنه بغيرها

معهد ELS فل سعودين ...انا مو فيه بس اعرف شباب والله يشكو من النقطه ذي

السياره بصراحه مطلب مو ضروري ......(لكنه مهم)..

حظانات ومدارس اطفال والله ماعندي علم
لاتوتر ولا شي وانا جاهز للاستفسارات...

نسيت اقل شي مهم

افضل شي سكن مع عائله....اوفر واسرع في اكتساب ..

بس تاكد انو لغتهم الاصل انجليزي لانو الاغلب هنا لغتم لاتينيه...

انا من سكان ملبووورن
وهي على بعد ساعه من اورلاندو ..
الجووو في اورلاندو معتدل ومن افضل الاجواء لـ السعوديين .. مع كثرة الامطارَ ..
والديره فيها جاليات عربيه كثيره جداَ .. والحجاب غير مستغرب ابدا ..
المدينه جميله جداَ .. وهي سيااحيه بالدرجه الاولى ..
هذا اللي اقدر اففيدك فيه

السلام عليكم

انا خريج ثانوية و بطلع بعثة على حسابي في اورلاندو إن شاء الله

وأبا اسجل في معهد UCF بس ياريت أحد يفيدني عن طريقة التسجيل في المعهد مو الجامعة نفسها

لأني أفكر أدور جامعة قوية ول أحد عندو علم عن أقوى الجامعات في أورلاندو بالنسبة لهندسة الكمبيوتر أتمنى يفيدني