طلاب جامعة pacific university في forest grove
الســلآم عليكم ورحمــــة الله وبركاتــــه
اولا بالتوفيق لجميع المبتعثين وجميع المغتربين للدراسة وعسى الله يردكم جميعا باعلى الشهادات !!
ندخل في صلب الموضوع :o
بصراحة انا حاولت ابحث عن اي معلومات عن معهد باسفيك او بالاحرى عن مدينة فورست قروف ( اوريقون) والسكن فيها والمعيشه هناك وشراء الاثاث ومن هالكلام .!!
وللاسف مالقيت شي كافي >_< واكثر ماسمعت عنها انها مملة وكئيبة لذلك قررت اني اسكن ان شاء الله في هيلزبورو ومن هناك الله يعينن نشتري سيارة ونداوم ..
ابي نصايحكم عن الفنادق الرخيصه هناك حتى اسكن كم يوم لين القى لي شقة تضفني
وابي اسماء او اماكن شقق تكون كويسه حتى اطلع على طول للمعهد بدون تاخير لاني بصراحة بحثت بالنت ولقيت كثير ومناسبة
بس مابي اتوهق واحجز لاني اخاف اماكنهم مو كويسه وتاكدوا ان معلومه وحده من الطلاب الموجودين هناك تفيدنا وتختصر علينا بحث شهر كامل ..!
واذا فيه احد يبي يسلم شقته وعفشه وسيارته يختصر علينا يكون احسن ^_^
ان شالله تكون استفساراتي واضحه للجميع !!
رد: طلاب جامعة pacific university في forest grove
وعليكم السلام ورحمة الله وبركاته
حياك الله أخي نتشرف إن شاء الله فيك في المعهد وفي هيلزبورو
توجد مجمعات سكنية مناسبة في شارعين رئيسيين في هيلزبورو Baseline St أو Cornell Rd
عن نفسي أنا ساكن على Cornell Rd في منطقة Orenco تبعد تقريبا مسافة 25 دقيقة عن المعهد بالسيارة
ميزة الموقع قريب جدا من مجمع فيه أكثر الخدمات بنوك و وينكو و مطاعم وكوفيهات ومحلات .
لو معاك عائلة أتوقع السكن رح يتراوح بين 850 إلى 1200 حسب المكان وعدد الغرف .
بالنسبة للأثاث حاول إنك تشوف أحد ماشي من بورتلاند أو أي مكان قريب ، وتستأجر سيارة نقل بالساعة
وبعدين تكمل الأثاث من محلات تبيع مستعمل بس استعمال نظيف جدا في كم محل ممتاز في بيفرتون ، أو إذا حبيت تشتري جديد يرجع لك .
بالنسبة للسيارة في شخص كردي اسمه أبو أحمد عنده أشياء نظيفة ويتعاملون معه الشباب ، رجل طيب شرواك ، وإن شاء الله يخدمك
وإذا عندك أي استفسار مرحبا فيك
وأي خدمة أبشر
رد: طلاب جامعة pacific university في forest grove
اقتباس:
المشاركة الأصلية كتبت بواسطة **أبو حاتم**
وعليكم السلام ورحمة الله وبركاته
حياك الله أخي نتشرف إن شاء الله فيك في المعهد وفي هيلزبورو
توجد مجمعات سكنية مناسبة في شارعين رئيسيين في هيلزبورو Baseline St أو Cornell Rd
عن نفسي أنا ساكن على Cornell Rd في منطقة Orenco تبعد تقريبا مسافة 25 دقيقة عن المعهد بالسيارة
ميزة الموقع قريب جدا من مجمع فيه أكثر الخدمات بنوك و وينكو و مطاعم وكوفيهات ومحلات .
لو معاك عائلة أتوقع السكن رح يتراوح بين 850 إلى 1200 حسب المكان وعدد الغرف .
بالنسبة للأثاث حاول إنك تشوف أحد ماشي من بورتلاند أو أي مكان قريب ، وتستأجر سيارة نقل بالساعة
وبعدين تكمل الأثاث من محلات تبيع مستعمل بس استعمال نظيف جدا في كم محل ممتاز في بيفرتون ، أو إذا حبيت تشتري جديد يرجع لك .
بالنسبة للسيارة في شخص كردي اسمه أبو أحمد عنده أشياء نظيفة ويتعاملون معه الشباب ، رجل طيب شرواك ، وإن شاء الله يخدمك
وإذا عندك أي استفسار مرحبا فيك
وأي خدمة أبشر
تبشر بالجنه الله يعطيك العافيه اخوي ماقصرت وشرواك الطيب .. ا
نا ان شالله نازل مع واحد من الشباب يعني عزوبيه وين مانكون مافيه مشاكل ..
