جامعة ميرلاند بالتيمور كاونتي - UMBC
السلام عليكم ورحمة الله وبركاتة
بداية :// أسأل الله أن يوفق جميع المبتعثين وييسر أمورهم
بعد البحث عن جامعة UMBC ومدينة بالتيمور لدي بعض الإستفسارات
الحمدلله وجدت إجابات ومعلومات في هذا المنتدى عن الجامعة والمكان .. لكن سبحان الله الشخص مايرتاح باله إلا أن يأخذ المعلومات من أكثر من مصدر
أعلم أن مدينة بالتيمور تعتبر من المدن الخطيره بـ الولايات المتحدة الأمريكية .. لكن أيضاً أعلم أن الجامعة تقع في مقاطعة بالتيمور Baltimore County وتعتبر أكثر أمان من وسط المدينة
السؤال هنا://
ماهي أفضل الشقق الموجودة سواء القريبه من الجامعة أو اللي تبعد 15 -20 دقيقه بالسيارة .. طبعاً بذكر الأسعار أن أمكن
كيف نسبة السعوديين الموجودين في الجامعة سواء عوائل أو أشخاص.
هل الجامعة صعبة جداُ.. وهذا اللي مخوفني أكثر شي.. مصادر مختلفة تقول أن نسبة السعوديين قليله في الجامعة نظراً لصعوبة دراستها
واللي خوفني أكثر أني بحثت بعمق عن هالموضوع ورأيت تقييم للطلاب يوضح صعوبة الجامعة .. لكن أحببت أخذه من مصدر يدرس في الجامعة أن أمكن.
وهل يوجد نادي للطلاب في بالتيمور .. أقصد موقع إلكتروني لهم؟
السؤال الأخير :// هل يوجد طلاب سعوديين للماجستير والدكتوراة في الجامعة؟
من أستطاع الإجابه فلا يبخل علينا .. لأن في كثير غيري وده يعرف عن هذه الجامعة
الدعاء والشكر لكم مقدماً .. والله يوفقنا وياكم :)
رد: جامعة ميرلاند بالتيمور كاونتي - UMBC
المشاركات تفوق الـ 100 .. ولا في أي رد !
بإنتظاركم يا إخوان :)
رد: جامعة ميرلاند بالتيمور كاونتي - UMBC
اهلا وسهلا اخوي
الله ييسر لك امرك ويسهل دربك وتوصل لنا بالسلامة
بالنسبة للسكن في امكن اقرب من 15 دقيقة بالسيارة واشوفها مناسبة للسكن
mount ridge, cedar run and helthrope
هيلثروب ماني متأكد من السبلينق حقها
لكن عموماً هذي اكثر الاماكن اللي يتمركز فيها السعوديين
اسعارها تعتمد على عدد الغرف اللي بتاخذها
بالنسبة للطلاب بمعهد الجامعة مشكلين نسبة كبيرة ماقدر اعطيك نسبة معينة بس هي فعلاً نسبة عالية
الشي الثاني الجامعه في حقها صراحه ومتعبه ويبغى اجتهاد الكلام هذا انقله لك عن طريق الشباب اللي ساكنين معي هم طلاب جامعه وانا طالب معهد
ويوجد طلاب ماستر ودكتوراه بالجامعه وسعوديين
هذا اللي عندي من اجوبة واعتذر عن التأخير بالرد
بالتوفيق
رد: جامعة ميرلاند بالتيمور كاونتي - UMBC
حياك الله يا عبدالعزيز . .. //
الحمدلله دام في طلاب دراسات عليا في الجامعة . .. //
كنت متخوف من المكان لكن دام في وجود طلاب سعوديين كثير فـ الوضع يعني آمن هناك ..//
بالنسبه للسكن قرب الجامعة . . هل في شقق آمنه وكويسه قريبه من الجامعة..؟ أنا قريت عن Catonsville / Arbutus .. إذا تملك معلومات عنها لا تبخل ..//
وهل تنصحني بالمكان والجامعة؟ لأني بصراحه أستطيع إكمال دراستي العليا في أكثر من جامعة .. لكن أخترت UMBC لأني أشوفها الأفضل من حيث المكان وقوة البرنامج ..//
أخيراً:// هل توجد عوائل سعودية هناك ؟
شاكراً لك يا عزيزي وقتك ولباقة ردك .. .//
أسعدك الله ووفقك :)
رد: جامعة ميرلاند بالتيمور كاونتي - UMBC
العفو اخوي ماسوينا الا واجبنا
