عباية كتف ومخصره .. لثمه حلوه و معطره ???

السلام عليكم ورحمة الله وبركاته

.
.
.
.
.

مقدمه

موضوعي هالمره خاص بالسحالي .. الجنس الناعم

الا على طاري السحالي .. ما أدري ليه البنات يزعلون اذا قلنا لهم سحالي ؟http://bdr130.net/vb/images/smilies/75_75.gif

يعني فكروا فيها شوي .. لو شلنا حرف ( السين ) من كلمة سحالي

طلع الناتج كلمة ( حالي ) :121:

يعني الحلا فيكم فيكم .. وشوله الزعل جعل المشق يشق وجيهكم http://bdr130.net/vb/images/smilies/icon8.gif

<<<<<<< مسوي عصب

المهم نكمل المقدمه

خخخخخخخخخ

الموضوع يتكلم بشكل خاص عن ( الحجاب ) وبلغتنا العامية .. ( العباية )

يعني بصراحه هالايام صار الحجاب ( يفتن ) اكثر من انه ( يستر )

وللأسف بناتنا انجروا ورى الموضات والتفنن في ( تخريب ) الحجاب http://bdr130.net/vb/images/smilies/sad_smile.gif

وصار الحجاب يتفننون فيه اكثر من الملابس

اللي تلبس عباية على الكتف .. واللي تلبس العباية المخصره ( يالبى قلبها <<< خربها :120: خخخخخ )

واللي تلبس العباية المكشوفه من قدام .. يقال لها ان الناس بيطالعون اللي ورى وبيتركون اللي قدام http://bdr130.net/vb/images/smilies/50_50.gif

تخيلوو معي .. وابي كل شخص يسرح معي بخياله الواسع في عالم العبايات <<<< ابوووك يالتعبير

تخيلوو اني رايح مع الوالده للسوق .. تبي تتقضى للعيد ( لا يكثر وأخلص علينا )

وانا أدربي راسي ورى أميمتي ومعي نص الاكياس اللي موجوده في السوق

مع انها قايله لي انها بتشتري غرض واحد وبتطلع

بس شكلها تقصد غرض واحد من كل محل في السوق

المهم وانا شايل ذا الأكياس الا يمر من عندي ذاك السواد اللي يحبه قلبكم

ولا شعوريا سقطت من يدي كل الأكياس

وفتحت خشتي وانا أردد (( وااااااااااااااااوووو )):119:

وبدأت ال****** تقوطر من خشمي وليس من فمي .. من هول ما رأيت

بنت لابسه عباية على الكتف وياليتها على الكتف وخلاص

مخصرررررررررررررررررررررررررره لدرجة انك ما تدري هي لابسه عباية ولا ثوب أسود

وفوق هذا كله .. طاقه لك ذيك اللثمه اللي تخليك تشاهق من عيونك :115:

والعطر اللي يشق الخشم ويخترق الجيوب الأنفيه خخخخخخخخخخخ

كل هذا وانا ما زلت فاقن خشتي أطالعها .. وما دريت الا بأمي الحنون

وقد أرسلت لي زنوبتها مقاس ( 38 ) على جبهتي .. وطبعت ذلك الرقم في وسط جبهتي

وقلت لها معاتبا : لماذا يأميمتي يعني لازم تفشليني قدام هالطخمه http://bdr130.net/vb/images/smilies/icon_redface.gif

وبحركه سريعه ... مغطت أمي أذني وجرتني على علباي وقالت :

هالطخمه اللي تقول عنها .. مهيب نافعتك لا جتك الهواجيس آخر هالليول وانت تفكر فيها

لاهيب اللي جايتك ولانتب اللي طايلها ..

وفوق هذا كله ما سترت على نفسها وسوت خير فيك وفي نفسها

وانطلقت أمي وانا حملت الأكياس ودربيت راسي وراها

(( يلموووني في اللغة العربية بتاعتي خخخخخخخخخ ))

الشاهد يا أخواني وأخواتي ..





لماذا أصبح الحجاب هكذا ؟

أنا عندي سؤال للبنات اللي يلبسون عبايات على الكتف .. حتى لو كانت وسيعه

وش تستفيدين من لبس هالعباية ؟؟

فيه بعض البنات تقول انا تعودت عليها ..

بالله تعودتي عليها .. احلفي قوة :006:

طيب انتي ما تعودتي عليها الا من كثر ما لبستيها

سؤال يسدح نفسه ..

