اي واحد يدرس في معهد جامعة ديلاوير ( نيوارك ) يــدخــل...

upppppppppppppppppppppppppppppppppp

وعليكم السلام ورحمة الله وبركاته

1- من ناحية التدريس فيه هل هو ممتاز او ضعيف؟
المعهد ممتاز من ناحية التدريس إلا إذا واجهتك مشاكل مع المدرسين، شفت بعض الطلاب عندهم مشاكل مع بعض المدرسين..(القليل فقط عشان ما أخوفك)
لكن أغلب الطلاب علاقتهم ممتازة مع المدرسين
والتدريس فيه ممتاز إلا إذا كان مدرسك تعبان، أشوف بعض الطلاب ينتقدون لكن ما أدري الحق معهم ولا لا بصراحه، المعهد إجمالاً كويس

2- كم عدد اللفلات فيه ؟ وكم مدة اللفل بالضيط؟؟
عدد المستويات هو 6 مستويات، والمستوى الواحد شهرين ولازم تشد حيلك عشان تنجح وتحل واجباتك دائماً

3-نسبة الطلاب العرب كم؟؟
الطلاب السعوديين كثير وفيه مجموعة كويتيين، والباقي من آسيا وأمريكا الجنوبية وبعض من أوروبا
وبيني وبينك أول ماجيت المدينة درعمت في أول سعودي شفته وسألته بعض الأسئلة وأخذت رقمه وعلمني طريق مكتب الاستقبال :P
وجودهم عون لك، يعني تمر عليك أوقات تحتاجهم فيها، ركز على دراستك وعلى اللغة بس لا تقول بسحب عليهم مرة، خل طلعاتك اذا حبيت وقت الويك اند بس..
وخلال الاسبوع لازم تستثمر وقتك باللغة..

4- هل هو يعطي قبول مشروط ؟ ومتى يبدأ وينتهي التسجيل فيه؟؟؟
إيه يعطي قبول مشروط، وقت التسجيل ما أدري بالضبط، لكن اقترح عليك انك تكلم مكتب القبول في الجامعه وتقول حولوني على القبول المشروط وبعدين استفسر على كيفك، مرة كلمتهم حليلين ومتساعدين..

5- كيف المدينة من ناحية المعيشه؟؟
المدينة حلوه، صغيرة، من ناحية المعيشة متوسطة، معلومات السكن وأسعاره شيك عليها من موقع المعهد ( Housing | English Language Institute )

يمكن السلبية الوحيدة الي لاحظتها كثير في المدينة انها صغيرة ومافيها ممارسة اللغة بالشكل الكبير في الشارع (يعني مافيها احتكاك كبير مع الناس) ، على عكس المدن الكبيرة (الي يكون فيها مواصلات مثل المترو والباصات الكثيرة وكثرة الناس)، هذي يمكن ضريبة المدينة الهادئة والجامعية..

عموماً هالأمر يعتمد على شخصية الطالب متى ما كان إجتماعي بالشكل المطلوب راح يمشي إن شاء الله


والمواصلات لك عليها شوي بالمقارنة اذا كنت جاي من مدينة كبيرة وفيها مواصلات حلوه، بس المدينة صغيرة يعني من السكن آخذ 20 دقيقه مشي.. وفيه باص حق الجامعه مجاناً يمر على السكن ويوديك للمعهد..
مافيه مترو أنفاق، فيه باصات أخرى توديك للأسواق والمدن القريبة بفلوس طبعاً


الله يوفقك

اخي اجمت السا

كفيت و وفيت ويعطيك الف عافيه اخوي على المعلومات

وانشاء الله تكون في موازين حسناتك.

بس ياليت تقولي كم نسبة العرب في المعهد؟

يعني تقريبا كم من وجهة نظرك

انا معهدي نسبة السعوديين 75% اذا مو اكثر

اخوي اذا انت تعتمد على عدد السعوديين في المعهد انا اعطيك مثال في السعودية في جامعة الملك فهد للبترول والمعادن عندهم سنة تحضيرية انجليزي الكلاس عن بكرة ابيه سعوديين مافي اي اجنبي ويطلعون من هالسنة بلابل انجليزي معناتها ان عدد الطلاب السعوديين ماهو مقياس في تعلم اللغة وعلى فكرة انت بتدرس مع اجانب من خارج امريكا انجليزيتهم تعبانة وش الفايدة اللي بتحصلها منهم طبعاً ما راح تشوف امريكي في هالمعاهد لن لغتهم الام هي الانجليزي يعني ما يحتاج للمعهد وتوكل على الله.. وانت اتعب على نفسك في الدراسة وانصحك بالقاموس انجليزي-انجليزي لانه افضل من الانجليزي-عربي والله يوفق الجميع..

أعطيك العلم بطريقة أخرى

أنا كلاسي كان انترميديت وكان عندي كلاسين الطلاب السعوديين كانوا حول الستة في كل كلاس وحول ستة أو سبعه طلاب أجانب في كلا الكلاسين

طبعاً اتوقع المستويات البيسك والالمنتري السعوديين أكثر من هالعدد..

نسبة السعوديين الأغلبية يعني ممكن تقول 75 % لأن الطلاب الصينيين كثر بعد والكوريين واليابانيين فصعب أحدد لك

بالتوفيق

في سعوديين كثير بديلاوير اناكلاسي فيه

الله يسهل أمورك
بالتوفيق يارب

ما قصرتوا من هالمعلومات

ويعطيكم العافيه كلكم واسأل الله ان يسهل اموركم في الابتعاث

بجيب منه قبول الاسبوع القادم

انشاء الله ما يكون متكدس

تنصحوني بالمعهد والجامعه
يعني اذا جيت ماراح اندم واضطر اغيره
المهم عندي المعهد والجامعه الدراسة فقط مو لازم تكون مدينة سياحية بس تهمني الاسعار
المكتب حطني بمعهد esli كوربس كريستي وفي ناس بالمنتدى تقول انه ماينفع للي لغتهم صفر وانا اكثر من هذا