بالنسبة للعوائل في عوائل سعوديين وياكثرهم اللي جايين عوائل والحمدلله اشوف امورهم ماشيه بس بالاخير اختلاطي بالعوائل او المتزوجين ضعيف جداً عشان كذا ماعرف وش اللي يناسب العوائل اكثر
لكن بالثلاث الشقق اللي ذكرتها لك يتواجد فيها عوائل سعودية والاكثرية بـ cedar run
وهي تتواجد على خط باص catonsville وسعرها هي الانسب ومنطقتها هي الاكثر حيوية بين الثلاث ولكن انا شخصياً ما افضل السكن هناك لانها شكلياً وتقسيمها ماعجبني
بس بالاخير العوائل متواجدين هناك بشكل كبير
بالنسبة لـ mount ridge تقع في catonsville لكن الباص اللي يمر عليها هو باص arbutus
سعرها عالي شوي بس سكنهم لي شخصياً معجبني
الشقة الاخيره ماعندي خلفيه كبيره عنها ولكن سعوديين كثير يتواجدون فيها وهي الاغلى بينهم
على فكره اخوي انا اللي جبتها لك الشقق هي كلها جنب الجامعه ويمر عليها باص الجامعه
طبعا لو تدخل بموقع الجامعه راح تحصل لسته بجامعات اكثر ولكن انا اخترت لك اكثر ثلاث ساكنين فيها سعوديين
وغير كذا اذا اعجبك شي من لستة المعهد عطني اسم الشقة وانا بقول لك وش اعرف عنها
http://www.umbc.edu/eli/documents/Of...nformation.pdf
هذا رابط فيه مجموعه من الشقق شيك عليها
بالتوفيق اخوي
رد: جامعة ميرلاند بالتيمور كاونتي - UMBC
الله يجزاك كل الخير عني يا عبدالعزيز .. //
أفدتني كثير الله يسعدك .. .//
أنا شفت الشقق اللي كتبتهم على مواقعهم . .كلها جميله وأماكنها حلوه .. //
أنت ذكرت أن Mount Ridge سعرها الأعلى .. بس أنا شفتها إنها أرخص من Cedar Run ... //
اللي عرفته أن Mount Ridge سعر الـ " One Bedroom" تقريباً 800$ من غير الكهرباء والمويه .. //
وبالفعل الـ Mount Ridge عجبتني لكن أنا مايعجبني الخشب .. يوم عرفت أن الفلور خشب غيرت رأيي .. :)
الـ "Cedar Run" تقريباً من 830$ - 890$ ...لكن مادري الكهرباء عليهم ولا لا . .. ياليت تفيدني لو تقدر //
سؤال أخير .. "Ellicott City" تعرف عنها شيئ؟ قريت من أحد الأخوان أنها تعد المنطقة الأرقى هناك وهادئة جداً ... //
تعبتك معي كثير ياعبدالعزيز .. سامحني ياخوك ... وعسى أن تكون مساعدتك في ميزان حسناتك .. //
وفقك الله :)
رد: جامعة ميرلاند بالتيمور كاونتي - UMBC
هلا وسهلا اخوي
كل الشقق اللي ذكرتها لك الكهرب عليك بالنسبة للاسعار تأكد الاسعار بتاريخ كم مسجلة لان الاسعار تتغير
ايلكوت سيتي على حد علمي انها من اجمل المدن بميرلاند ولكن ماعرف صحة هذا الكلام
عموماً المنطقة هاديه وامنة على حد علمي وتنفع عوائل خصوصاً اللي معه سيارة لان الباص مايوصلك هناك
بالتوفيق للجميع ان شاء الله
رد: جامعة ميرلاند بالتيمور كاونتي - UMBC
اقتباس:
المشاركة الأصلية كتبت بواسطة Abdulaziz EMT
هلا وسهلا اخوي
كل الشقق اللي ذكرتها لك الكهرب عليك بالنسبة للاسعار تأكد الاسعار بتاريخ كم مسجلة لان الاسعار تتغير
ايلكوت سيتي على حد علمي انها من اجمل المدن بميرلاند ولكن ماعرف صحة هذا الكلام
عموماً المنطقة هاديه وامنة على حد علمي وتنفع عوائل خصوصاً اللي معه سيارة لان الباص مايوصلك هناك
بالتوفيق للجميع ان شاء الله
الله يجزاك خير ....//
وفقك الله عزيزي.. شكراً لك ...//
:)