سوال عن معهد virginai tech

السلااام عليكم ,,,,


اخواااني اتمنى منكم تتفاعلون وتردولن علي بسرعه لاني محتاااج مره هالمعلومه وانتم انشالله ماراح تقصرون ....

انا دارس على حسابي الخاص لي خمس شهور في Denver بس قالولي الملحلقيه مانقبلك الا تغير الولايه لانها متكدسه بالطلاب ...


وانا الحين الحمدلله جاني القبول من معهد virginai tech بس انا الي مخوفني وهو سوالي هل عندهم قبول مشروط ؟ مثلن اذا درسة كل المستويات في المعهد ادخل الجامعه علطول ولا لازم درجت توفل ولا ايلتس ؟؟؟؟

لاني بحثت كثير والارائ حول هذا الموضوع جدا تختلف ناس تقول ايه وناس تقول لا فانا مرا محتار ؟؟؟

لاني باقيلي خمس ايام واروح هناك فياليت واحد يعطيني خبر اكيد عشان لو مقدر احول لمعهد ثاني وامشي اموري .. لان لو رحت وابتعثت راح تكون علي صعبه النقله ....

فياليت واحد يكون متاكد ويعلمني عن موضوعي ؟؟

في انتظار ردكم باسرع وقت ولكم جزيل الشكرر..:)

ياهلا فيك والله ,, والله انا كنت أفكر انقل لهالمعهد وجبت قبول وأموري طيبه
لاكن جاني قبول معهد ,, وراسلت الموظفة حقت القبول في فرجينيا تك أسمها إلزيبث عن القبول المشروط وقالت مانوفر قبول مشروط !
للعلم انا بكالوريوس و الشي الثاني موقعهم مكتوب برنامج القبول المشروط لاكن مدري وش سالفتهم

عالعموم قدم ويمكن يقبلونك الملحقيه والله يسهل دربك

هلااا وغلااا...

يعني انت نفس موضوعي متلخبط ولاتدري هم عندهم قبول ولالا ؟؟؟

هذي الورطه لاني انا بمشي بعد 5 ايام وابي اتاكد عشان لو ماعندهم اشوفلي معهد وجامعه غير اخلص علطول ادرس ...

بس اتا الحين متوهق مادري هم يوفرون ولالا واخاف اروح ويصيرون مايوفرون واتوهق صح والله مادري وش اسوي الله يسعدك..

قبول الملحقيه بسيط يقولون غير الولايه وارفق اي توني ومباشره علطول تنظم ...

وناس من اخوياي غيرو الولايه ونظمو بسيطه لاكن الي خايف مايوفرون واروح وابتعث وانكب هناك تصير النقله محسوبه علي وحتى صعبه يااارب يسهل ...

والله انا قدمت وعندي ورقة القبول اللي هو تبدأ الدراسه بـ الأسبوع الجاي
لاكن مايمديني أنقل الملحقيه قالتلي قبول مشروط ,, لاني اللي جاني بس قبول معهد !
وسألتها قالت مانعطي قبول مشروط !

الله يسهلك

اوووه اجل كذاا ... والله شكلي بغير وبروح اريزونا لاني مادري وش اسوي من جد توهقت الله يعطيك الف عافيه

طيب تقدر تعطيني رقمها اتاكد لاعل يمديني لاني خلصت اوراقي الحين عليهم ؟؟


الله يعطيك العافيه موفق يارب .

الظاهر بتحصله بالإيميل اللي تراسلك موجود رقمها او تكتبلها رساله
والله يسهلك وموفق ان شاء الله

الله يعطيك الف عافيه...

- - - مشاركة محدثة - - -

الله يعطيك الف عافيه...

انتا تقصد فرجينيا تك الي في فالس شرش ولا بلاكسبيرغ

لا يالغالي اقصد الي في Blacksburg ....

ماعندي معلومات عنهاا بس بامكانك تسال عن النادي الطلابي الي فيها

انا ادرس في المعهد و يعطي قبول مشروط لطلاب البكالوريوس فقط لكن لابد ان تنهي كل مستويات المعهد بنجاح او تختبر اختبار توفل خاص بجامعة فرجينيا تك في نفس المعهد واذا احتجت اي خدمة راسلني على الخاص