انتي جربتي تلبسين عباية على الراس وتتعودين عليها ؟

أكيد جوابك لا ما جربت .. ويمكن جربتي بس انتي حاطه في بالك انها ما تجي عليك

طيب وش اللي يمنعك تجربين ؟؟

فيه بنات يقولون شكلنا أحلى بالعباية اللي على الكتف

أقول لهم .. ومن قال لكم ان العباية للتزين ؟؟

العباية للستر

أنا اجزم أنا كل فتاة تلبس العباية المخصرة او عباية الكتف ما عندها الا سببين

الأول : انها مقنعه نفسها بأن شكلها احلى بالعباية اللي على الكتف وانها متعوده عليها

او

الثاني : انها تبي تفتن خلق الله وتتمخطر علينا يالتماسيح

اما اللي تلبس العباية المخصره وعباية الكتف لانها مقتنعه فيها بأن شكلها أحلى

فأقول لها لو جربتي عباية الراس وحطيتي في بالك ان شكلك احلى فيها ..

راح تقنعين نفسك مع الأيام بأن شكلك احلى بالعباية الرأسية

واما اللي تلبسها عشان تفتن وتتمخطر .. هذي ما أقول الا الله يهديها


وتقبلو فائق احترامي لكمss11mm

هذا وانت تبي تروح بعثه !!!!!!اجل وش بتسوي برى الله يرحم والدينك ؟؟؟؟الظاهر انك تبي تقطر من كل محل هع هع هع هع .......الله يهدي شباب وبنات المسلمين .

الله يعطيك عافيه علي الموضوع (ملحوظه ) البنت الشريفه والله وش مالبست وطلعت في الشارع والله ماحد يقربلها اوكي (ويارب تحفظ امهات وبنات المسلمين ) وتثبت التماسيح يارب والله يوفق الجميع

بالله عليك العبايه على الكتف مشكله صارت يااخوي في الف موضوع اهم منه وترا هذا الشي لانك ماشفت عبايات على الكتوف في مجتمعك فانت تشوفه عيب مع العلم ان المهم انها تكون واسعه مو مخصره كتف ولا راس بعدين هناك داعيات ومايلبسون الي على الراس هل معناتها مو زينات لا طبعا ......... اتمنى ان تنظر للبنات بمنظار افضل من كذا

اقتباس:

---

المشاركة الأصلية كتبت بواسطة نوف

بالله عليك العبايه على الكتف مشكله صارت يااخوي في الف موضوع اهم منه وترا هذا الشي لانك ماشفت عبايات على الكتوف في مجتمعك فانت تشوفه عيب مع العلم ان المهم انها تكون واسعه مو مخصره كتف ولا راس بعدين هناك داعيات ومايلبسون الي على الراس هل معناتها مو زينات لا طبعا ......... اتمنى ان تنظر للبنات بمنظار افضل من كذا

---

اتفك معاكي اخت نوف في نقاط بس ترى الموضوع مجرد طرح مهو هجوم مفروض منكي انك تبين العكس

الموضوع يا خوي مهو موضوع العباه الموضوع الاخلاق والقيم ومراقبه ايضا ولو بنتبع سنه الرسول والخلافاء من بعده لما كانت ولا حرمه طلعت من بيتها على سبيل المثال ( في حديث فيما معناه عن الرسول ( انه اذا طلعت الحرمه من بيتها ما تطلع متزينه عشين الرجال والنظر و.... ) وهذا في ايام الصحابه وما ادراك في ايامنا )


وفي النهايه هذا مجرد فكري وهو قابل للنقد و كلامي غير منزل وسلامتكم

بالله عليكم البنت الشريفة العفيفه الطاهرة بتلبس شئ يفتن العالم الله ذكرهن في القرآن مائلات مميلات .. وكل من تخرج للسوق متعطره فهي زانية وهذا تصديق لحديث النبي صلى الله عليه وسلم
قال صلى الله عليه وسلم : ( أيما امرأة استعطرت فمرت على قوم ليجدوا ريحها فهي زانية و كل عين زانية )
وقال رسول الله صلى الله عليه وسلم ( أيما امرأة تطيبت ثم خرجت إلى المسجد، لم تقبل لها صلاة حتى تغتسل )
هل ترضين يا أختي أن تكوني زانيه ... أكيد لا ... لا أحد يرضى ذلك أذاً لماذا التهاون في الدين .

أخي طرحك للموضوع جداً رائع وهادف
يعطيك الأف عافية على الطريقة المميزة والأسلوب الجذاب

مشكور عزيزي على طرحك المميز واسلوبك المبدع لكن المشكله في البنت ذاتها و ليس في العبايه البنت المحترمه لو ماشيه بدون عبايه تقدر تخلي نظرت الاحترام لها من الجميع ويللي تبي تلفت النظر والله لو انها لابسه عبايه من فوق الراس و مغطيه كلها مو بس متلثمه تقدر انها تلفت النظر لها بأساليب اخرى ترى العبايه مش هي الاساس للفت النظر............دمت بود

أقول ممكن سؤال يا ss11mm وين ذا السوق اللي رحت له . :)

لكل انسان نظرته الخاصه عن الحياه



مشكور أخوي ss11mm