-
بورتلاند اوريجون - خبرتي بالمدينه والله يحي اي احد عنده استفسار
السلام عليكم ورحمه الله و بركاته
انا ادرس ماجستير فالهندسه الميكانيكيه في بورتلاند و الحمدالله عندي خبره عن المدينه وعن الولايه بشكل عام و ايضا عن ولايات اخرى لاني كنت ادرس البكالوريوس في امريكا و تنقلت في كذا ولايه و الي عنده اي سؤال في اي شي فاله طيب انا حاضر اجاوبه عموما بخصوص مدينه بورتلاند المدينه جميله و حلوه و امنه جدا و فيها نسبه عرب ملحوظه و فيها اكثر من مسجد و معامله الناس جدا جدا راقيه و عن السكنات طبعا الكثير يهمه هذا الامر لكن اقوله ابشر انا صار عندي خبره فالامور هذي بس خبرني كم الميزانيه و كيف تبي السكن و انا ماراح اقصر و بخصوص الحجاب جدا عاااااااااادي لو تركبي القطار ماحد يطلع فيكي بالعكس يبتسمون و بخصوص الحضانه الجامعه نفسها بي اس يو فيها مركز حضانه داخل الجامعه يعني لا تحتارو و هم بروفيشنال في هذي الامور و تقريبا 400 لين 500 دولار فالشهر وشي اخر الي يبي يسكن برع بورتلاند عنده بيفرتون و لبك اسويقو و غيره و كلهك قراب تفريبا 15 دقيقه بالسياره اذا مو اقل بعد و فيه قطار بعد و طبعا في سكنات عدال الجامعه بس غاليه يعني انا سكان في كوندو يعني عماره جديده ما صارلها سنه فالدور 20 ادفع تقريبا 1350 دولار بس يستاهل كل شي يديد و شوف مناضر خلابه من البلكونه و حاطين سيكيورتي تحت ما اعرف ليش خخخخخخخخخخخ لانها امنه المنطقه بصراحه و طبعا في اسعار اقل و جيده بعد و اخر شي عندهم مستشفى قوي يعتبر احسن مستشفى مو بس في بورتلاند بل في اوريقن كلها اسمه اوش اس يو راح اكتبها صح مع العنوان و الموقع اذا حد طلبه بعدين و حبيت انوه انه غالبيه السكان بيض و فيها نسبه صينين بكثره جدا وهنود و الله يوفقكم جميعا :98:
-
رد: خبرتي عن بورتلاند تفضل
حبيت اضيف شي بخصوص الترفيه بورتلاند متمرسه في هذي الامور خصوصا اذا مع عايلتك فيها الكثير من النتزهات و الحدائق وعندهم مدينه الزهور و الحديقه اليابانيه و الحديقه الصينيه الصراحه يوم تروحلها راح تقول سبحان الله من جمال المنظر و ايضا في اكثر من مول نفس بيونير سنتر تقريبل 5 طوابق عدال الجامعه و في ليلويد سنتر 3 طوابق و ايضا واشنطن سكوير مول و غير بعد و المطاعم حدث و لا حرج فهي كثيره عربيه و هنديه و ابطاليه و غيره
-
رد: خبرتي عن بورتلاند تفضل
خخخخخخخخخخ شكلي اتكلم وايد بس هذا الشي عشانكم انا بس ابي دعواتكم لي و حبيت اتكلم عن الجو بورتلاند جوها بشكل عا رائع فالصيف حر اشوي و فالشتا بارده بس ما في ثلوج ندر بس المطر عندهم ما شاءالله كثيره قريبه من سياتل بس انا اشوف حلو خصوصا يوم اطل من بالكونتك اوشوف هذي الاجواء الحلوه
-
مشاركة: خبرتي عن بورتلاند تفضل
السلم عليكم ,,
الله يعطيك الف عافية على ماتقدمه من خدمة لزملائك والله يجعلها في موازين حسناتك ان شاءالله
وويوفقك دنيا وآخرة آمين يارب .
اخوي انا لسة في السعودية وان شاءالله ابروح واشنطن في البداية وراح انقل منها ان شاءالله .. ولاكن محتار مابين منطقة شيكاغو .. وولاية اوريغون .؟ بصراحة اخوي في اوريغون مدينة اشلاند ويقولي ولاية اوريغن بشكل عام اكثر من ممتازة . يعني هادية وحلوة والناس طيبين وخدومين ... ولكن اخوي انا ابغى معهد ممتاز في بورتلاند وياليت يكون في جامعة موصية فيها الوزارة ... وبالنسبة للمكافئة الشهرية الى من الملحقية 1350 دولار كيف تكفي في بورتلاند ؟؟
والله يجزاك الف خير وصحة وعافية ..
