فزعتكم يابيضان الوجيه عن جامعة california state university في تشيكو سيتي

أنا ودي انقل لجامعة california state university في مدينة تشيكو.. تخصص هندسة كهربائيه

بغيت منكم معلومات اذا ماعليكم امر عن تكلفة المعيشه غاليه او رخيصه؟
كيف الجامعه؟ سهله, صعبه, متوسطه؟
كيف السكن وتوفره؟ عوائل, شقق , روميتات أمريكين؟

لا تبخلون علينا بالمعلومات يا شباب تكفون,, التقديم حقهم للـ Fall بينتهي ماي1/09

مشكوووورين كل أبووووكم..

اوووووووووف صار لي ساعه كاتب لك الرد وكل المعلوماااات ويوم جاء الاخير انقطع النت ثم راح كل كتابتي .

خلااص والله ماكتب لك دور واحد ثاني هههههههههههه ..

أمزح اخوي لكن ابشر بكل شي برجع لك قريب ..

عدنا والعود أحمدوا ..!!

انا كنت أدرس في تشيكو السنه اللي راحت وألحين نقلت لـ لوس أنجلس ..

بالنسبه للجامعه .. الجامعه متوسطه يعني مو صعبه ولا سهله .. وبالنسبه للريت حقها تقريبا قوي وتعتبر جامعه قويه وكويسه ..
ومعهدها برضو كويس وأحسن مافيها أنك لما تخلص الليفل 6 تدخل الجامعه على طول بدون توفل او شي ثاني ..

والمعيشه فيها مو غاليه ولا رخيصه تقدر تقول متوسطه وكويسه ..
ودائما غلا المعيشه يعتمد على السكن .. والسكن مو غالي في تشيكو ..

السكـن اذا انت تبي شقه .. الشقق تتراوح أسعارها بين 550 الى 750 غرفتين
و450 الى 600 غرفه واحده ..

والعوائل تقدر تلقى عائله بالراحه بس هذا عن طريق المعهد .. تروح المعهد وتطلب عائله ويوفرونها لك في اقل من اسبوعين ..

والعوائل عادتنا اسعارها 700 < زي اللي سكنت فيها .. بس عيب العوائل انها بعيده من الجامعه ومن الداون تاون .. يعني تقريبا ربع ساعه بالباص او عشر دقايق بالسياره .. < انت الحين تقول مو بعيد بس لما تعيش في المدينه وتشوف كل شي قريب على رجلك وهذي بالبااص راح تتباعدها ..

وفيه روميتات امريكان كثيير .. تقدر تلقى غرفه في بيت او في شقه 5 غررف عند امريكان وراح تلقى سعر الغرفه ببلاش .. تقريبا 300 دولار او بالكثير 350 ..

أمممممممم وش بعد وش بعد
ايه تذكرت هع

المدينه بشكل عام صغنطوطه وحلووه وتسمى بارتي تاون < يعني بتفلها هع
وتبعد ساعه وربع عن سكرمنتو عاصمة كالفورنيا .. وساعتين ونص عن سان فرانسسيكو .. و7 ساعات عن لوس أنجلس بالهيلوكوبتر .. < امزح اقصد بالسياره
والمكافأه اتوقع تكيفك في المدينه هذي ..

لكن فيها عيب واحد .. فيها سبعين ألف خليجي في الجامعه
150 سعودي 50 مشكل خليجي .. واجددددددددددددددد الله يبحصهم ههههههه < استغفر الله

والجو تقريبا زي جو الرياض .. حار ذابح صيفااا .. بارد قارس شتاءااا بس بدون ثلج

هذا طبعا بعض المعلومات اللي طلبتها وزدت عليها من عندي حبتين ..

وأي سؤال يالغالي أنا حاظررر .. تحياتي

< يارب النت ماينقطع قبل ارسل الرد :(

اقتباس:

---

المشاركة الأصلية كتبت بواسطة محمد..!

عدنا والعود أحمدوا ..!!

مرحبا بك والله.

انا كنت أدرس في تشيكو السنه اللي راحت وألحين نقلت لـ لوس أنجلس ..

بالنسبه للجامعه .. الجامعه متوسطه يعني مو صعبه ولا سهله .. وبالنسبه للريت حقها تقريبا قوي وتعتبر جامعه قويه وكويسه ..

كلام حلو لحد الآن.

ومعهدها برضو كويس وأحسن مافيها أنك لما تخلص الليفل 6 تدخل الجامعه على طول بدون توفل او شي ثاني ..

مايهمني المعهد لأني بأجي محول من ولاية ثانيه جامعه to جامعه.

والمعيشه فيها مو غاليه ولا رخيصه تقدر تقول متوسطه وكويسه ..
ودائما غلا المعيشه يعتمد على السكن .. والسكن مو غالي في تشيكو ..

السكـن اذا انت تبي شقه .. الشقق تتراوح أسعارها بين 550 الى 750 غرفتين
و450 الى 600 غرفه واحده ..

كلام مطمن ان شاء الله.

والعوائل تقدر تلقى عائله بالراحه بس هذا عن طريق المعهد .. تروح المعهد وتطلب عائله ويوفرونها لك في اقل من اسبوعين ..

هالمعاهد نصابين و700 كثيره للعوائل.

