السكن في ولاية اوريغن ... يوجين ...
السلام عليكم ورحمة الله وبركاته
يا اخوان انا دراستي راح تبدء بعد العيد مباشرة في معهد يونيفيرسيتي اوف اوريغن
وعندي استفسار عن السكن
هل تنصحوني بسكن الجامعة او اخذ لي سكن برا الجامعة مع العلم بأني متزوج معي زوجتي وبنتي
والي يعرف لي احياء زينه ونظيفه في يوجين تكفون لا يبخل علي فيها
وجزاكم الله خير
رد: السكن في ولاية اوريغن ... يوجين ...
حياك اخوي الله ييسر امري وامرك وامر كل مسلم ويكتبلنا كل خير ويحفظنا آمين يارب
بالنسبة للسكن انا مثلك متوهق بس بإذن الله تتيسر الأمور
لو تسمحلي بسؤال
رحلتك على اي طيران وكيف خط الرحلة
لأن اللي اعرفه على طيران اللوفتانزا الألمانية وخط الرحله
الدمام - فرانكفورت - لوس انجلوس - يوجين ومدة الرحله 24 ساعه < إن شاء الله اني ما غلطت بخط الرحلة والمدة
تعرف افضل وأسرع من هذا الخط
تحياتي للجميع
رد: السكن في ولاية اوريغن ... يوجين ...
وهلا وغلا فيك
اللهم امين والله يتقبل دعاك ولا يحرمك اجره
من ناحية السكن ان حصل من هنا والا ان وصلت اخذت لي فندق ودورت على مهلي
ومن ناحية الطيران انا حجزي الرياض واشنطن واشنطن يوجين
والله يوفقنا وياك ويسهل علينا وعليك ويحفظ علينا ديننا ... أمين
رد: السكن في ولاية اوريغن ... يوجين ...
يعني كيف السكن مو بالسهولة نلقاه؟
وبعدين فيه سكن جامعة؟ كيف يعني اقدر اخذ كم غرفة انا وزوجي وبنتي والا كيقف
رد: السكن في ولاية اوريغن ... يوجين ...
السلام عليكم
الله ييسر امورنا جميعاً
وبإذن الله الموضوع سهل ومافيه اي صعوبه
بالنسبة للفنادق شف هالروابط يمكن تفيدك
http://www.expedia.com/Eugene-Hotels...l-Guide-Hotels
http://hotel-guides.us/oregon/eugene...ty-hotels.html
تحياتي للجميع
رد: السكن في ولاية اوريغن ... يوجين ...
كلمه ولو جبر خاطر والا برايفت من بعيد
رد: السكن في ولاية اوريغن ... يوجين ...
وعليكم السلام والرحمة والبركه والاكرام
كيف حالك يا غالي .... ان شاء الله بخير
ما دامك تبي كلمه ولو جبر خاطر ... ابشر ما يصير خاطرك الا طيب
-والله يا طويل العمر ان شاء الله معك في نفس المعهد والظاهر على نفس
الرحله بعد العيد الظاهر 3 او 4 العيد (وكل عام وانتا طيب )
-بالنسبه لسكن الجامعه انا كلمتهم وقالوا لي فل يعني مليان .... قلت لهم
خلاص مو مشكله حطوني مع فاميلي الين ما يصير فيه مكان فاضي قالوا
ما فيه ولا عايله فاضيه
-قلت لهم طيب والحل ... قال لي تسكن في (موتل ) وتقعد تدور لك على سكن
في كل الاحوال انا بتوكل على الله وباروح لواشنطن يوم او يومين ثم اسحب
على يوجين ادور لي فيها سكن
وازيدك من الشعر بيت لا خبره في السفر ولا لغه ولا سكن بعد
واي شي تبيه حاضرين للطيبين ، الله يسهل امري وامرك وجميع المسلمين
<<< كيف اللون ؟ :)
رد: السكن في ولاية اوريغن ... يوجين ...
بيض الله وجهك كفيت ووفيت يعني سكن الجامعه انسى
حتى عوائل مافيه :)
اجل شكلها موتيل والله يكتب الي فيه خير وندور متى ما وصلنا
الله يوفقنا واياك وييسر امورنا
رد: السكن في ولاية اوريغن ... يوجين ...
السلام عليكم , كل عام و انتم بخير ,
ان شاء الله ادرس في جامعه اوريقون و الى الان ادور على سكن ,, حبيت افيدكم باللي اقدر عليه ,, فيه موقع اسمه فور رنت ,, اكتب في قوقل For rent و اكتب في الموقع eugene و يطلع لكم مجموعه من الشقق طبعا اغلبها غير مؤثثه , و راسلهم اذا فيه شقق متاحه .
اللي مأخرني اني ابحث عن سكن مع عائله حتى اقوي اللغه .
الله يوفقنا و اياكم .
رد: السكن في ولاية اوريغن ... يوجين ...
السلام عليكم
انا أن شاء الله وبالتوفيق من الله راح تكون بداية دراستي
في المعهد في 9 يناير
وانا حاولت أجمع معلومات قدر الأمكان عن يوجين
وانا حاضر بأي أستفسار أقدر أجاوب عليه
المهم بالنسبة للسكن أنا كلمت واحد يدرس بالمعهد له سنه الآن
ورشح لي بعض الأسماء أحب أن أشاركم فيها
Franklin village
هذا موتيل يمدحه كثير
Chase village
وهذا سكن
وانت حاول تجمع أكبر قدر من المعلومات
والله يوفقك
وأخيراً دعواتي لك بالتوفيق والسؤدد
ولا تنسوننا من دعائكم