تحياتي
-
رد: خبرتي عن بورتلاند تفضل
عليكم السلام اخوي
ما انصحك في شيكاغو المدينه حلوه و حقة سياحه وطبعا جامعتها قويه لكن غاليه جدا راح تتعب صدقني 1350 ما راح تكفيك هذا اول شي ثاني شي اوريقن مناسبه جدا و دام اخوك فيها اتوكل و اذا انت خايف اخوك يخرب عليك فاللغه ادرس في بورتلاند المدينه حلوه و تقدر تيجي و تروح وين ماتبي بالقطار او بالستريت كار وتخالط الناس و هذا اهم شي في مرحله اللغه انا لما كنت فاللغه كانو اصدقائي من الهند كله انقليش في انقليش و جبت التوفل لاني كنت امتحن كل شهر مب نفس الشباب الله يهديهم كل 5 شهور مره و بعدين يقول معهد اللغه مب زين و غيره من الكلام طبعا في بورتلاند اغلب الشباب يدرسو في معهد اللغه التابع للجامعه نفسها في شباب يقولي همهم بس الفلوس و ما اعرف شو بس صدقني اذا درست و جبت التوفل الخيارات كثيره مو بس تهتم تخلص الكورسات تبع الجامعه يعني حط في بالك اول ما تيجي تهتم بالتوفل تشتري كتب خاصه فيها سيديات و اسوف طريفه الامتحان كل ما امتحنت كل ما كنت احسن و خالط الناس خاصه الهنود تراهم ناس طيبين و بشوشين و صدقني في شهور انت فوق و باتوفيق بالنسبه للمصروف ان شاءالله راح يكفيك يعني في شباب يسكنو داخل الجامعه و مرتاحين مع نت و كيبل و كهربا في حدود 600 اذا تبي لحالك بس لازم تلحق او مع روميت تدفع حدود 400 و انت مرتاح و اذا سكن برع فيه من الرخيص الى الغالي و اي شي تريده حاضرين
-
رد: خبرتي عن بورتلاند تفضل
تقرير مميز اخوي من الامارات يعطيك الف عافية على إفادة اخوانك عن بورتلاند...
بالنسبة للتفاصيل لا تعتبرها كلام كثير لانها صدق مفيدة جداً!
شكراً وعساك على القوة والله يوفقك
-
رد: خبرتي عن بورتلاند تفضل
Amin
مشكور اخوي على التعقيب والمررو و جزاك الله خيرا و نحن حاضرين في مساعده الشباب سواء في بورتلاند او اي مدينه ثانيه في اي ولايه اهم شي يهتمو في دراستهم و ما يشلو هم الامور الثانويه لانها محلوله ان شاءالله
-
رد: خبرتي عن بورتلاند تفضل
شكراً أخي وجزاك الله خيراً، وجعله في ميزان حسناتك، أنا عندي سؤال لو تقدر تجاوبني عليه وهو كم سعر تقريباً ايجار الشقة المفروشة في بورتلاند (غرفتين نوم) وهل عندك موقع لشقق مفروشة في بورتلاند لأنه نحن ان شاء الله جايين لهذه المدينة وما عندنا أي أحد نعرفه يساعدنا (مقطوعين من شجرة) فأنا قلت ما الي الا أصدقائي في المنتدى، الله يبارك فيهم ما يقصروا ويحبو يساعدوا وما يبخلوا أبدا في أي معلومة،
بانتظار ردك وبارك الله فيك.
