السلام عليكم ورحمة الله ..
انا تخرجت من البكالوريس بمعدل عالي مع مرتبة الشرف
وكملت ماجستير باللغويات في بريطانيا وجبت درجة عالية جدا ..مو باس والا عالحفة !!
ورجعت للبلد على أساس اشتغل والا انا ودي اجلس هناك واكمل دكتوراه بس قلت اضمن الوظيفة وابتعث من عملي
واعاني حاليا من الاكتئاب مابعد الابتعاث بس هذا مو موضوعي (الملحقية المفروض هنا تصرف بدل للطبيب النفسي بعد البعثة زي بدل الطباعة مثلا)
المهم السالفة انو قدمت على احدى جامعات السعودية وسويت معاهم انترفيوبالحرف الواحد قالي الدكتور حق القسم "انت مكسب للقسم" يعني من جد اعجبتهم الحمدلله
وتفاءلت ..بس بصراحة للحين ماجتني الوظيفة ولادقوا علي الجامعة !!
القسم قبلني بس باقي يوافق مجلس الجامعة الي ماادري متى بيعقدونه
وبعدين ماادري قالو يروح الخدمة المدنية ومااعرف ايش ..يعني ماادري متى بتوظف صراحة !!
الشئ الي قهرني: قالو انك احتمال تتوظفين كمعيد وليس محاضر من ناحية الراتب
ونرقيك لمحاضر اذا كملتي الدكتوراه !! ليش بس تساوون الشخص الي درس وتعب وتغرب وركض بهالمكتبات بشخص وقف لحد البكالوريس ..!! هذا النظام بس عشان يجبروني اكمل دكنوراه !! اوكي اكمل مااكمل مالكم دخل ..بس وظفوني على حسب شهادتي !!!
وياعالم انا مااقدر اجلس فاضية كذا لانو تعبت نفسيتي صراحة وبديت اتهاوش مع كل شخص اشوفه قدامي وقلت خلاص "دقت ساعة العمل" :D
جيت وكلمت معاهد تدرس انجليزي عشان اتوظف عندهم وكلهم يقولون مو محتاجين بس جيبي ملفك احتياط !! اخر شي انا اصير احتياط...!!!افااا ليش بس؟
انا الان مصدومة من جد لاني كنت احلم باليوم الي أوقف فيه وأشرح وأخدم هالبلد وأطبق كل شي تعلمته
لكن احس اني كل يوم أذبل, اتحطم, مااحد معبرني !! بينما زميلتي الاجنبية الي معدلها اقل مني بكثييييير
تتوظف علطول ..مو حسد لها والله يرزقها .. لكن انا بنت البلد مو أولى ؟ والا لازم اغير جنسيتي عشان يوظفوني بسرعة ؟
اتمنى احد يتفهم الحالة الي أنا فيها
ويقولي اي اقتراح انا ممكن اسويه في سبيل الحصول على وظيفة,, اوعلى الأقل واسووني :(
وشكرا
