طلاب كاليفورنيا - سان دييغو هنا تجمعنا

شكراللاخ rraa
ابغى اعرف كيف اسعار السكن معقولة ولا لازم نعمل حسابنا في مبلغ وعلى فكرة دراستي تبدأ30\6وللآن مااخذت التاشيرة وخايفة تتاخر وموعد الدراسة قرب مااعرف اش اسوي وشكرا على التواصل

ياريت اي احد موعد دراسته في 30\6 يقولي عشان نتواصل

مجنونهاا

الله يوفقك ان شاء الله ومتى راح توصل بالسلامه

دراستي تبد 6\7

اختي اميره بالنسبه لموعد دراستك قرريب وانتي قدمتي لسفاره او لحد الان لا
نصيحتي لك اذا ماقدمتي ولا اخذتي موعد جددي موعد دراسه جديد لانه راح يقولون لك كذا
مثل ماحصل لي

واي استفسار انا حااضر

السلام عليكم،،
اخوي مجنونها آسفين على التاخير في الرد والله انا مستغربه ليش مافيه ردود كثير على استفسارات ساندييقو مع انها مليانه سعوديين حتى انا قبل اوصل لساندييقو كنت اسأل ومااحد يجاوب ، عموما انا الان فيها وفي معهد ALI وانشالله بارد على كل استفساراتكم.

بالنسبه للسكن اولا انصحك انك ماتسكن بجهة المعهد خصوصا اذا معك عائله لانها قديمه شوي ومو آمنه وانت لما تجي بتشوف بنفسك ، فيه مناطق ثانيه روعه و راقيه ومرتبه وبرضوه تعتبر جنب المعهد يعني يادوب 5-6 دقايق بالسياره اللي يفصلها عن المعهد فقط فري وي اسمه 8 ولو حبيت اكتب لك اسماء المناطق الكويسه انا حاضره لاني لما جيت انا وزوجي لفينا المناطق كلها.

بالنسبه للاسعار غرفتين ممكن تلاقي من 1200 وطالع طبعا تختلف حسب المنطقه وحسب السكن نفسه و خدماته. على فكره 1200 اقل شي انا اعطيتك من الاقل ....

اما الخدمات عادة المويه الحار والبارد على السكن والزباله الله يكرمك علىيهم بأنهم يوفرون مكب للزباله و برضوه الغاز يوفرونه ،، بس يقولون نوفر لك الغاز ويطلع الفرن كهرب وعلى الفاتوره

على فكره الخدمات المقدمه تختلف من سكن لغيره يعني مو ثابت،

بالنسبه للكهرب طبعا اول ماتجي تروح تشترك من الشركه نفسها و يطلبون منك مبلغ ديبوزت والله ماني فاكره كم المهم انهم يقسمونه على 3 شهور واطلب منهم الفورم حق تخفيض اعتقد 40% لتبع الدخول المتدنيه و عبييه ارسله لهم ( لان احنا الطلبه السعوديين بناءا على مكافئاتنا نعتبر عندهم طبقه الله بالخير) المهم انت تقول كم بتكلفني الكهرب بالشهر والله ماادري لان الى الان ماارسلولنا شي بس يعتمد على استخدامكم اكيد.

التلفزيون والنت والهاتف كلها من شركه وحده واحلى مافيها انها تجي باكيجات يعني انت تختار البكج اللي سعره يناسبك واعتقد انهم يطلبون ديبوزت حدود 75 دولار تسترد بعد سنه هذا بالنسبه لشركة cox الشركات الثانيه والله ماادري عنها بس اغلب السعوديين وحتى اهل البلد مشتركين مع هالشركه لانها قويه و اسعارها معقوله.

بالنسبه للمدارس والله ماادري وماعندي اي خلفيه انشالله احد غيري يفيدك فيها.

انشالله اكون رديت على جميع استفساراتك واذا فيه اي استفسار ثاني انا حاضره و بالتفصيل بعد لاني والله حاسه بوضع اي مبتعث جاي على ديره مايعرف عنها اي شي ، بس والله ترى الامور جدا بسيطه لاتشيل هم احنا جينا هنا وخلال تقريبا 10 ايام استأجرنا و أثثنا اصلا ساندييقو صغيره نسبيا وماتضيع وكل شي فيها واضح .

هلا بك والله وغلا تنور كاليفورنيا كلها بجيتك بالنسبه لطبيعة البلد والله مره حلوه ساندييقو هاديه جوها ابد مو متنبأ فيه يعني يوم تقومين من النوم تلقين الجو حر و شمس كانك بالرياض واليوم اللي بعد موت برد وغيم و امطار بس بالعموم بالنهار معتدل وبالليل شوي بارد.

السكن عندك الغرفه وحده تبدأ من 900 وطالع حسب المنطقه والسكن
والغرفتين من 1200 وطالع

الحضانات والله ماادري ماعندي خلفيه بس اللي اسمعه بهالحدود 500-700

انشالله اكون افدتك،،

وبالتوفيق

عزيز والله ماعندي خلفيه عن أسئلتك بس اشوف جبنب الجامعه مباني كثير ومعلقين عليها انه فيها شواغر بس الاسعار والله ماادري بس اشوف كثير سعوديين يطلعون ويدخلون لها

بالنسبه لسكن الجامعه مافيه شواغر عندهم الفتره الحاليه زي ماقالتلي المسؤوله

بالتوفيق

عزيزتي maaas
مرة شكرا على تواصلك واكيد افدتيني بس اسعار السكن غالية يعني غرفة ب900 والله المكافأة ماتكفي الله يعين وبغيت اسالك صحيح بعد الوصول ب3اشهرتنصرف المكافأة

الاخ rraa
شكرا الك واذااحتجت شي اكيد بنتواصل بس انا رحت السفارة وقالولي اسبوعين ونردلك خبر

لاشكر على واجب بالنسبه يعني انتي قدمتي اوراقك للسفاره واخذو جوازك ؟