-
رد: خبرتي عن بورتلاند تفضل
يعطيك الف عافية
سؤالي يالغالي انا جايكم بعد 9 ايام ان شاء الله في 26 جولاي تحديدا , دراستي تبدا في 30 جولاي
ودي استفسر عن التلفون الجوال,, محتاج اطلع خط ضروري اول ما اصل علشان اكلم اهلي,,مدري وش الشركة اللي تنصحني فيها ؟؟
ابغى شركة تقدم خدمة الانترنت EDGE للجوال والمكاالمات الدولية مخفضة
سؤالي الثاني هل اشتري جاكيت مطر معي من السعودية ولا لا؟؟
الثالث (كثرنا عليك استحملنا شوي :D ) , كيف المواصلات في المدينة,, انا راح اسكن مع عائلة ان شاء الله ومدري هل هي قريبة او بعيدة عن المعهد,, هل هناك باصات او ميترو باشتراك شهري ثابت؟؟؟
ولعلنا نتشرف بمقابلتك :)
-
مشاركة: رد: خبرتي عن بورتلاند تفضل
اقتباس:
المشاركة الأصلية كتبت بواسطة manamano0o
عليكم السلام اخوي
ما انصحك في شيكاغو المدينه حلوه و حقة سياحه وطبعا جامعتها قويه لكن غاليه جدا راح تتعب صدقني 1350 ما راح تكفيك هذا اول شي ثاني شي اوريقن مناسبه جدا و دام اخوك فيها اتوكل و اذا انت خايف اخوك يخرب عليك فاللغه ادرس في بورتلاند المدينه حلوه و تقدر تيجي و تروح وين ماتبي بالقطار او بالستريت كار وتخالط الناس و هذا اهم شي في مرحله اللغه انا لما كنت فاللغه كانو اصدقائي من الهند كله انقليش في انقليش و جبت التوفل لاني كنت امتحن كل شهر مب نفس الشباب الله يهديهم كل 5 شهور مره و بعدين يقول معهد اللغه مب زين و غيره من الكلام طبعا في بورتلاند اغلب الشباب يدرسو في معهد اللغه التابع للجامعه نفسها في شباب يقولي همهم بس الفلوس و ما اعرف شو بس صدقني اذا درست و جبت التوفل الخيارات كثيره مو بس تهتم تخلص الكورسات تبع الجامعه يعني حط في بالك اول ما تيجي تهتم بالتوفل تشتري كتب خاصه فيها سيديات و اسوف طريفه الامتحان كل ما امتحنت كل ما كنت احسن و خالط الناس خاصه الهنود تراهم ناس طيبين و بشوشين و صدقني في شهور انت فوق و باتوفيق بالنسبه للمصروف ان شاءالله راح يكفيك يعني في شباب يسكنو داخل الجامعه و مرتاحين مع نت و كيبل و كهربا في حدود 600 اذا تبي لحالك بس لازم تلحق او مع روميت تدفع حدود 400 و انت مرتاح و اذا سكن برع فيه من الرخيص الى الغالي و اي شي تريده حاضرين
جزاك الله خير اخوي والله يكثر من امثالك الرجال النشامى وان شاءالله بيننا تواصل على خير ان شاءالله
تقبل تحياتي واحترامي
-
رد: خبرتي عن بورتلاند تفضل
اختي fadia
اذا انتي راح تكونين مع عائلتك اعتقد الي يناسبك اتكوني مع سكنات عوايل و اغلب العوايل السعوديه ساكنين في بيفرتون و ليك اسويقو و هي مناطق حلوه ورخيصه و ماشي قريبه من بورتلاند ربع ساعه بالسياره و فيه قطار و انا اعرف كذا سكن ممتاز في ليك اسويقو وكانت عوايل ساكنه فيه و مدحته و راح احط المواقع الخاصه باليك اسويقو و اما البفرتون فيها عوايل كثيره اذا حابه تسكني قريبه منهم خبرني راح اكلمهم يعطوني العناوين و اطرشها لج طبعا في بيفرتون شقه مع غرفتين نوم تقريبا 800 دولار وفي عوايل ساكنه في هوم تون نفس البيت صغير مع غرفتين نوم و صاله و كراج في حدود 850 و 900 اما منطقه ليك اسويقو هذي اغلب الناس الي فيها اغنياء و منطقه جدا رايقه و ايجار البيوت عندهم اعتقد مستحيبله لانها جدا غاليه الا اذا تبين شقه في كومبلس فهي في حدود 900 و فوق و راح احط المواقع السكنيه تبع ليك اسويقو
