يامزايين فلوريدا تعالوا بغيتكم بشغله

شوفي وأنا أخوتس أنتي رايحة دراسة والدراسة تستمر سنوات ولذلك أنتي ودك بمدينة آمنة و رخيصة وماودك تدخلين متاهات من تغيير جامعة ومدينة وغيرة من الأمور الي قد تكلفك الكثير ولذلك سوف أعطيك طريقة راح تشكريني عليها وتدعين لي إنشا الله بس ركزي معي مظبوط
1- أفتحي الوورد وسوي جدول مكون من 7 سجلات ( اسم الجامعة - موقع الجامعة الألكتروني - الرمز البريدي - وضع المعهد - اسم المدينة - وضع السكن والمعيشة - ملاحظات )
2- أفتحي رابط الجامعات الموصى بها وأختاري الدولة الي هي الولايات المتحدة أكيد ثم أختاري الولاية الي نفسك فيها وخلي خانة المدينة لاتختارين منها شي تجاوزيها وتجاوزي نوع الجامعة وفي خانة وضع الجامعة أختاري ( غير موقوفه ) وفي خانة التخصص حطي تخصصك بالأنجليزي وأنا أفضل تجاوزينه لأن السبيلنق يختلف وفي خانة المرحلة حطي ماجستير وسوي بحث
3- تطلعلك قائمة من الجامعات الي موصى بها في هذه الولاية أدخلي عليها وحده وحده تجي قائمة من التخصصات وأبحثي عن تخصصك تلاحظين التخصص الموصى به في خانته يجي حرف B أو M أو DH
فمثلاً DH B conputer since معناة أن درجة البكالوريوس في تخصص معلومات الحاسب موصى بها ودرجة الماجستير غير موصى بها ودرجة الدكتوراه موصى بها
4- طبعا إذا ماحصلتي تخصصك من التخصصات الموصى بها يعني إذا مرحلتك ماجستير وماحصلتي بجانب تخصصك حرف M على طول أطلعي وروحي للقائمة بالرجوع إلى الخلف وأختاري الجامعة الي بعدها وإذا حصلتي تخصصك موصى به أنسخي اسم الجامعة من فوق ولصقيه في ملف الوورد في الجدول مثل ما أتفقنا وكرري العملية على البيانات الأخرى طبعاً تجدين اسم الجامعة والرمزالبريدي مهم والموقع الألكتروني
5- تكررين العملية على جميع الجامعات الي طلعتلك في الولاية طبعاً الجامعات كثير بس فالأخير أنتي راح تطلعين بست أو سبع جامعات لأن بعض الجامعات ماتحصلين تخصصك موصى به من وزارة التعليم العالي
8- بعد كذا تروحي للملف حق المعاهد المعتمدة وتبحثي عن أسماء الجامعات الي معاهدها معتمده فإذا حصلتي معهد معتمد تكتبين في خانة المعهد ( يوجد بها معهد معتمد ) وإذا ماحصلتي للجامعه معهد معتمد من ظمن القائمة تكتبين ( لايوجد يها معهد معتمد )
9- باقي عندنا وضع السكن والمعيشة تاخذي الرمز البريدي الي لصقتيه في الوورد وتروحي لهذا ارابط Apartments.com | Find Apartments for Rent, Houses, Condos and Townhomes | Rental Listings هذا موقع جميل للبحث عن سكن ويعطيك الأسعار طبعاً أنتي تحطي الرمز البريدي حق الجامعة فوق وتشوفي الأسعار وبأمكانك تحددي عدد الغرف والحمامات وتطلعلك قائمة طويلة من الشقق والمجمعات خذي أقل سعر وأعلى سعر يعني طلع عندك أعلى سعر 900 وأقل سعر 500 تروحي لملف الوورد وتحطي في حقل وضع السكن والمعيشة 500-900 يعني من 500 إلى 900
10- كرري العملية على ثلاث ولايات أو ولايتين وفي الأخير راح يكون عندك رؤية واضحة ويصير تعرفين يدينك من رجلينك مثل مايقولون لأن البعض قد يختار المدينة ويضبط أموره عليها ويقعد يبحث فيها أسبوع ويسأل ويتنشد وفي الأخير يطلع تخصصه مو في هذه المدينة أو تطلع الجامعة موقوفه وينصدم ويتحطم لا والطامه أن البعض جاب قبولات وجهز وضعه وبعدين يضطر أنه يدور على جامعة في مدينة ثانية بعد مايخلص اللغة لأن الجامعة الي في مدينته تخصصه مو موصى به ولذلك أفضل أنك تستخدمين الطريقة ذي وتجيبي قبولين قبول معهد وقبول جامعة مشروط وتكبرين وسادتك وترتاحين وتستقرين ولاتمرمطين في مراسلة الجامعات إذا خلصتي المعهد ( هذي الطريقة أبتكرتها أنا وجربنها وحمدلله ريحتني نفسياً ) صحيح أننا مخيرين في الأختيار بس خياراتنا محدوده وشكرا

