معهد اللغه في Tennessee Nashville ولاية تينيسي مدينة ناشفل المساعده

السلام عليكم
كيف حالكم أخواني الأعزاء
حبيت أسالك بالنسبه لمعهد اللغه على ما أظن اسمه iei في هالمدينه تابع للجامعه
بحيث اني اقدر اخذ قبول مشروط منها
وهل اذا موب تابع لها أقدر أخذ قبول معهد وانقل من ولايتي الحاليه لهالولايه
ومشكورين

أهلين أخوي ،

اييه فعلاً المعهد تابع للجامعة ( جامعة MTSU ) ب مرفسبورو و المعهد بمدينة ناشفيل
بكالوريوس تخلص ليفل 5 و تلتحق ببالجامعة
ماستر تخلص ليفل 6 و تلتحق بالجامعة
طبعا انت تقدم بنفسك و تعطي خبر للمعهد عشان يتواصل مع الجامعي و تستهل الأمور ،


موفقين ً حاضرين لأي استفسار آخر ،

توني ادري ان لجامعه MTSU معهد

هل متاكدين من هالشي؟

أهليين ,

آييه لهآ معهدين معهد ELS و المعهد هذآ الحين Hold
و معهد IEI و آنآ آدرس فيه حالياً و عندي قبول عن طريق المعهد لهالجامعة ( قبول مشروط بإنهاء 5 ليفلات من هالمعهد ) و المعهد متكدس الآن ,

جامعة MTSU تقع في مرفسبورو
ويتبع لها معهد ELS ويقع في نفس مبنى الجامعة

المعهد جيد جدا ويؤهل للجامعة لفل 10 للبكالوريوس و 12 للماستر
ولا اعتقد عليه هولد لأن كل شهر يجونا طلاب جدد

المعهد IEI يقع في ناشفل
وسمعته ليست جيده
فانصحك تدرس في معهد ELS افضل بكثير

اقتباس:

---

المشاركة الأصلية كتبت بواسطة رعد الكناني

جامعة MTSU تقع في مرفسبورو
ويتبع لها معهد ELS ويقع في نفس مبنى الجامعة

المعهد جيد جدا ويؤهل للجامعة لفل 10 للبكالوريوس و 12 للماستر
ولا اعتقد عليه هولد لأن كل شهر يجونا طلاب جدد

المعهد IEI يقع في ناشفل
وسمعته ليست جيده
فانصحك تدرس في معهد ELS افضل بكثير

---

معهد ELS عليه هولد للأسف و هذا رابط المعاهد و بإمكانك تتأكد من هالشي
http://www.sacm.org/pdf/ApprovedESL1112.pdf

و بخصوص معهد IEI من قال انه مو جيد ؟ بالعكس انا أدرس فيه و جداً ممتاز , أتمنى محد يكتب شي و الا هو مجرب اللي يتكلم عنه لآني شفت نآس كثير تكتب آشيآء تسمعها فقط !
حنآ هينآ نوصل أمانة لغيرنا و لازم نقول الشي اللي نشوفه مو اللي نسمعه , المعهد جداً ممتاز و من جد يأسس و يسوي آشيآء أنا عمري بحياتي ماشفت معاهد ثانية يسويها ,
أخوي آستخير و الله يكتب لك الخير يارب ,


موفقين للجميع ,

^بارك الله أخوي فيك عالمعلومات القيمه ,, واذا بامكانك تسعفنا عن طريقة التقديم وجلب القبول المشروط , لانه من شروط تغير الولايه أحضار قبول مشروط
(( قبول معهد وجامعه ))
وبارك الله فيك ,, والمدينه كيف بشكل عام للي مامعه سياره وهل متوفره وسائل المواصله باص او غيره
وهل أمنه بعد الله تعالى والمعذره على كثرة الأسئله

اقتباس:

---

المشاركة الأصلية كتبت بواسطة كنقمان

^بارك الله أخوي فيك عالمعلومات القيمه ,, واذا بامكانك تسعفنا عن طريقة التقديم وجلب القبول المشروط , لانه من شروط تغير الولايه أحضار قبول مشروط
(( قبول معهد وجامعه ))
وبارك الله فيك ,, والمدينه كيف بشكل عام للي مامعه سياره وهل متوفره وسائل المواصله باص او غيره
وهل أمنه بعد الله تعالى والمعذره على كثرة الأسئله

---

هلآ أخوي ,
قدم على الجامعة قبل مايقفل التقديم , و ان شاء الله يعطونك مشروط بس انا خذيت قبولي عن طريق المعهد IEI
المدينة جداً جيدة و كل شي في متناول يدك و لكن مايعيبها انه لا توجد مواصلات لو مامعك سيارة مستحيل تمشي حياتك , النقل العام ضعيف جداً و الـ Government يحاولون يطورونه الحين بس للحين تحتاج سيارة ,
من قبل ما أجي يقولون خطيرة خطيرة و مدري وشو بس من جيت و الحمدلله كل شي بيد الله , فيه أماكن مشبوهة يُفضل تبعد عنها سواء سكن او انك تروح لها بالليل , ومعروفة هالاماكن جداً و تقدر تبعد عنها لو تبي الآمان ,

الله يوفقك ,

يعني هل المعهد وفر لك قبول المعهد والجامعه ؟
وبالنسبه للمعيشه هل تعتبر غاليه او مناسبه !
واذا ممكن تتكلمين عن المعهد انه شديد او انه متوسط ويقوي في الايلتس وكم لفلاته ومدته \
واكون لك من الشاكرين

اختي خلود انتي متأكدة ان

IEI تبع جامعة ميدل تنسي

انا معي قبول مشروط من هالجامعة وما جابوا لي طاري هالمعهد ابد

مكتوب في القبول اما تدرس في اي ال اس او تجيب 6 في الايلتس