كيف التعامل مع كريغ-ليست ؟ اعطونا نصائح

السلام عليكم

فتحت تو موقع كريغ-ليست ، و لقيت واحد عارض ستوديو بـ 700دولار و الميزة أنه على خط باص يوصلني مباشرة إلى المعهد و ياخذ بحسب خرائط قوقل 45 دقيقة .. حلو
لكن الحقيقة عندي كم سؤال ،
1.عرض الرجال معلن عنه اليوم 26 فبراير ، بينما أنا راح أكون متواجد بعد حوالي ثلاثة أسابيع .. السؤال ، هل عروض كريغ-ليست آنية ؟ يعني يا أطلبها الآن يا إنسى ، و بالتالي المفروض أنتظر قبل ما أسافر بكم يوم و أشوف العروض ، و لا كيف ؟ .. لأني بغيت أراسله بس خفت يطنش و ما عاد أعرف أنا سبب التطنيش فعلى الأقل أفهم منكم
2. طيب الآن أنا مثلا راسلت الرجال و اتفقت معاه .. طيب ، ايش الخطوة التالية ؟ الاتفاق هذا بالإيميل ، فكيف ، يعني هل لا بد نتفق على مكان علشان نشوف بعض وجها لوجه ؟ و لاّ يطلبني هو أدفع مقدم ؟ .. وش الخطوات التالية ؟
3. ما هي طرق الدفع في حالة أن الباحث عن السكن لم يصل بعد إلى الولايات المتحدة ؟ كيف يتعاملون هذولا اللي يعرضون في كريغ-ليست مع ناس مثلي ما بعد وصلوا ؟
4. كيف أدفع و أنا ما أعرف الرجال و لا أضمنه ؟

باختصار ، أنا ما عمري تعاملت مع كريغ-ليست ( و لا مع أمازون و لا مع إي-باي و لا يحزنون ) ، فشوفوا لكم دبرة مع واحد شايب مثلي !

و شكرا :)

ي أهلا وسهلا

اقتباس:

---

1.عرض الرجال معلن عنه اليوم 26 فبراير ، بينما أنا راح أكون متواجد بعد حوالي ثلاثة أسابيع .. السؤال ، هل عروض كريغ-ليست آنية ؟ يعني يا أطلبها الآن يا إنسى ، و بالتالي المفروض أنتظر قبل ما أسافر بكم يوم و أشوف العروض ، و لا كيف ؟ .. لأني بغيت أراسله بس خفت يطنش و ما عاد أعرف أنا سبب التطنيش فعلى الأقل أفهم منكم

---

لا مهب شرط .. بعضهم يكتب لك available now يعني متوفره الأن وهذي ما تصلح لك اذا انت باقي عليك شهر وحواليها .. وبعضها يكتب available for spring term يعني متوفره في فصل الربيع او يكتب لك التاريخ اللي راح تتوفر فيه الشقه وهذي اذا كانت تناسبك تقدم عليها ..
المختصر : انه ما فيه قاعده معينه للاعلانات بعضهم يقولك شقتي متوفره الحين ويبي واحد يجي قريب وبضعهم يقولك انا بطلع بعد شهر او شهرين اللي يبيها يكلمني الحين ونتفق . ف انت اقرأ الاعلان زين اذا قال متوفره الحين فهو يبي واحد حالاً .

اقتباس:

---

2. طيب الآن أنا مثلا راسلت الرجال و اتفقت معاه .. طيب ، ايش الخطوة التالية ؟ الاتفاق هذا بالإيميل ، فكيف ، يعني هل لا بد نتفق على مكان علشان نشوف بعض وجها لوجه ؟ و لاّ يطلبني هو أدفع مقدم ؟ .. وش الخطوات التالية ؟

---

الموقع ماله قاعده معينه .. اكثرهم لازم تتفق وتحاسبه وتوقع معه باليوم اللي تتفق فيها انت واياه .. ف انت قدامك خيار واحد .. انك تبحث لك عن سعودي ثقه بنفس المدينه يقدر يروح ويعطيه ((( جزء من المبلغ )) ويوقع العقد معه - واذا ما تعرف احد ف انصحك تكنسل الاتفاق - لانه مافيه احد مضمون ابدااا ..