والعوائل عادتنا اسعارها 700 < زي اللي سكنت فيها .. بس عيب العوائل انها بعيده من الجامعه ومن الداون تاون .. يعني تقريبا ربع ساعه بالباص او عشر دقايق بالسياره .. < انت الحين تقول مو بعيد بس لما تعيش في المدينه وتشوف كل شي قريب على رجلك وهذي بالبااص راح تتباعدها ..

معاي موتر مو مشكله. طيب تتوقع أقدر الاقي عوايل قريبه مره من الجامعه عن قولة مشيا بالاقدام!!!؟ اذا تعرف لي او عايلتك القديمه تعرف رد لي بخبر تكفى.!؟

وفيه روميتات امريكان كثيير .. تقدر تلقى غرفه في بيت او في شقه 5 غررف عند امريكان وراح تلقى سعر الغرفه ببلاش .. تقريبا 300 دولار او بالكثير 350 ..

معقوووول وحلو الكلام.

أمممممممم وش بعد وش بعد
ايه تذكرت هع

المدينه بشكل عام صغنطوطه وحلووه وتسمى بارتي تاون < يعني بتفلها هع

الفله موجوده بكل مكان,, يهمني أهلها..؟ هل هم فرندلي ولا خياس وشايفين انفسهم على الأجانب؟؟

وتبعد ساعه وربع عن سكرمنتو عاصمة كالفورنيا .. وساعتين ونص عن سان فرانسسيكو .. و7 ساعات عن لوس أنجلس بالهيلوكوبتر .. < امزح اقصد بالسياره
والمكافأه اتوقع تكيفك في المدينه هذي ..

لكن فيها عيب واحد .. فيها سبعين ألف خليجي في الجامعه
150 سعودي 50 مشكل خليجي .. واجددددددددددددددد الله يبحصهم ههههههه < استغفر الله

تحسك تشوفهم كل يوم , ههههههههههههههههههههههههههههههه
مو مشكله يالغلا دام ان في كثرتهم فيها منفعه فهذا اللي يهم.

والجو تقريبا زي جو الرياض .. حار ذابح صيفااا .. بارد قارس شتاءااا بس بدون ثلج

ياخي خبري ان الجو حلو فيها...؟؟ ولا وش رايك انت؟

وبعدين ماسمعت ان بردها قويه مره يعني جيكيت واحد يكفيك ويدفيك؟؟

هذا طبعا بعض المعلومات اللي طلبتها وزدت عليها من عندي حبتين ..

وأي سؤال يالغالي أنا حاظررر .. تحياتي


< يارب النت ماينقطع قبل ارسل الرد :(

---

طيب بسألك اخوي كيف المطاعم فيها وكيف الاكل لو حب الواحد يتغدى او يتعشى بمطعم اما امريكي او عربي او مكسيكي او ايطالي؟؟

هل هي متوفره ولا لازم تمغطها برا المدينه بنص ساعه او اكثر؟؟

هل فيه سكن متوفر مشيا على الاقدام للجامعه؟ يعني مو الدورم او تابع للجامعه لا اقصد شقق لتاجر ويأجر على الطلبه ولها عقدها الخاص فيها؟

بحسب سكنك فيها وش تشوف ان افضل مكان يكون الواحد ساكن عشان يختلط بالامريكان ويتعايش معهم؟؟

هل فيها Gym؟ او جيم الجامعه متوفر؟؟

وش مميزات الجامعه او المدينه ووش مساوئها من اللي تذكره؟

أنا اسف على انقطاع النت واتمنى انه ماعاد ينقطع ابد ولكن عندي لك نصيحه اذا كتبت الرد وانتهيت اضمن نسخه على الورد عشان لو ماوصل يكون عندك كوبي مؤقت... خصوصا اذا كان النت من النوع اللي يقطع كثير..

بإنتظارك

شكل اخونا محمد سيفن علينا
تراني متابع معك ياسمير وكل أسألتك نفس

الي تدور في خاطري

لأني احتمال كبير اطلع لمدينة تشيكو وبدرس نظم معلومات

عسى الله ييسر لي ويسر لك.

الله يوفقكـ يامحمد ...

حلوو ان الواحد يمشي في حاجة أخيه بدون مقآبل ..

للأسف أمثآلكـ قله ..

, محمد ,

يعطيكـ العـآفية مـآقصرت اللهـ يوفقكـ , ,

أنـآ بعد 3 شهور بأكـون في تشيكو و هو المكآن المنآسب الحمدللهـ و أفـدتـنـي بمعلومـآتكـ , ,

بـس معقولة المدينة حر بالصيف ,؟, سمعت عكس كذا انهـآ بالصيف متوسطة البرودة خخخخ شكلكـ دب يـآولد تحتر بسرعة , ,

== تــ ح ــيــآـآـآتــي ==

وانا احتمال كببببيرررر اروح تشيكو بعد الفول :)
وشكرا اخوي افتدنا كثييير بأجوبتك ,,, وخصوصا سعر السكن ,, انا في بورتلاند وساكن في الداون تاون واجار الشقه ب 855 دولار ,, وانا اللي مأثثنها .
طيب اخوي ,, يعني تنصحني اشيل عفشي واروح ,, لو ابيعه واروح لشقه مفروشه وانا ابيها غرفتين لي ولروميتي وابيها اتكون جمب الجامعه ,, يعني كم يتراوح سعر السكن في الحالتين ؟؟

لاني لو ببيع الاثاث ما ظنتي اجيب شي وانا شارنه جديد من ايكيا .. ولا ويش قولك ؟

كيف اجراءات القبول لطلاب الماجستير هل هي معقدة