http://www.forrent.com/apartment-com...hp?CMP=OTC-SMX
http://www.forrent.com/apartment-com...le/1006633.php
http://www.forrent.com/apartment-com...le/1006596.php
http://www.forrent.com/apartment-com...le/1006781.php
هذا بخصوص ليك اسويقو شوفيهم حاطين السعر و الصور طبعا بيفرتون ارخص و فيها عوايل اكثر و مثل ما قتلك اذا تبين بيفرتون راح اكلم العوايل الي ساكنه هناك و اما بورتلاند طبعا احسن شي الكوندو اي العماره يعني مريحه و فيها كل شي بس المشكله غاليه انا مثلا ساكن في منطقه preal اي الؤلؤه حلوه و كلها عماير و قريبه من جامعه بس الشقه فيها تتراوح من 1500 و فوق انا اعرف عايله ساكنه في شقه من غرفتين نوم اب 2100 فالشهر يعني حسب ميزانيه الشخص و ا1اهم شي قوليلي كم ميزانيه الي عندك و ين تبين تسكنين و اذا سكنتس في بيفرتون او ليك اسويقو انصحج بالسياره راح تكو ضروريه الله يوفقج و لاتحاتين شي نحن موجودين انتي بس امري
-
رد: خبرتي عن بورتلاند تفضل
The Patriot
هلا اخوي احسن شي طلعلك T mobile شركه ممتازهو تخدم النت و كل شي تريده تقدر اطرش مسج لين السعوديه يعني اذا صارلك ظرف شي ادز مسج لاهلك و هم يتصلون فيك طبعها انت ما تقدر تتصل فيه لان راح يكلفك وايد الشركه تمشي على نظام المينيتوتقريبا 60 لين 80 فالشهر حسب الي انت تبيه و عندك بعد cricket شركه رخيصه فالشهر 20 دولار تقدر تتصل وين ما تبي داخل امريكا و في اي وقت بس ما تقدر برع امريكا طبعا يعني اهلك هم الي يتصلون فيك و ما في ميزه الرسايل و النت و غيره اما عن الجاكيت يبالك واحد مع انه الحين صيف الا انه الجو متغير يعني الحين انا اكتبلك درجه الحراره 17 مئويه و عن المواصلات راح تكون مستانسه المواصلات هنا فوق الممتازه من مترو ريل لين ستريت كار لين الباصات كل شي عندك و ما في انتظار كل 10 دقايق يجي في اي مكان انت فيه وفيه الاشتراك الشهري حدود 60 يعطونك بطاقه اما عن العايله ا نت ما قلت هم وين ساكنين بس كل شي سهلات لا تحاتي و الله يوفقك
-
رد: خبرتي عن بورتلاند تفضل
Robert Deniro
افا عيك نحن فالخدمه على فكره ممثلك دنيرو عنده بين في بورتلاند اقصد قصر في منطقه دوبلجن و ايضا توم كروز خخخخخ الله ايسر امورك
-
رد: خبرتي عن بورتلاند تفضل
بخصوص الاثاث في سكنات ماثثه بس تدفع زياده و فيه بالايجار و انا اشوف احسن اول شي ارخص و اكثر جوده و انا تعاملت معاهم و جدل مرتاح انا امسوي نفس الباكج يعني ياثثو الشقه كامل من غرفه نوم و صاله و مطبخ و افع 150 فالشهر حسب الباكج الي تبيه فيه ارخص و اغلى هم يسو كل شي و يظبطو لك الشقه و هذا الموقع الي حاب يتعامل معاه
http://www.peoples1.com/standard.php
و بعد اذا تبي مثلا بس كنبه و تاجرها كله عندهم و ان شاءالله راح احط اغلب المواقع و العنواين عن المساجد و المطاعم العربيه و المنتزهات و الحدايق و غيره عشان يسهل على الحميع
-
رد: خبرتي عن بورتلاند تفضل
حبيت اوضح شغله مهمه بالنسبه للطلاب الي يريدون يسكنو مع عوايل اهم شي اتكون العايله من طرف الجامعه لانه هذي العوايل اتكون ممتازه و مجتازه الاختبارات تبع الجامعه من سلوكيات و اخلاق و التعامل مع الطالب الاجنبي مب ادور عايله من شركه تجاريه او من اي انسان غريب لانهم مايخضعو لهذي الامور فا انت ما تعرف اذا العايله زينه ولا لا يعني انت و حظك عكس العوايل تبع الجامعه يجوك متحضرين وبوفيشنال بس لازم تكلم الجامعه و شو شروطك من العايله بس ما تكون تعجيزيه و اما عن الطالبات فيكي اتخبري الجامعه انك تنبن تسكني مع عجايز عشان تبربري معاهم لين الصبح تراهم ما يملون و موفقين