يلييييت والله نسير صديقات هههههههه من جد ماعندي اي مشكله ^_^. اذا انتي من الخبر علميني بس
واشوفك بالملتقى ^_^..

انا مرحله ماجستير ان شاءالله

بيتسبرغ .. مااقدر اعطيك معلومه الحين
لاني في طور البحث

ان شاءالله لما اقرر راح ارد لك خبر .^^

اذا كنتي بالبرنامج رقم 12 معناها اشوفك بالملتقى ان شاء الله

فلوريدا ولاية كبيره وفيها عدة مدن يتجمعون فيها السعوديين بكثره عموما الولائم قفلتها الملحقيه لتكدس للطلبه
انا في تامبا لي سنتين وعلى ابواب تخرج ما فيها أعاصير ابد
الاجار فيها من ٦٠٠ الى ٢٠٠٠ كلن واختياره وعلى حسب الموقع شمال او جنوب بحكم ان المدينة كبيره

والله يوفقك

انا هنا تقريبا من سنتين و ما حصل و مر علينا اعصار ولا شي هذا اولاً

ثانياً : تم ايقاف ولايه فلوريدا باكملها بسبب التكدس يعني اصلا ما تقدري تقدمي على المعاهد هنا لان الملحقيه ما رح تعطيكي قبول

تعليقي على موضوع الاعاصير اول شي الله الحامي لكن الاعصار يمكن متابعته و التنبأ بمساره و قبل لا يضرب ديره يتم ابلاغ سكان المدينه و يكون عندك عده خيارات احدها مغادره المدينه بشكل مؤقت ليما ينتهي الموضوع, كثير من المباني الحديثه في ميامي على وجه الخصوص مصممه لتكون مقاومه للاعاصير يعني حتى لو جاء اعصار اجلسي بالبيت ولا عليك خلاف. ابي اعطي مثل للتنبيه على الاعاصير في المبنى حقي قبل وصول الاعصار بايام عده تم توزيع ارشات سلامه و كان فيه صور اقمار صناعيه توضح فيها موقع الاعصار و مساره و سرعته و درجته و توقع وصوله الى المدينه و الدرجه الحاليه له و المتوقع في حال وصوله و هذا كان من الاداره الخاصه بالمبنى وهي تختلف من مبنى الى اخر

الله يعطييييكم الف عافيه ماقصرتووووا

إضافة مهمة جداً

بإستثناء أقاربهم ومعارفهم والواسطات القوية
هم اللي يقدروا يدرسوا في فلوريدا وأي ولاية تعجبهم بكل سهولة ,
كلمة تكدس هذي تنقال للغلابة اللي ماعندهم واسطات ..

والله انا في ميامي واحلا جو 24 ساعه غيوووم
مافي عواصف ولا شي بس مطر غالبا
والشعب كويس بس بتعاني من الاسبان مرره كثير ماتنفع لمرحلة اللغة صراحه في كل مكان اسبان تقريبا 70٪
بس كل ماتختاري مدن في شمال فلوريدا يكون احسن تسمعي انقليزي كثير اما الجنوب كلو اسباني