طلاب ELS في Portland أبيكم شوي
السلام عليكم
شكلي قررت أنقل لـ Portland بإذن الله
عندي كم استفسار عن المعهد والمدينة
كم تقريبا عدد الطلاب السعوديين؟ لأني سمعت انه فيه نسبة كبيرة جدا .. وخصوصا في الـ ELS
وكيف المدينة بشكل عام .. من ناحية السكن والأسعار والجو والناس إلخ ,,
بانتظاركم
:120:
رد: طلاب ELS في Portland أبيكم شوي
يا حرام ...
والله رحمتك اخوي كلي رجا موضوعك مدري كم له يوم وما حد رد عليه .. والله لو ان معهد بورتلاند مافيه ولا سعودي المفروض على الاقل احد يفيدك باي معلومه عنده
23 مشاهد ولا واحد منهم فكر يرد عليك
والله يا حبيبي لو عندي اي معلومه كان افدتك .. بس رديت عليك ابي اسليك في انتظارك
وترا اذا كنت مهتم في موضوعك في منتديات ثانيه عن الابتعاث يمكن تفيدك اكثر
تحياتي
رد: طلاب ELS في Portland أبيكم شوي
اسفه اخوي Noode ..
توني منتبهه للموضوع ..
قلت بورتلاند و ELS .. اجل شكلك رايح على جامعة PSU !!
طبعاُ تقع في داون تاون بورتلاند حيث يقع الهوملس والهبيز و ناس اشكال و الوان رايحه وجايه
ومنطقه نصها باصات وقطارات وزحمه و مولات على مطاعم يعني تقدر تقول خربطه!!
وكل ديبارتمنت له لون وله شكل وتحس مجمعين بنايات من كل قطرن اغنيه وقالوا يالله هذي جامعه..
صعبه شوي ..
يعني جايين all the way from KSA ونروح مكان بالمنظر هذا؟؟
ما اظن انه يسوى.. مافي احلى من انك تقوم الساعه 7 الصبح وتروح كامبس نظيف وطبيعه وهدوء وعصافير ..غير لما تروح جامعه في نص الزحمه والشركات والمحلات وقطارات وربي يجيك صداع قبل الكلاس..
آآه صح غير الحفريات والخرابيط والشوارع المكسره الي صايره على Fifth AVE
واجلس ساعه لين ما تلاقي باركن تصف سيارتك و ازعااااااج !!!
رأيي الشخصي يقول انه مو مكان اكاديمي نظيف ولا راقي..
ولو تبحث في تاريخها راح تلاقي الجامعه استبلشد في 1946 يعني مافيها ذيك الاقدميه والاعتراف و قويه ..
( يمكن راح تقول انا وش دخلني في تاريخها ولا متى افتتحت؟.. بس دامك متغرب ومتبهدل..
احسن لك تتخرج من مكان نظيف وله اقدميه بما ان نص الجامعات تقريباً تلاقيها من 1890 وانت طالع) مدري بس انا يهمني التايتل ..
غير هذا..كل ميل واحد تمشيه في PSU ببساطه راح تلاقي سعودي اقصد قروبات سعوديه تمشي بالعشره والعشرين!!.. يعني والله مدري وش اقولك..
اذا انت من النوع الي يحب العرب ويمشي معاهم ومع الشباب راح تكون مناسبه لك..
اذا راح تبعد من مدينة بورتلاند مثلاُ جامعات OSU او UO .. احسن وانظف ومدن راقيه وارخص سكنياً وجامعه لها اسمها خصوصاً UO في مدينة يوجين من الجامعات المعترف فيها عالمياً!!
السكن في بورتلاند..يعتمد على الاماكن الي تختارها.. في اماكن راقيه وغاليه ونظيفه وفي اماكن وسط وعاديه وشوي قديمه.. تقدر تحدد قيمة السكن من اسم المناطق ..
الجو في بورتلاند حار شوي صيفاً ويملل شوي لانه رطب..
اما الشتا مطر وبرد.. بس المطر فيها مايوقف بعض الاحيان علشان كذا تلاقيها خضره بزياده..
بغيت رايي ؟
اذا يعني مصمم على Oregon انصحك بالجامعتين الي فوق .. وحده في كورفالس والثانيه يوجين
رد: طلاب ELS في Portland أبيكم شوي
يعطيك العافيه اختي لينا على ردك لموضوع اخوي كلي رجا
معلومات رائعه عن ولايه اوريقون ... يعني كنك بالعربي تقولينله لا تجي وبس
بس صراحه الي فهمته انا من الموضوع انه يبي معلومات عن معهد ELS
وماجاب طاري الجامعات خلقه ..
تحياتي
رد: طلاب ELS في Portland أبيكم شوي
^
^
:)
اقوله لا يجي ؟؟ ليه ولاية ابوي مثلاً!!
بعدين اسمحلي انا تخربطت .. كان على بالي انك انت الي طرحت الموضوع علشاك كذا وجهته لك .. عالعموم ..
اخوي كلي رجا!!
نرجع لموضوعنا ..
انا شخصياً احب بورتلاند بس اخترت اني اكون عالحدود..
بما ان بين الولايتين اقل من 25 دقيقه وجسر..
يعني حياتي في بورتلاند بس الجامعه اخرتها في واشنطن..
يعني انا مو ضد اوريقن!!!!
انا ضد PSU لا اكثر.. بعدين كل واحد حر في اختياراته ماغصبت حد!!
وعزيزي Noode
ترى الي بيدخل ELS مسيره راح يدخل الجامعه ..
يعني المفروض يبتدي صح مايتبهدل .. وش الذكاء الخارق الي فيك؟؟
ولا انت من النوع الي يجي يردس لغه ويرجع مثل مارحتي جيتي ؟
لا تعليق ..
المهم ..
من الذكاء انك تدرس في معهد تدخل منه على طول عالجامعه ..
ولا راح يكون مصيره مثل مصير باقي الشباب اذا ماجات توفل لازم يبتدي من جديد في معهد جديد
مشكلتنا مانشوف الا بين رجولنا!!
مانشوف قدام
تحياتي
رد: طلاب ELS في Portland أبيكم شوي
لووووووووووووووووول
مشكوره اختي على ردك ... بس ليه الفلسفه الزايده ...
وبعدين لو انا الي كاتب الموضوع ذاك الوقت قوليلي ان الي يدخل els .. الخ
وشوفي قدام زين عشان ما تتلخبطين مره ثانيه
تحياتي
رد: طلاب ELS في Portland أبيكم شوي
انا ادرس في بي اس يو الجامعه جيده اسال الامريكان نقسهم بعدين بالعكس موقع الجامعه جدا ممتاز على البارك افينيو وبعدين صدقني بورتلاند حلوه و اذا عندك فلوس تقدر تسكن في عماره و اشوف المناضر الحلوه انا ساكن في عماره فالطابق 22 وحلوه بس غاليه ادفع للشقه 1350 دولار من دون كهربا و نت و كيبل بس راحه نفسيه و انا ادرس ماستر فالهندسه الميكانيكيه و اي شي تريده حاضرين