طلاب جامعة Arizona State University?!
السلام عليكم و رحمة الله و بركاتة
سؤال يا أخوان هل جامعة arizona state university ASU تعطي قبول مشروط ؟ و كم الضمان المالي المطلوب للجامعة ؟؟ *مهم*
أنا ورقة قبولي في معهد اللغة في هالأيام راح يوصل
لإني ما اقدر اطلع موافقة للإبتعاث على الحساب الخاص الا بالقبول الجامعي و قبول المعهد ! حسب النظام الجديد
تكفووووون قولوا لي كم يبغون ضمان مالي لإن دراستي بالمعهد تبدأ 6 مارس 2013 و للحين ما جبت قبول مشروط منهم !
مشكورين و ان شاء الله ما تقصرون
رد: طلاب جامعة Arizona State University?!
نففس الوضع وش سالفة قبول الجامعه .. اتوقع تقدر تطلعه من هناك
انا دراستي تبدا في ٦ مارس
رد: طلاب جامعة Arizona State University?!
اقتباس:
المشاركة الأصلية كتبت بواسطة mo7 al876any
نففس الوضع وش سالفة قبول الجامعه .. اتوقع تقدر تطلعه من هناك
انا دراستي تبدا في 6 مارس
الحمدلله يا صاحبي ...ابشرك كل اوراقي خلصت و جاني القبول المشروط .. الحمدلله :D
اجل أشوفك في اريزونا :") ؟
رد: طلاب جامعة Arizona State University?!
ايه اكيد ان شأالله أنت كيف بشر حصلت سكن؟
بعدين ابي اسألك الله لا يهينك قبول الجامعه وش يبي طلبات
والورقه هذي الي من الوزارة لازم اجيبها؟
تعبناك
رد: طلاب جامعة Arizona State University?!
اقتباس:
المشاركة الأصلية كتبت بواسطة mo7 al876any
ايه اكيد ان شأالله أنت كيف بشر حصلت سكن؟
بعدين ابي اسألك الله لا يهينك قبول الجامعه وش يبي طلبات
والورقه هذي الي من الوزارة لازم اجيبها؟
تعبناك
يا صاحبي .. شوف المطلوب عشان القبول المشروط ( لا تجيب قبول مشروط في الهندسة الصناعية لأنه التخصص مغلق)
١- ضمان مالي بـ ٤٠ ألف دولار
٢-تطبع الابلكيشن حق القبول المشروط اللي في الموقع و تعبيه
٣-صورة من جواز السفر (اقل شيء فيه لازم يكون حق سنة)
٤-شهادات المرحلة الثانوية مترجمة و مختومة من اقرب فرع وزارة التعليم العالي عندكم (يبغون شهادة اول و ثاني و ثالث ثانوي .. لا ترسل لهم الأصل عشان لا تصير عندك مشكلة و يضيع .. بعد ما تترجم شهادات الثانوي سو لها عده نسخة انا سويت ٣ من كل شهادة ثانوي و ارجع لفرع وزاة التعليم و يختمونها لك و هاذي ترسلها لهم و الأصل تحتفظ فيه * هاذي نقطة مهمة)
هذا اللي ارسلته لهم سامحني اذا نسيت شيء لكن اتصل عليهم اذا تبي تعرف الامور اللي ترسلها
و شوف حالة المعهد اللحين ..
رد: طلاب جامعة Arizona State University?!
بيض الله وجهك تسلم والله اخوي اياد
ان شاءالله انا بقدم ع الجامعه من هناك يكون اسرع واسهل
اخوي اياد هذا حسابي في الفيس اذا حاب نتواصل اكثر
https://www.facebook.com/mo7.al876ani
شاكر لك
رد: طلاب جامعة Arizona State University?!
شلون قدمتوا على المعهد والملحقية موقفة المعهد اصلا ؟
قبل ما تقدم على معهد لازم تشيك عليه من قائمة المعاهد الموقفة
انا ادرس حاليا فيه واخر الاخبار انه موقف من فبراير انتبهوا بس لا تتورطون
والله يعينكم
رد: طلاب جامعة Arizona State University?!
ع حسابنا الين نلتحق بالابتعاث اذا ابتعثنا نغير المعهد