عرض للطباعة
السلام عليكم ورحمة الله وبركاته
انا عندي سؤال واتمنى واحد يقدر يساعدني فيه. انا بعد معاناه قدرت احصل واسطه عند احد مكاتب اصحاب السمو الملكي
وانا طالب وابي ابتعث للولايات المتحده بشهاده الثانوي متخرج دفعة 1426هـ
وواسطتي يقولي تبي نوجه الخطاب لمين؟ وانا مادري اوجه الخطاب لمين وايش اخليه يكتب فيه وهكذا , في بعض الشباب يقولون خليه يعطيك استثناء وانا ماعندي خلفيه, فأتمنى اللي يقدر يعطيني العلم الأكيد يكتب رد هنا او يراسلني على الخاص وبكون شاكر جدا جداً
شكرا
ومبارك عليكم الشهر
ايييييييييه يالواسطة
يازين دهن السير
بس اللي ماعنده دهن خليه على زيت الزيتون يمدحونه صحي صحي!!
الله يوفقكم
انا جيت ادور المساعده , ولا مكان للردود العقيمه هنا شكرا
أخوي من خبرة الوزارة وعشان ماتتحطم ترى خطابات اصحاب السمو الملكي مهما كان نوعها مالها كرت وماتمشي عندهم وبيستملونها منك مجاملة ويخلونك تدور في حلقة مفرغة لين تمل وتخليهم والوزارة نفسها طويل بهالامور والخسارة في ضياع وقتك وضغط اعصابك وصحتك والإستثناء الوحيد للقبول في البعثة على طول هو امر من الديوان الملكي أو معرفة شخصية بالوزير مع انه شديد أو معرفة باأحد وكلاء الوزارة وبالتحديد النائب (السيف) او وكيل البعثات (الموسى) لأنهم هم اللي بيدهم الضبط والربط مباشرة بهالأمور وجاك العلم الأكيد وياليتك لاحق بدري على العطية الله يذكره بالخير قبل لايعفى كان تطلع مثل هالشباب اللي راحوا بدون واسطة وعلى العموم جرب حظك ومنت خسران شئ وإذا تبي نصيحتي اسهل حل اطلع على حسابك والتحق من دون واسطة ولا وجع راس والله يوفقنا واياك.اقتباس:
المشاركة الأصلية كتبت بواسطة feze
مشكور على مشاركتك اخوي