مهم جدا لسان فرانسيسكو

السلام عليكم ورحمة الله وبركاته

لو سمحتو يا اخوان ابي اعرف سكن طلاب قريب من معهد els
ومايكون غالي ... واذا فيه مكان للطلبه السعوديين
ياليت تقوليلي محتاج سكن لان سفرتي بعد اسبوع

هلا والله يا صديقي .. أخوك حاليا موجود في كاليفورنيا .. بس ماني في سان فرانسيسكو .. مدينة تبعد عنها تقريباً 40 كيلواً .. والله لا يوريك أسعار الشقق نار وشرار .. خاصتا بقرب المعهد حقي D.V.C

السكن تدورة وانت هنا بولايتك احجز لك فندق 10 ايام وأبحث عن سكن والمعهد نفسه يعطيك خيارات ..

وتدور الرخص في كاليفورنيا وسان فرانسيسكو؟؟
لان CONCROD المكان الي انا فيه .. يبعد عن سان فرانسيسكو 40 كيلو واسعار الشقق تتراوح بين 1000 الى 3000 دولار شهرياً وتحصل 800 الى 1200 لاكن مو ذاك الزود

واذا مصمم تشوف لك سكن من محلك ...
RENT.COM اكتب المدينة الي انت فيها وابحث بنطاق كليتك

خوفي اروح لسان فرانسيسكو واحجز فندق ١٠ ايام وما الاقي سكن رخيص قريب للجامعه!

اذا ما لقيت مدد أقامتك بالفندق مخاسير صحيح .. ولاكن على المدى البعيد أفضل ،
مثل ما قلت لك rent.com هذا موقع يطلع لك شقق ومن ناحية ماراح تلقي الا بتلقي وماتوقع أقل او اكثر من هاذي الحدود بمسافة 5 الى 10 ميل من جامعتك من 1000 الى 1600 ،

تقدر تاخذ شقة غير مفروشة وبيكون أجارها من 800 دولار الى 1200 دولار وتأجر الاثاث من هذا الموقع أحسب حسابك ان السكن بالقرب من الجامعة لا يقل عن 1200 دولار
و من 800 الى 1200 دولار بيكون على الاقل 20 دقيقه بالباص عن الكلية

" على فكرة اكلمك عن منطقتي و نتائج بحثي يمكن تختلف 100% عن سان فرانسيسكو...
CORT furniture rental for your whole home, room by room or by the piece | Rent furniture for students | CORT.com

على العموم نصيحة أخوية لازم تجي قبل تاريخ المقابلة بكم يوم تاخذ فكرة عامة .. عشان تسئل المكتب الدولي في كليتك لانهم راح يساعدونك بكل شيء من فتح الحساب في البنك ألى السكن ... الخ ...

وانا بيني وبينك مفكر أني اروح اسكن عند عائلة أول سيمستر ... وبعدها اشوف لي شقة ،،

انا ودي اسكن عن عائله بس مالقيت! مادري وش اسوي !!!

كل معاهد أمريكا عندها نظام الهاوسينق الاستظافة سواء عائلة او سكن لوحدك لكل معهد لغة مكتب للطلاب الدوليين يساعدهم في كل شيء ... اكيد عندك علم بالموعدين قبل بداية الدوام... في هذه المواعيد المفروض يعلمونك كيف تفتح حساب ويكلمونك على السكن و وو الخ ..تاكد من هذه لان انا موعدي باجر وعقب باجر