عرض للطباعة
السلام عليكم ورحمة الله وبركاته
شلونكم يا أخوان/خوات , أبي مساعدتكم على بعض الأستفسارات البسيطة عن كالفورنيا وفيكم الخير والبركة :)
- المناخ بشكل عااام
-الكوارث الطبيعية (زلازل وبراكين ..)
-من ناحية المعيشة ( غالية, مناسبة) , وأي ولاية أغلى بوستن ولا كالفورنيا
-أفضل المعاهد والمدن , أنا ودي بمدينة ساحلية وذات طبيعة حلوة
والسؤال الأهم , سمعت ان فيها عرب وااااايد ! , هل هذي يأثر على دراستي للإنجلش , وهل تنصحوني فيها ؟؟؟؟
والله يا استاذي سؤالك مره عام
كاليفورنيا هي ثالث اكبر ولايه بامريكا يعني فيها مدن كثيرة وكل مدينة تختلف بينما بوستن هي مدينه في ولايه ماستشيوتس
من ناحية الزلازل ضربنا ٣ قبل كم اسبوع في مدينتنا بس ولكن خفيفه جدا يعني سهالات الحمدلله
من ناحية المعيشة مدن كاليفورنيا غالية نسبيا بس كل مدينة تختلف
ولكن بشكل عام اتوقع بوستن اغلى من كل مدن كاليفورنيا
وبالنسبة للعرب عددهم كبير في المناطق المشهوره زي بوستن وكاليفورنيا وميامي ونيويورك واتوقع انه شي ايجابي
وبالنسبه لي افضل مدينتين ساحليتين بكاليفورنيا هي سانتا باربرا وسان دييجو
ولكن ماعندي خلفية عن المعاهد هناك
اقتباس:
المشاركة الأصلية كتبت بواسطة fahad_91
مشكور تاج راسي والله يوفقك ويسهل عليك :)
أنزين , إذا بسكن (سانتا باربراو سان ديجو) هل يكفي مكافأة البعثة لأن ما عندي دخل ثاني, أقصد يكفي بدون ما أقصر على نفسي بشي؟
وأخيرا أنت درست بأي معهد وهل تنصحني فيه ؟
ومشكووور مرة ثانية تعبناك ويانا :)
اخوي فهد
كيف الامن في سان دييغو و سانتا باربرا ؟
متوسط السكن ؟
هل فيه معاهد لغة قوية ؟
هل تنصحني بمكتب يجيب لي قبول لغة و جامعة و مضمون في الرياض ؟
هل مكافاة البعثة تغطي والا لاا ؟!!! وشكرا لرحابة صدرك
العفو ولو ماسوينا شي ويوفق الجميع ان شاء اللهاقتباس:
المشاركة الأصلية كتبت بواسطة الط20ير
والله للمعلوميه اخي الكريم كاليفورنيا بشكل عام غاليه
لكن هالمدينتين خياليه بصراحه وتستاهل الغلاء مو زي بعض مدن ولايات شرق امريكا اللي غلاء على غير سنع
ومقارنه بالولايات الثانيه سكن كاليفورنيا يعتبر غالي لكن اذا امورك تمام تكفى ان شاء الله وزود
انا درست بمعهد اسمه ELS اتوقع من اشهر المعاهد المستقله بامريكا يعني مو معهد جامعه بس معهد لغة
ولكن متعاقد مع جامعات كثيره بامريكا يعني اذا انتهيت من ال١٢ مستوى وما الله وفقك بدرجه كويسه بالتوفل او الايلتس تقدر تقدم بشهاده اتمام اخر ليفل وتلقى لك جامعات باذن الله
اما اذا كنت شخص طامح لجامعات قويه ف استفيد من المعهد وانجز بالتوفل او الايلتس
لان المعهد صراحه قوي واذا اجتهدت راح تستفيد كثير وانا درست بالفرع اللي بمدينه بيركلي واشوفه كويس وبرضو فيه فرع في سان دييجو وكذلك سانتا باربرا
ولكن سمعت من البعض ان كل فرع يختلف باختلاف طاقم التدريس والاداره وما الى ذلك
والبعض يفضل معاهد الجامعات عن المعاهد المستقله وانا اشوف ان الطالب راح يستفيد اذا اشتغل على نفسه باي معهد
لكن نصيحتي للطلبة المحتارين بين معاهد الجامعات والمعاهد المستقله
اذا لغتكم مره ضعيفه ابحثو عن معاهد الجامعات لان القبول نوعا ما مضمون للجامعه لكن فقط للجامعه اللي درست بمعهدها ولكن يعيب عليها انها نظام سمستر يعني اغلبهم نظام ٣ شهور
يعني في حاله الرسوب لا سمح الله تعيد السمستر كامل
بينما المعاهد المستقله نظام الدراسه غالبا يكون شهري
واسف على الاطاله
اللي اعرفها عنهم انهم مدن كويسه من ناحيه الاماناقتباس:
المشاركة الأصلية كتبت بواسطة زيزفوون
وللامانه كل مكان امن بامريكا اذا تجنبت الطلعه اخر الليل والاماكن المشبوهه
وسكنت باحياء كويسه وغالبا انا انصح الطلبه انهم يسكنون بسكن الجامعه او قريب من الجامعه لانها غالبا تكون اماكن جدا امنه
والله للامانه انا ماسكنت بالمدينتين ف ماعندي خلفيه كامله عن السكن هناك لكن اتوقع انك تلقى شي كويس بحدود ٩٠٠ او ١٠٠٠ دولار للشخص
مجرد تخمين ولكن اتوقع ان المكافاه تكفي واتوقع فرصه ايجاد السكن بسان دييجو افضل لانها اكبر من سانتا باربرا
اللي اعرفه فقط معهد ELS لانه مشهور بامريكا وسبق ودرست بفرعه اللي بمدينه بيركلي
لكن هو معهد مستقل لا يتبع لاي جامعه ولكن متعاقد مع البعض
والله انا من سكان المنطقة الشرقيه وللاسف ماقد تعاملت مع اي مكتب
ولكن اذا فيه جامعات في بالك وعندك اي استفسار عن القبول والطريقه انا مستعد
العفو ماسوينا شي