السلام عليكم ورحمة الله وبركاته
الله يسهلك ويوفقك أخويا , معليش أنا في بنسلفانيا, بس أعرف موقع ممكن يساعدك اسمعه كريج ليست, إذا إنجليزيتك تمام, راسلهم, الطريقة هيه أنك تشوف الشقق وأسعارها, بعضهم يحطوا صور وبعضهم لا, انت أطلب الصور, و أسأل قد إيش بعيدة عن المكان الفلاني أو الشارع الفلاني, كمان أسأل ايش انواع المواصلات المتوفرة, والأهم من كدة أتأكد وأكرر
أتأكد أنه الشقة سليمة ونظيفة, لأنه ده الموقع مفتوح للجميع وممكن بالراحة تكون الشقة سيئة, أنا ما عندي اي خبر عن بوسطن, ولا أعرف أحد هناك لكن أفترض بما أنها مدينة كبيرة فيها أحياء نظيقة وأحياء سيئة, لو البيت في حي نظيف راح تكون غالبا الشقة نظيفة, ممكن تشوف إذا أحد يتكرم يشوفلك المكان قبل ما توصل, أو اذا وصلت تكون رتبت مسبقا أنك تشوف البيوت, وأهم شئ أنك ما تعطيهم أي مبالغ مادية قبل ما توصل والله يسهلك ويوفقك, هدا الموقع لبوسطن, معظم المدن اللي أمريكا موجودة في ده الموقع, انا أستأجرت بيتي الحالي والبيتين السابقين اللي سكنت فيهم عن طريقه, وأنا ساكنة في مدينة صغيرة جدا
craigslist: boston classifieds for jobs, apartments, personals, for sale, services, community, and events
نقطة أخيرة أخويا أتأكد أنه النتائج اللي تطلع لك في حدود المدينة, لأنه الموقع ده ممكن يطلع لك شقق أو سكن قريب من بوسطن في المدن الصغيرة أو القرى الصغيرة اللي حول بوسطن,
ممكن تفكر في موضوع القرى الصغيرة لأنها ماهي فكرة سيئة بالنسبة للعوائل , تختار مكان قريب من بوسطن وتسكن فيه, ممكن يكون بعيد 10-20 دقيقة بالسيارة بس بيكون أرخص بكتييير والمعيشة ارخص بشكل عام
الله يسهلك ويسهل لأهلك ويفتح لكم أبواب الخير,
أمل
