من لديه اي استفسار عن الدراسه في سان دييغو يتفضل هنا

فزعتك اخوي
تكفى ابغى فندق في لاهويا يكون قريب من UCSD وسعره معقول ومرتب بسكن فيه حوالي اسبوع.
لا هنت

سلام ممكن احد يقول لي ايش هيه الجامعات اللي في كاليفورنيا ومعترفه فيها الوزارة لتخصص البيولوجي وطالبه 6 في الايلتس و800 في الجي ار اي وشكرا (قبول نهائي مو مشروط) الله يسعده ويوفقه اللي يعطني معلومه بهذا الخصوص خصوصا انه مرافقي في كاليفورنيا ومافيه مجال لقبول في ولايه اخرى

السلآم عليكم ,,

الله يعطيكـ العافية و بيض الله وجهك والله يجعلة بموآزين حسنآتك ,

آخوي انا ابي آستفسر كم آستفسآر ( تحمملنآ شوي خخخخ )
بخصوص جامعة San Diego State University كيف الدراسة فيها و شلون شهادتها قوة شهادتها و هل هي موقوفة من الوزارة ( المعهد و الجامعة ) ؟؟؟؟ تخصص ادارة اعمال و المحاسبة ( Business Administration, Accounting )
-----------------
طيب انا الى الان ادرس بثالث ثانوي تنتهي الدراسة بتاريخ ( 13 يونيو 2012 م ) و ابغى اجيب قبول( للغة الانجيلزية لأغرآض آكآديمية - UNIVERSITY PREPARATION ) على اساس اني ادرس اللغة و اكمل البكلوريوس في نفس الجامعة ,, كيف الطريقة و هل فيه مكتب يتعامل مع الجامعة و يجيب لك القبولات و يحدد لي موعد في السفارة عشان التاشيرة ( اذا كان فيه الله لا يهينكم عطونآ رقمة ) لآني من حايل و مافية مكاتب تتخصص في هالشي .
-------------------------------
شرايك بالمدينة من ناحية اسعار السكن و المواصلات و الاجواء فيها و كم نسبة السعوديين فيها و بالنسبة لغلا المعيشة فيها , هل تقارن بـ ( شيكاغو ) او لآ ؟؟
---------------





آدري طولته عليك العذر و السموحة و انتضر ردك على احر من جمر ,
بيض الله وجهك و جعلة في موازين حسناتك ,

المعذره اخوي والله ماعندي خلفيه عن فنادق لاهويا

اهلا اختي بالنسبه لسان دييغو
فيه جامعة SAN DIEGO STATE UNIVERSITY SDSU
وهي جامعة ماهي صعبه جدا في القبول وكذلك جامعة لها سمعتها الجيده
بالنسبه لقسم البيولجي عندهم للماستر فيه اكثر من تخصص ما اعرف اي تخصص بالضبط المهتمه بالدراسه فيه
عموما هي تقريبا نفس بعض في متطلبات القبول مع وجود اختلافات بسيطه لكل قسم

• General GRE scores should be at least 540 on the Verbal section, 610 on the Quantitative section, and 4.5 on the Analytical section. Analytical Writing has now replaced the Analytical section of the GRE, and students should achieve a score of at least 4.5. A GRE Biology subject test is not required.
• For foreign students, a minimum score on the TOEFL exam of 550 (paper exam) or 213 (computer-based exam) is required

ما ذكرو الدرجه المطلوبة في الايلتس لكن 550 في التوفل تعادل 6 في الايلتس والجامعه معتمده الايلتس ايضا وتقبل فيه
وهذا رابط لقسم البيولجي وفيه جميع الاقسام وعند اختيارك لاي قسم راح تضهر لك تفاصيل اكثر
واتمنى لك التوفيق
SDSU Biology Department

وعليكم السلام
وعادي اخوي حاظر لاي استفسار اقدر اساعد فيه او عندي معلومات عنه
الجامعه تعتبر من الجامعات المتوسطه او اعلى والله اعلم ترتيبها 160 ع مستوى امريكا
وشد حيلك بالثانوي والله يوفقك وتجيب معدل عالي
بالنسبه لتقديم في المعهد هو اون لاين ولا يحتاج مكتب التقديم فيه سهل بمجرد ما تعبي بياناتك في الابليكشن راح يطلبون بعض الاوراق ترسلها بالبريد وبعدها يرسلون لك القبول و I-20
وهذا موقعهم يبين مواعيد الدراسه
Calendar & Fees | Learn English | American Language Institute (ALI) | SDSU

وهذاي صفحة الابليكشن اون لاين
Apply Online | American Language Institute (ALI) | SDSU
وراح يبين لك اذا السمستر اللي تبي تسجيل فيه مفتوح التسجيل فيه او مغلق وبمجرد ما تختار السمستر راح يفتح معك الابليكشن وتعبيه

بالنسبه للمدينه فالاجواء اكثر من رائعه ومن افضل مدن امريكا من ناحية الطقس
ونسبة تواجد السعوديين كبيره
والمدينه تعتبر من المدن الغاليه
وهي اغلى من شيكاغو خصوصا من ناحية السكن بنسبة 39٪ حسب موقع bestplaces

اعتذر من الجميع ع التأخير في الرد
واتمنى لك التوفيق اخوي ولو عندك اي استفسار ثاني تفضل

بيض الله وجهك ,

طيب آخوي بالنسبة للتسجيل في خطوات متعثر فيهم للاسف !!


آذآ فيه شرح يسآعدني يا ليت تعطيني آيآه و آكون لك شآكر

السلام عليكم

عندي قبول في معهد

Connect English Language Institute!

في ساندييغو

ابغى سكن مع عائله قريب من المعهد اللي يقدر يسااعدني

السلام عليكم ورحمة الله وبركاته

أخي الكريم : بالنسبة لمدينة سان دييغو ارجو بعض الشرح المبسط عنها من ناحية الجو و الأمن و السكن والمعيشة بشكل عام

ومن ثم حاب استفسر عن جامعة UCSD ~

انا سوف ادرس بكالوريوس علوم سياسية ، هل الجامعة تعطي قبول مشروط وهل هناك درجة معينة من اللغة طالبتها الجامعة

وبالنسبة للغة ما افضل معهد بنظرك استطيع الاستفادة منه

وبالنسبة للسكن هل عدم سكني مع عائلة يؤثر من ناحية اللغة ام استطيع اكتساب النقص بشكل اخر

علماً بأن لغتي جيدة للتحادث فقط

ارجو افادتي بما ترونه مناسباً وشكراً ..