عرض للطباعة
السلام عليكم ورحمة الله وبركاته ،،
كيف الحال وش اخباركم ؟؟
ياجماعه انا خلص المعهد حقي ولازم انقل بأسرع وقت .. والتقديم على اريزونا بعد كم يوم ينتهي
وش رايكم بالمعهد ؟
وكم نسبة العرب فيه ؟ وكيف التدريس وابي فكره عامه عنه وعن المدينه والأمان والمواصلات فيها والغلاء والسكن ..
فكره عامه تكفون
اللي اعرفه المعهد له فروع ولالا ؟
انا اقصد اللي في Tempe بالتحديد ..
وشكراً لكم :)
مرحبا اخوي
اتوقع مايمديك تجي على السشن الجاي لانه يبداء بعد ٣ اسابيع تقريباَ
لكن اذا قصدك على اوغست اكيد يمديك ان شاء الله
المعهد كويس من ناحية التدريس والمدرسين
العرب وخصوصا السعوديين كثير فيه وهالشئ في اغلب معاهد امريكا
المدينة حلوة للدراسة وتعتبر متوسطة المعيشة من ناحية الاسعار
الشقق تبداء من ٥٠٠ الى ٩٠٠ تقربياً للشهر
الامن يعتبر ممتاز والحمدللة
اما المواصلات الحمدلله جيده جداً وخصوصا انك تشتري بطاقة
وتستخدمها في القطار والباصات وفيه باصات مجانا تودي للجامعه
قيمة البطاقة في السنة ١٥٠ دولار وفي السمر بـ ٥٠ دولار
حلوة للدراسة ولكن من ناحية الترفية مو بذاك الزود
بالتوفيق يالغالي
مافيه اقرب من اوقست ؟ لإنها صعبه اجلس لين اوقست كذا !اقتباس:
المشاركة الأصلية كتبت بواسطة كنت أحبك
لإني شفت عندهم السمر فيه بجون الظاهر او جولاي ،،
وفيه 16 مي
هو نظام سمستر ولا كوارتر ؟
اجل تنصحني اقدم عليه ؟
طيب فيه مدن قريبه او شي قريب يعني للترفيه ؟
فيها سينما مولات اماكن تتمشى فيها بالويكيند ولا مافيها ؟
كيف جوها
وشاكر لك ومقدّر :) !
اقرب شئ السمر اللي هو يبداء ١٧ ماي للطلاب الجدد
بس انتهى التسجيل عليه ما اتوقع يمديك تجي عليه
الا اذا كنت مسجل من اول
نظام المعهد ٦ مستويات كل مستوى شهرين
بالنسبة انصحك تسجل فيه او ما انصحك والله مدري وش اقولك هذا شئ راجع لك
انا الحمدلله مرتاح في المدينة هذي من جميع النواحي وخصوصا السكن والمواصلات
المعهد دائما يعطيك ٤٠٪ من اللغة والباقي يعتمد عليك انت
بالنسبة للترفية عندك لوس انجلوس تبعد من هنا ٥ ساعات بالسيارة
لاس فيغس تبعد من هنا ٤ ساعات بالسيارة
وفيه كثير مناطق حولنا فيها اماكن حلوة للتمشية