تجمع طلاب Washington State University -Pullman-
السلام عليكم ورحمة الله وبركاته
مبروك عليكم الشهر جميعا كيف حالكم اتمنى انكم بخير و صحة وعافيه الله يوفقنا و اياكم, يا جماعه عندي اقتراح وان
شاء الله يعجبكم كل طالب مسجل في الجامعه واشنطن من بولمان او سبوكان او سياتل او فانكوفر من اي تخصص سواء
من الحاسب او غيره يجتمع هنا حتى نحس ان كلنا يد وحدة ومتعاونين واي مشكلة تحصل لنا نحاول نحلها مع بعض مثل
ما يصير مع الجامعات الثانية يعني مثلا نبراسكا في منتدى خاص فيهم فحنا نقول على الاقل نجتمع في هالمنتدى الرائع
وش رايكم انا عن نفسي باذن راح اجي الجامعه قريب وواحد من المنطقتين يا بولمان او سبوكان تخصص ادارة نظم
المعلومات .
رد: تجمع طلاب Washington State University -Pullman-
و عليكم السلام ورحمة الله وبركاته
يسعدني أن أكون أول مشارك ... و أتمنى أن يرقى هذا التجمع ويسير مرجعيه لطلاب جامعة ولاية واشنطن .. بولمان
أنا مبتعث لدراسة اللغة في معهد الجامعة في بولمان .. بداية الدراسة 19 أكتوبر , وبعدها بكمل الدراسات العليا في جامعه ثانيه
سبب إختياري للمعهد .. واحد صاحبي درس فيه ويقولي معهد قوي مره ... من ناحية المدرسين وقوة الكورسات .. ويركزوا على الرايتنق والريدنق .. اللي هي أهم مقومات الإعداد الأكاديمي.
على العموم أنا بسافر بعد شهر وشوي .. و راح أوافيكم بأي شيء عن الجامعة بإرادة الله
و ألف شكر للأخ The ambition
رد: تجمع طلاب Washington State University -Pullman-
اشكرك من كل قلبي ENG.AMA على مشاركتك والله بوفقك ان شاء الله في دراستك ووين مارحت , حاب اسالك اذا الجامعه تعادل اللي معه دبلوم انا انتظر خبر المعادلة من مكتب اديكون وان شاء الله تتسهل الامور في الحقيقه انا بين اختيارين يا ارامكو VCG واخر وقت للتسجيل الاحد الجاي وبين امريكا جامعه واشنطن وما ادري كيف اوصف لك انتظاري و الهم اللي انا فيه لكن الله يكتب اللي فيه الخير
واتمنى ان كل طالب في جامعه واشنطن يشارك معنا .
رد: تجمع طلاب Washington State University -Pullman-
وعليكم السلام ورحمة الله وبركاته
سجلوني معكم اخوكم بدر البنيان جامعة واشنطن سياتل
الدراسه تبدأ 24 سبتمبر وان شاء الله 14 سبتمبر الى 20 سبتمبر راح أكون متواجد معكم وبينكم :)
بالتوفيق للكل
رد: تجمع طلاب Washington State University -Pullman-
هلا أخ بدر
أحنا بجامعة ولاية واشنطن في مدينة بولمان .... مو جامعة واشنطن في سياتل
أتمنى لك التوفيق ..... و لنا زياره لسياتل في 13 أكتوبر
دمت بود
رد: تجمع طلاب Washington State University -Pullman-
بالنسبة لي ان شاء الله بدرس اللغه في معهد اللغه التابع لكلية سبوكان في مدينة سبوكان وبعد ما اخلص سنتين من الكلية اكمل السنتين في جامعة واشنطن اللي في بولمان
رد: تجمع طلاب Washington State University -Pullman-
الله يعطيك العافيه ومشكور
رد: تجمع طلاب Washington State University -Pullman-
مبادرة جيدة منك أشكرك عليها ..
أنا صار لي كم شهر أحاول أكمل تسجيلي بالجامعة وكل مرة أقابل مشكلة المهم ..
المشكلة الحين عندي أنهم طالبين مني تكون رسائل التوصية عن طريق الأيميل لانهم ما يقبلون التوصيات على الورق ولا التي ترسل بالبريد..
المشكلة أخذت التوصيات من الاساتذة .. بعد محاولات عدة والغلطة ما أخذت عناوينهم ولا إيملاتهم وما أعرف أيش أسوي ..
وطبعاً سافرت من المنطقة لمنطقة ثانية وفي الوقت الحالي يصعب علي الرجوع لها ..
والله اني محتارة ما ادري كيف احل هذه المشكلة .. ياليت لو احد عنده فكرة يفيدني .. أكون شاكرة لكم...
رد: تجمع طلاب Washington State University -Pullman-
والله يا اخت احلام المفروض تقدمي على جامعات برضه غير هذي
فيه احلا منها كثير...الا اذا انحلت المشكله
بالتوفيق
رد: تجمع طلاب Washington State University -Pullman-
مالك حل إلا تجيبي عناوين الدكاتره .... وإلا تتصلين على إدارة القبول بالجامعه .... و تشوفي معاهم حل
حل: تتصلي على الكليه اللي كني تدرسي فيها ... يعطوك أرقام الدكاتره .... وتفهميهم بإتصال
الله يسهل لك أمرك