وخاصه الاجانب تلاقيه ما يبي الشر ولا يبي يسرق احد لكن اذا جته فرصه مثل هذي مقشره يسميها هديه من الرب ههههههه يسحب دراهمك ويسحب فلازم واحد يتفق معاه ويوقع .

طبعاً اتكلم عن الاتفاقيات مع الاشخاص .. في عقارات وفنادق وشقق يكتبون بقرايقرليست هنا تعتمد عليك ابحث عن هالعقار او الفندق واذا حسيت انه كبير ومضمون فحول له له الامر عادي بس الاشخاص اياني واياك تحول لهم شي .

اقتباس:

---

3. ما هي طرق الدفع في حالة أن الباحث عن السكن لم يصل بعد إلى الولايات المتحدة ؟ كيف يتعاملون هذولا اللي يعرضون في كريغ-ليست مع ناس مثلي ما بعد وصلوا ؟

---

طريقه الدفع تعطيها اياه كاش فقط - ما انصحك ابدا تحول لشخص ما تعرفه - لازم تشوف لك شخص ثقه من النادي السعودي او راسلهم وقلهم موضوعك هما يطلعون لك واحد يتفق ويدفع عنك وانت طبعا تحول له الفلوس ..

اقتباس:

---

4. كيف أدفع و أنا ما أعرف الرجال و لا أضمنه ؟

---

احذر ان تدفع .. لازم تدفع وتوقع عقد معه وانت قدامه الا اذا كان فندق او شقق معروفه اما الاتفاقيات مع الاشخاص فحذارررري

بالفعل اخوي حذاري تدفع اونلاين وانت ما تعرف الشخص فلوسك راح تروح عليك , لو كنت مكانك مثل ما ذكر اخوي اللي قبلي اما تشوف احد سعودي ثقة يروح يشوف , او انتظر لما انت تجي و تشوف بنفسك
صح الشعب هنا يحترم الصدق و الامانة ولكن مش الكل و يا كثر الحرامية و على قول ابو فهد هدية من الرب ههههههههه
او تقدر ترسله ايميل انت انت راح توصل بتاريخ كدا كدا و حاب تشوف الاستديو لما توصل و اذا ناسبك توقع معاه عقد .
بالتوفيق

أبو فهد ، بيض الله وجهك
أشكرك على النصائح و المعلومات الثمينة
نعم ، صدقت ، الحذر واجب

بالنسبة لتوقيع العقد ، هل التوقيع مثل ما هو صاير عندنا ، يعني نروح لمكتب عقار و يكون عند المكتب عقد جاهز و بعدين نوقع ؟ و لا كيف بالضبط ؟
الأمر الآخر ، هل فيه نادي سعودي في لوس أنجيلوس ؟ وش عنوانه على الخريطة و هل لديه موقع على الإنترنت و كيف يتم التواصل معه ؟

و بارك الله فيك

أهلا بزميل المعهد و زميل التخصص Eng.vip

عاد مب تصدق أنت إني شايب ، ترى هي كلها كم شعرة بيضاء و بفعل ضربة الشمس الحارقة بالرياض ، و العمر ما تجاوز الأربعين خخخخخ

" او تقدر ترسله ايميل انت انت راح توصل بتاريخ كدا كدا و حاب تشوف الاستديو لما توصل و اذا ناسبك توقع معاه عقد "
>>>>>> فكرة طيبة و هذا اللي بأسويه ، بأراسله و أشوف رده ، يجوز الرجل ما يجيه زبون فينتظرني ( ما ظنيت :) في مدينة مثل لوس أنجيلوس مليانة طلاب )

على كل حال ، راح أقرا بتركيز في الموقع و الله يعين

الله يعطيك العافية