بخصوص امكانية السفر والعودة في الاجازات وغيرها؟( يالي سبقونا افيدونا)
بداية السلام على اهل المنتدى
ما ادري عن امكانية السفر الى الوطن في الاجازات او السفرات الاضطرارية:
1-هل استطيع الذهاب الذهاب والعودة بنفس الفيزا ؟
2- هل تتكفل الملحقية برسوم التذاكر سواء اكانت اجازة او اضطرارية ؟
3 - بالنسبة للاجراات في السفر والعودة في الجامعة والملحقية والاجراات الرسمية(ما العمل) ؟
خصوصا جامعة اوماها في نبراسكا
لاني سمعت من بعض الشباب انه فيه بعض الدارسين في الولايات المتحدة رجعو لديارهم اجازة
وضاعت عليهم دراستهم بسبب اجراات السفارة في السعودية ....
ننتظر افادكم بكل شوق
مشاركة: بخصوص امكانية السفر والعودة في الاجازات وغيرها؟( يالي سبقونا افيدونا)
الى طالب طموح:
سوف يتم إن شاء الله تعالى إستقبال الطلبات وعرض شروط ومسوغات الإبتعاث في بداية شهر ربيع الثاني 1427هـ/ بداية مايو 2006
هذا اللي مكتوب في موقع الوزارة وغير هذا الكلام اعتبره اشاعة
مشاركة: بخصوص امكانية السفر والعودة في الاجازات وغيرها؟( يالي سبقونا افيدونا)
اخوي لاتستعجل مصير كل شي يوضح باقي اقل من 4 ايام
مشاركة: بخصوص امكانية السفر والعودة في الاجازات وغيرها؟( يالي سبقونا افيدونا)
الظاهر انك طالب نطوح موطموح
ياخوي يكفي اولا السوال يمين وانت موضوعك شمال
ثانيا اصبر يمكن فهمت خطاء انت او الموظف يبي يقول اربعه قال سبعه لاحظ
اخر ثلاثه حروف متشابهه
تفائل بالخير دائما :gr_896:
مشاركة: بخصوص امكانية السفر والعودة في الاجازات وغيرها؟( يالي سبقونا افيدونا)
السلام عليكم ورحمة الله
ياخوي انت ليش مستعجل بترجع اول ماتوصل هناك :gr_908:
انا اخوي سافر من اربع شهور لامريكا وبعد شهرين كا ن عنده اجازه 15 يوم رجع فيها للسعوديه على حسابه الخاص مو على حساب الملحقيه
ولا راجع سفاره ولا اي شي بنفس الفيزى سافر ورجع
واللي تقول رجعوا السعوديه ولااعطتهم السفاره فيزه من جديد
هذا وحسب علمي ان الطالب اذا اراد ان يجدد الفيزه يجب ان يجددها من المكان اللي صدرت منه واذا جاء يجدد يطلبو السيفس حق الطالب ويعطوه الفيزى على اللي موجود في السيفس حقه (بمعنى انهم يتابعون الطلاب في امريكا )
هذا والله اعلم
مشاركة: بخصوص امكانية السفر والعودة في الاجازات وغيرها؟( يالي سبقونا افيدونا)
شكرا لكل من رد على المشاركة او الاستفسار
بس يبدو لي انكم نسيتوا انها مشاركتي وبديتو تردون على الطالب الطموح:gr_908:
وانا والله في امس الحاجة للاجابة على الاسئلة
وشكرا
مشاركة: بخصوص امكانية السفر والعودة في الاجازات وغيرها؟( يالي سبقونا افيدونا)
السلام عليكم...
بالنسبة للاجازات ,, تقدر تاخذ اجازة الصيف وترجع, والملحقية راح تتكفل بالتذاكر,,,
الاضطرارية: ( الوفيات :للاقارب من الدرجة الاولى ( الاب-الام-الابن-الابنة)) برضه تتكفل فيها الملحقية.
اذا كانت فيزتك لسه ما انتهت,, وعندك اي تونتي صالح(يعني ما انتهى برضه) ماعندك مشكلة تروح وتجي, طبعا لازم يوقعون عليها في الجامعة قبل لا تخرج من امريكا...
اذا فيزتك باقي لها فترة,, تقدر ترجع للسعودية اجازة,, بس تجي امريكا قبل لاتنتهي فيزتك لو بساعه,, وتقدر تدخل ’’’ غير كذا يفتح الله لازم تجدد الفيزا,,
اجراءات الملحقية نفسها لاي جامعة,,, تقوللهم والله ابرجع اجازة في التاريخ الفلاني ( طبعا اجازة الصيف) راح يصرفون لك تذاكر,,, وتروح وتجي بالسلامة,,,
تحياتي
مشاركة: بخصوص امكانية السفر والعودة في الاجازات وغيرها؟( يالي سبقونا افيدونا)
الف شكر لك اخوي
والله ما قصرت معلومات جميلة وقيمة