-
رد: خبرتي عن بورتلاند تفضل
بالنسبه للمدارس الخاصه بالاطفال هذي جدا مهمه انك تختار مدرسه زينه للاولاد طبعا بورتلاند مو لين هناك بس عندك مدرسه فاليك اسويقو جدا ممتازه و في وحده في بيفرتون هذولا مدارس امريكيه لكنها راقيه في ناس في هذا المنتدى انه دراستهم تعبانه هذا كلام ما هو صحيح انتي يتهيالك فالبدايه اتقولي شو هذي ما هي دراسه كله لعب في لعب هم حاطين تاسيس عمري و عارفين شو يسون و اهم من هذا كله انه راح يخالط ناس في مثل عمره و شي ثاني انتي تقدري ادرسيه فالبيت و تعلميه رياضيات و غيره حطي في بالج التعليم مو بس فالمدرسه بعد بالبيت و في ناس يدخلو عيالهم مدارس اسلاميه و هي موجوده و طبعا معترفه و الي يدرسون ناس مسلمين يعني الواحد يشوف الشي الي يناسبه من مدارس خاصه و ناس بروفيشنال او حكوميه او اسلاميه و انا اشوف الخاصه او الاسلاميه احسن و يناسب ميزانيتك
-
رد: خبرتي عن بورتلاند تفضل
والي جايين قريب ان شاءالله اهم شي تكون اوراقك كامله الي راح تحتاجها طبعا الي يدورون على سكن و جاين على حسابهم لازم اجيب ورقه من البنك مكتوب عليها الدخل السنوي الخاص بك و كل ما كان الدخل اكثر كل ما كان احسن ولازم بالانقليش و يكتبو مثلا اذا كان الدخل بالريال او درهم يقابله بالدولار الامريكي هذي الورقه راح اسهل عليك فالموافقه لانه مو كل سكن انت تقدر تسكن فيه لازم يعرفون شي عنك يعني يوم سكنت طلبو مني proof of ur income or bank statment و بالنسبه للعوايل الي عنده اطفال فالمدرسه لازم اصدقي شهاداتهم و بالانقليش عشان ما تتعبي بعدين و يدخلو الصف الي بعده على طول هذي الاوراق ما اطول كلها ايام و خالصه
-
رد: خبرتي عن بورتلاند تفضل
هذا موقع جدا مهم بس بالانقليش يتكلم عن اغلب مناطق بورتلاند و حواليها نفس بيفرتون و ليك اسويقو و كرشمن و غيره وعن العوايل و مستوياتهم و مع الصور لكل منطقه يعني اول ما تفتح الصفحه انزل تحت عند المينيو و اختار المنطقه الي تبيها يعطيك شرح بسيط عن المنطقه و الناس
http://www.portlandbridges.com/portl...0Portland.html
-
رد: خبرتي عن بورتلاند تفضل
هذا موقع الكثير من سكان بورتلاند يمشون عليه وكل يوم يتم تحديثه وهو عباره عن ايجار للسكنات او البيوت او شراء و بيع و غيره و مع الصور
http://portland.craigslist.org/apa/
-
رد: خبرتي عن بورتلاند تفضل
جزاك الله خير وبارك الله فيك,,
ماقصرت يالغالي جعلها تسلم يمينك
-
رد: خبرتي عن بورتلاند تفضل
تسلم الموضوع عزيزي ..
بغيت اسألك..
ماتلاحظ بان بورتلاند مافيها ملاهي؟؟
يعني متنزه كبير وملاهي للشباب الاكبار والصبايا.. انا صارلي فترررررره ادور ولا لقيت..
وماظن فيه..
للاطفال صحيح مثل ماقلت.. موجود
ولكن الكبار مالهم نصيب :(
<< GROW UP
:102:
وبعد عندي ملاحظه..
مدينة Sherwood
ابحث فيها عن سكن لزميلتي..
بس المنطقه بكبرها كلها حشكليه واحسها قديمه؟؟
ولا فيها كومبلكس جديد ونظيف ؟؟
شي غريب الصراحه ماااااااااااااااافي سكن محترم حتى لو غالي بس محترم
مدري اذا عندك فكره ..
