مساعدة TENNESSEE STATE UNIVERSITY - NASHVILLE

مرحبا
بالنسبه للجامعه انا قدمت عليه لكن ما اشوف منهم استجابة
والي الان مافي رد

المدينة زرتها مره شكلها مدينة حية وكبيرة

هذا الي اقدر افيدك فيه

شكرا

- - - مشاركة محدثة - - -

متطلباتهم سهله علي حسب موقعهم +

- - - مشاركة محدثة - - -

متطلباتهم سهله علي حسب موقعهم +

الله يعطيك العافيه ... كم صار لك مقدم على الجامعة ؟
أنا فعلاً قرأت تعليقات الطلاب الأمريكان بالجامعة يقولون الإدارة بطيئة جداً في تجاوبها مع الطلبة واستثنوا الطلاب الدوليين.

أرجوا الإفادة أكثر من بقية الأعضاء ... الموضوع مفتوح للنقاش وتبادل الفائدة

و عليكم السلام و رحمة الله و بركاته


المدينة جدا حلوة هادية و رايقة و الشعب بالحيل فرندلي انا بعد قبل اجي استخوفت من الكلام بإنهم عنصرين و و و و !
لكن يوم جيت عرفت انه العكس تماما و ماصرت اصدق اي شي اقرآه ابد
و تنسي ستيت جامعة كويسة اعرف أكثر من شخص فيها
أنا حاليا أدرس بمعهد IEI معهد تأسيس و جيد بس طلآبه مو بالحيل زينيين فيه تكدس سعوديين بشكل مو طبيعي !
كأنه فآتحينه للسعودين بس هههههههههه عالعموم هآذي المعلومات اللي انت طالبها لو حبيت تستفسر أكثر انا بالخدمة

المدينة جداً رائعة فيها كل شي ورخيصة وجوها حلو
لكن الجامعة مالقيت عنها معلومات كثير
كل اللي اعرفه عنها انها كبيرة وفيها تقريبا كل التخصصات + شروط القبول سهلة اذا كنت مستوفي الشروط وناقصك كم درجة في الجيمات او الجي أر يتغاضون عنها أيضاً بعض الأقسام اذا المعدل عالي اهم شي بس تختبر الاختبار المطلوب منك
لدي منها قبول طبعا بعد ايميلات عديدة لمسؤولين القبول و مكتب الانترناشنول حتى التليفون اتصلت لهم
والحمدلله وصلني القبول
لكن محتار لان بانتظار الرد من كذا جامعة مقدم عليهم
ايضا اريد معلومات عن الجامعة واهم شي السكن للعوائل يكون قريب من الجامعة انسب هل يوجد حاضنات قريبة من الجامعة
الله يوفق الجميع

يعطيكم العافيه

مقدم عليهم تقريبا اسبوعين
واحتمال وصول كامل اوراقي الاسبوع هذا.


كيف وضع الجامعه بالنسبة لدراسة - ماستر
هل اذا إن شاء الله وصل قبول منهم
يستاهل ادرس فيها؟
لأني برضه انتظر قبول جامعات ثانية ...

اذا احد يدرس بالجامعه ياليت يعطينا أكثر تفاصيل ..



وشكرا

أشكرك جداً على التعليق
بالفعل المفروض ما نصدق اي كلام نقراه في المنتديات ... انا نفس الشي حصل معاي لما رحت لمديتني في كندا ... قرأت عنها كلام مش ولا بد ... ولما وصلت وعشت فيها وجدتها جميلة وتناسبني.
وبالنسبة للمعهد طالما انك تدرسين فيه ... هل المعهد معترف فيه لدى الجامعات في مدينة ناشفيل ؟ وياليت تعطينا قائمة بأسماء الجامعات اللي تعترف فيه.
كذلك، هل المعهد يحضر لاختبار الآيلتس أو التوفل ؟
ما مدى مصداقية المعهد مع الطلبة السعوديين من ناحية إعطائهم الدرجات المستحقة وعدم التحيز ضدهم ؟ لأني تجرعت الظلم وعانيت من معاهد كندا

أرجوا منكِ الرد وإفادتنا أختي الكريمة

السلام عليكم

مرحبا اخي اولا tsu معروفة بتعقيد قبولها قليلا لكن طلباتهم من ناحية الجيمات متساهلين واقرى ردود موضوع بهذا القسم باسم دليلك الشامل لولاية تنسي في بعض الردود عن هالجامعة اذا انت جازم فراسلني خاص اصلك بمسؤل الطلاب الانترناشونال بالجامعه او باحد الطلاب السعوديين بهذه الجامعه

بخصوص معهد iei المعهد جيد جدا من ناحية التأسيس ومابه خلاف واموره بالسليم ولي الان فيه 9 اشهر لم نشتكي منه ابدا اما بخصوص بعض الردود ماعجبتني الطلاب متكدسين مادري ايش اذا عندك هذا تكدس فلم تشاهد معاههد اخرى كيف السعوديين فيها اما بخصوص الطلاب ماهو زينين مافهمت وش القصد انا من الطلاب هذولا ابي افهم وش معنى ماهم زينين ونرد عليك . والله في رأيي لي الان في المعهد مدة كافية لااحكم عليه ماشفت منه شي ابد

اما بخصوص مدينة ناشفيل ياعزيزي اقولك توكل على الله وتعال الحافظ الله نسبة الامان عاليه يارب لك الحمد والواحد يكون حذر. اي استفسار او مساعده حنا حاظرين طال عمرك .

قود لك

أشكرك جزيل الشكر على هالمعلومات القيمة
أنا مقدم على الجامعة لدرجة البكالوريوس ... لدي شهادة دبلوم عالي من كلية الجبيل الصناعية تخصص هندسة قوى كهربائية ... أتمنى أنهم يعترفون بشهادتي ويعادلون لي لو على الأقل "ساعات"
بالفعل تجاوب إدارة الجامعة بما فيها مكتب خدمات الطلاب سيئ من ناحية إنجاز الإجراءات والرد ... هذا ما قرأته في أحد المواقع من الطلبة الأمريكان اللي يدرسون بنفس الجامعة

قرأت بإن الجامعة كويسة في تخصصات الهندسة بشكل عام ... وهالشي ريحني كثير ... بالإضافة إلى أن الجامعة سهلة نوعاً ما مقارنة بالجامعات الأخرى ... وأيضاً متساهلين فيما يخص المتطلبات.
طالبين 5 بدرجة الآيلتس وهالشي بحد ذاته ميزة لنا ... استغرب عدم تكدس الطلبة السعوديين في هذه الجامعة ... ربما لأن نسبة كبيرة من السود يدرسون ويدرّسون بها!

بإنتظار المزيد أخي العزيز

وعليكم السلام عزيزي مشوار الوله

اسعدتني جداً .. ردك يثلج القلب ويريح الصدر ..
لدي سؤال وأرجوا منك الرد ... هل يوجد في المدينة نادي طلاب سعوديين ؟
وبالنسبة للقبول الجامعي كم ياخذ مدة تقريباً ؟ لأن ما عاد باقي من مدة التأجيل غير شهرين ونص
وهل تعتقد هالمدة كافية للقبول وإصدار تأشيرة الدراسة الأمريكية ؟

أرجوا منك الرد اخي الكريم