اعجبني بموقع السكن انه قريب للاشياء المهمة وحتى يكون فيه اختلاط يساعدنا على اللغة .. بحاول ابحث عن المواقع هذي اذا فيه مكان مناسب او لا
حصلت الشقق هذي في نفس الشارع اذا تعرف عنها شي ؟؟!
http://www.forrent.com/apartment-com...le/1006928.php
..
واذا ممكن تفيدني بالفنادق القريبه ويكون سعرها كويس اقدر احجز فيها عن طريق البوكينق او عن طريق موقعهم اذا عندك خلفيات عنها ..
واذا تعرف احد يبي يمشي ويبع الاثاث او سيارته ياليت تحط عنده خبر او تخليني اتواصل معاه ..!
وفيه نقطه بسال عنها وهي نظام المعهد كيف ؟! لان اللي اعرفه فقط الدوام وان الليفل 7 اسابيع وبعدها اجازه اسبوع .. لكن كيف تقسيماته يعني منخفض ومتوسط وعالي ومن هالامور ..!
واخر شي وش افضل وسيلة نقل من المطار لهيلزبورو ؟؟
الله يعينك على الاسئله ^_^
الله يعطيك العافيه اخوي ابو حاتم اختصرت علي امور كثيره بالبحث وعسى الله يفرج عليك ان شالله !!
رد: طلاب جامعة pacific university في forest grove
هلا فيك
هذا الموتيل ينزل فيه الأغلب ، سعره حدود 56 دولار
وهذا موقعهم
Hillsboro Oregon Econo Lodge Hotel - Econo Lodge Hotel near Garden Vinyards in Hillsboro, OR
في موتيل ثاني عند تقاطع Pacific Ave مع 19th St لكن ما أعرف كيف نظافته ، لكن ميزته قريب جدا من الجامعة بالباص دقيقتين إلى ثلاث دقايق ، ومشي حدود 20 دقيقة .
بالنسبة للرابط أظني مريتهم لمن كنت أدور على سكن ، الموقع ممتاز وأول ما تطلع على طول قدامك باص 47 ، مواصفاته وسعره معقول جدا ، والتأمين مو كثير .
نقطة واحدة ممكن تفرق إنك تتأكد من قربه من الخدمات الأخرى خاصة إذا ماكان عندك سيارة في البداية ،
نظام المعهد في الفصل الماضي كان ثلاث مستويات ، High Beginning , Intermediate, Advance
لكن يبدو على Spring رح يقفلوا High Beginning ويبدأوا من Low Intermediate
الدوام : الاثنين - الأربعاء - الجمعة من 9.30 إلى 2.50 وفيه بريك من 11.20 إلى 1.00
الثلاثاء والخميس من 9.30 إلى 12.20
ثلاث كلاسات ، اثنين بيوم ، وواحد بيوم
نظام المستوى الواحد يستمر 14 أسبوع لكنه مقسم إلى A , B بينهم أسبوع اجازة
النقل من المطار الأفضل تأخذ تاكسي اسمه ( Green Cabs) والأفضل تتواصل مع Scot اللي يراسلك حاليا في القبول لأن أظنهم يعطوا تخفيض أو على الأقل يقدر يحجز لك وينسق لك.
في شخص بينقل خلني أتأكد إذا كان رح يبيع أثاثه ، بالتوفيق
رد: طلاب جامعة pacific university في forest grove
الف شكر لك اخوي ابو حاتم .. عز الله كفيت ووفيت وردك اختصر علي اشياء كثيره .. عسى الله يفرج همك ان شالله ويوفقك بالدراسه !!
ان شالله نقدر نتاواصل معاك اذا وصلنا هيلزبورو حتى نعرف اماكن الشقق اللي ممكن نستاجر فيها !!
رد: طلاب جامعة pacific university في forest grove
الله يعافيك يابو حاتم وماقصرت ,,
إيكونو لوج هاه هههههه <<< أقصد الموتيل ههه يعرف قصتي معه أبو حاتم إذا جيتوا إن شاء الله أعلمكم !! لكنها حلوة
أنا من طلاب المعهد وأي أسئلة مع أبو حاتم راح نتواصل معكم
رد: طلاب جامعة pacific university في forest grove
الله يعطيكم العافيه شباب وماتقصرون كلكم ان شالله .. الحمدلله ريحتونا بالتفاعل مع الموضوع وان شالله لنا لقاء هناك ..!
الله يستر من الموتيل .. بس مادام قصتك حلوووه اجل مامنه خوف هههههه .. لابد تصير معاك مواقف ببداية وصولك