-
رد: خبرتي عن بورتلاند تفضل
السلام عيلكم
اختي عن السكن في sherwood هذي منطقه بيوت و عوايل و ما فيها وايد كومبلكس بس لقيت لج واحد بس ما اعرف عنه شي ة هذا الموقع
http://www.apartmentguide.com/apartm...yOverview.aspx
وحبيت اوضح شغله قبل لا تسكن لازم تعرف عن السكن من كل النواحي اذا جيد ولا لا و امن و غيره و هذا موقع ممتاز مثلا اتحطي اسم المدينه و يطلعلك السكنات و اراء الناس الي ساكنين فيه اصراحه جيد بس بعد الواحد ما يعتد عليه اعتماد كلي وهذا هو المقع
http://www.apartmentratings.com/
وغالبا كل ما كان السكن اغلا كل ما كان المكان والناس الي سكانين فيه راقين ونصيحه مني خلي صاحبتك ادور مكان ثاني غير sherwood في اكثر من مكان راقي و فيها سكنات حلوه و كلهم قراب من بعض يعني ما بالضروره تسكن في شيروود خليها مثلا تسكن في hillsboro or lakeoswego tiqard or beaverton westlinn
هذولا قراب من بعض و فيها سكنات حلوه و راقيه و نظيفه خاصه ليك اسويقو و حطيت كذا لينك عن السكنات الي فيها للاخت فاديه و عندك ويست لين منطقه راقيه و حلوه و بعدين هيلزبورو زينه و عقب بيفرتون فيها سكنات جيده و نفس الحال تيقرد عموما السكنات الزينه و الحلوه منتشره في كل مكان و كل المدن حوالين بعض يعني عندها كثير اماكن اتشوف و تختار
وبخصوص الملاهي انا نفسك ما شفت بس في اشياء كثيره الواحد يسويها في بورتلاند و يشوفها وراح اذكر بعضها
Multnomah Falls
Oneonta Falls
شلالات معروفه في بورتلاند و بتمشي في جسر و انتي اشوفي الشلال
The Tillamook Cheese Factory is located in Tillamook
هذا محل عجيب كل الاجبان عندهم فريش بس اول ما ذوقي منه خلاص لازم راح تشتري و يسوس ايسكريم و يعتبر الاحسن في بورتلاند
If you have time to drive the hour up to Mt. Hood
هذي منطقه الناس تروحلها حق التزلج و السنو بوردينق و عادي فيهابقايا سنو لانا منطقه مرتفعه
Pioneer Place, Lloyd Center washington square mall, pioneer square in nw21 and nw23
هذي حق الشوبينق اكيد تعرفيها
powell's bookstore
هذي مكتبه كبيره و قديمه فيعا كتي جيده
cannon beach.
هذا بيتش حلو تقريبا 45 دقيقه بالسياره
washington park , japaness garden, chiness garden, rose garden
كلهم قراب من بعض و حلوين اصراحه
fruits market show every saturday
هذي يسونه كل سبن قدام البارك افينيو عند الجامعه
The Jefferson Theater
هذا مسرح معروف في بورتلاند يقدمون فيه كوميديا او مسرحيات خاصه ب وليم سكسبير
oregon zoo
حديقه حيوانات كبيره و حلوه
هذي الي في بالي الحين
-
رد: خبرتي عن بورتلاند تفضل
^
^
والله وتعبتك معاي :(
يعطيييييييييك مليون صحه..
-
رد: خبرتي عن بورتلاند تفضل
المطاهم العربيه و الهنديه
Al-Amir
223 Sw Stark St
Portland, OR 97204
Hoda's Middle Eastern Cuisine
3401 Se Belmont St
Portland, OR 97214
Nicholas
318 Se Grand Ave
Portland, OR 97214
Karam Lebanese Cuisine
316 Sw Stark St
Portland, OR 97204
Persian House Restaurant
1026 Sw Morrison St
Portland, OR 97205
Ya Hala
8005 Se Stark St
Portland, OR 97215
Cedars Lebanese Rest
5331 Sw Macadam Ave
Portland, OR 97239
Jarra's Ethiopian Restaurant
1435 Se Hawthorne Blvd
Portland, OR 97214
Abou Karim
221 Sw Pine St
Portland, OR 97204
Abu Rasheed Lebenase
1921 Sw 6th Ave
Portland, OR 97201
Queen of Sheba International Foods
2413 Ne M L King Blvd
Portland, OR 97212
Casablanca Moroccan Restaurant
2221 Se Hawthorne Blvd
Portland, OR 97214
Blue Nile Cafe
2225 Ne Broadway St
Portland, OR 97232
Arabian Breeze
3233 Ne Broadway St
Portland, OR 97232
Zaytoon
2236 Ne Alberta St
Portland, OR 97211
Habibi Restaurant
1012 Sw Morrison St
Portland, OR 97205
Gandhi's Indian Restaurant
827 Sw 2nd Ave
Portland, OR 97204
Swagat
2074 Nw Lovejoy St
Portland, OR 97209
India House
1038 Sw Morrison St
Portland, OR 97205
India Grill
2924 E Burnside St
Portland, OR 97214
India Oven
3862 Se Hawthorne Blvd
Portland, OR 97214
Baraka
1824 Ne Alberta St
Portland, OR 97211
Taste of India
950 Sw Washington St
Portland, OR 97205
Got Curry
2818 Se Park Ave
Milwaukie, OR 97222
Curry Leaf
15325 Nw Central Dr
Portland, OR 97229
India Taste Restaurant
9111 Sw Barbur Blvd
Portland, OR 97219
Abhiruchi South & North Indian
3815 Sw Murray Blvd
Beaverton, OR 97005
راح اكتفي في هذولا لاني امجربنهم لحد الحين بس فيه مطاعم كثيره عربيه و هنديه في بورتلاند من غير المدن المجاوره يعني لو قعدت امتب ما بخلص ههه
-
رد: خبرتي عن بورتلاند تفضل
وهذا موقع المستشفى المعروف في بورتلاند و حصل على احسن مستشفى في اوريقن
http://www.ohsu.edu/health/clinics-a...ices/index.cfm
-
رد: خبرتي عن بورتلاند تفضل
وهذي المساجد في بورتلاند ولازم كلنا انصلي فالمسجد خاصه صلاه الحمعه مب يقول اخا يتحروني ارهابي هههههه الله الحافظ
Bilal Mosque Association
(503) 591-7233
4115 Sw 160th Ave
Beaverton, OR 97007 Alsaber Masjid10020 SW Capital Hwy, Portland OR, 97219503-245-0224 Muslim Community Center of Portland3801 NE M.L.King Jr., Portland, OR5032817691Islamic Center of Portland
4420 SW 110th Ave
Beaverton, OR 97005
(503) 526-9305
Muslim Community Center
3801 Ne M L King Blvd
Portland, OR 97212
(503) 281-7691
-
رد: خبرتي عن بورتلاند تفضل
مشكور على المجهود الرائعمعليش اخوى على السؤال انا تحصلت على قبول من جامعة usp ونبى اعرف هل دراسة الماجستير الهندسة الكهربية سهل ولاصعب وكدالك عن التخصصات على حسب علمك ومما تسمع مشكور
-
رد: خبرتي عن بورتلاند تفضل
الجامعه مستواها جيد جدا في تخصصات الهندسه خاصه الكمبيوتر والميكانيكا و الكهربا حتى الهم مبنى خاص جميل و جديد طبعا من ناحيه الصعوبه فهي وسط و انا اتكلم عن الماجستير لاني ادرس ماجستير فالهندسه الميكانيكه تخصص ثيرمو و الحمدالله مرتاح مع الدكتور بس مثل ما قلت يبياك شده حيل لكن طبعا اذا تبحث عن جامعات افضل و مستواها اكثر فهي كثيره كذلك عندك يونفرستي اوف اوريقن فهي في نفس الولايه ومستواها جيد و بالتوفيق
-
رد: خبرتي عن بورتلاند تفضل
مشكور اخوي مميز وجزاك اللة خير
انا حاصل على الماجستير من امريكا قبل تقريبا4 سنوات و قدمت على جامعة portland State University للحصول على قبول لدرجة الدكتوراة في تخصص System Science/Engineering Managment ارسلت الابلكيشن بالبريد ووصل تقريبا قبل ثلاثة ايام الى الان لم يصلنى رد منهم عن وصول الاوراق. اخوي انا بحاجة ماسة الى قبول مشروط من الجامعة لكي اكمل اجرات البعثة. احتاج الى نصيحتك ومساعدتك العاجلة
اذا امكن مراسلتي على الايميل التالى milafy@yahoo.com
لك مني جزيل الشكر والتقدير ونشوفك على خير اذا اللة كتب لنا القبول في هالجامعة.
-
رد: خبرتي عن بورتلاند تفضل
مرحبا اخوي
ما شاءالله تخصصك جيد عموما ان شاءالله امورك طيبه و الي فهمته منك انك بعثت الابكليشن بالبريد لكن هل بعثت اوراقك الجامعيه وغيرها من متطلبات الجامعه عموما اذا تبي اي مساعده طرشلي على الرسايل الخاصه او اميلي موجود ايضا وفقك الله
-
رد: خبرتي عن بورتلاند تفضل
السلام عليكم
اخوي انا الان في بورتلاند,,, امس وصلت
ودي اطلع خط جوال مؤقت (Prepaid ) , بس مدري فين يبيعونها؟ (ابغاه نظام الشرايح GSM يعني اشتري شريحة SIM واحطها في جوالي اللي جبته معي من السعوديه)
ثاني شي بطاقة اشتراك في الباص من فين اشتريها؟؟
والف شكر لك
:)
-
رد: خبرتي عن بورتلاند تفضل
الحمدالله على السلامه اخوي و ان شاءالله عجبتك بورتلاند ترا الجو بارد اشوي مع انه صيف
بخصوص شريحه الجوال مثل ما قتلك احسن شي طلع من شركه T mobile
وتقدر اطلع عندهم شريحه مؤقته و هذي الشركه تجدها في كل مكان اذا انت قريب من داون تاون بورتلاند روح عند المول اسمه pioneer place
وهذا العنوان 888 Sw 5th Ave Ste 410
Portland, OR 97204
يوم توصل المول اسءل الاستقبال عن شركه تي موبيل و بخبرونك في اي طابق لانه المول يضيع اشوي و هذا موقع الشركه http://t-mobile.com/
بخصوص شراء بطاقه للباص والمترو ريل تقدر تشتري في اي محطه يوقف فيها الباص انت يوم تركب الباص اسئله هو راح يقولك انا راح اوق في المحطه الفلانيه وتقدر تشتري بطاقه للباص و القطار كلها بطاقه وحده على حد علمي و اي سؤال انا حاضر و كنت اتمنى اساعدك بس انا حاليا في سياتل عموما الشباب هنا بكثره ما راح يقصرو معاك سواء في معهد اللغه او الجامعه تروح عند MSA department هذا قسم كله بو عراب يساعدو اي حد من الطلبه العرب الي عندهم استفسار و غيره و فقك الله
-
رد: خبرتي عن بورتلاند تفضل
شباب بخصوص الاتصال خارج امريكا يعني اذا تبي تتصل في اهلك احسن شي تشتري بطاقه و انا اتعامل مع هذا الموقع او تقدر تشتري من اي بقاله عربيه
http://www.callasia.biz/
-
رد: خبرتي عن بورتلاند تفضل
بارك الله فيك وبيض الله وجهك
الموقع الاخير ممتاز, هل ممكن اشتري منه بكردت كارد؟؟ لأني اشوفه يطلب رقم تلفون داخل امريكا؟
-
رد: خبرتي عن بورتلاند تفضل
نعم تقدر اخوي تشتري بطاقه بالكرديت كارد الي عندك و سالفه رقم تلفون داخل امريكا مش مهم تقدر ادخل اي عشر ارقام من عندك و خلاص و لاتنسى المعلومات راح يطرشونها على اميلك فكتب الاميل صح و اي سؤال ثاني حاضرين للطيبين
-
مشاركة: بورتلاند اوريجون - خبرتي بالمدينه والله يحي اي احد عنده استفسار
انا عندي استفسار بسيط
إيش رأيك بجامعة University of Portland
من ناحية قوتها في تخصصاتها؟
يعطيك العافية
-
رد: بورتلاند اوريجون - خبرتي بالمدينه والله يحي اي احد عنده استفسار
اخوي الجامعه خاصه و جيده وعدد الطلبه فيها قليل نظرا لارتفاع التويشن فيها و هي جيده ادراسه الماستر و الهندسه بشكل عام لكن هي لا تعتبر من افضل 120 جامعه و كذلك بورتلاند ستيت يونفرستي الي تصنف fourth tier و اعتقد يونفرستي اوف بورتلاند تصنف third tier or 2nd tier
و افضل جامعه في اوريقن هي يونفرستي اوف اوريقن الي تصنف من افضل 120 جامعه اعتقد ترتيبها 112 وهذا معناه الجامعه جيده جدا وطبعا التصنيف لا يعتمد فقط عل نظام الدراسه التصنيف يعتمد على كل شي حتى مرافق الجامعه يعني مثلا جامعه سكوول اوف ماينز في كلورادو هذي جامعه قويه جدا لكن مرفق الجامعه مب لين هناك و ما فيها صاله رياضه عشان كذا ما صنفوها من افضل 100 جامعه في امريكا مع انه الكل يعرف مستوى الجامعه الاكادمي الي فوق الممتاز حتى انا ما قدرت اكمل فيها عموما يونفرستي اوف بورتلاند جيده و هي افضل من بورتلاند ستيت يونفرستي
-
رد: بورتلاند اوريجون - خبرتي بالمدينه والله يحي اي احد عنده استفسار
اخوي العزيز \ manamano0o أنا طالب أنا وزوجتي في معهدELSبمدينة شالرلوت 28226 ولنا 6أشهر وأول ماجينا ميح مره وبصراحه بودنا ننتقل إلى بورتلاند وإذا كان مافيه ياخوي أحراج عليك ترسل لي رقم جوالك على إميلي وأكون لك شاكر أوي أخوك\عبدالرحمن بن محمد E\wwdid88@hotmail.com
-
رد: بورتلاند اوريجون - خبرتي بالمدينه والله يحي اي احد عنده استفسار
حبيبي الله يرحم والديك راسلني لأني جالس أستناك E\wwdid88@hotmail.com
-
رد: بورتلاند اوريجون - خبرتي بالمدينه والله يحي اي احد عنده استفسار
السلام عليك اخوي عبدالرحمن
انا حولت اضفيك بس شكلك كاتب الاميل غلط ان شاءالله تقرا ردي و تعطيني اميلك الصح و ان شاءالله افيدك فالي اقدر عليه انت بس امر