الأعضاء الإشتراك و التسجيل

الملتقيات
ADs

لطلاب مدينة سنسناتي وجامعة (CiNCiNNati)

لطلاب مدينة سنسناتي وجامعة (CiNCiNNati)


NOTICE

تنبيه: هذا الموضوع قديم. تم طرحه قبل 5555 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية MP4-22
    MP4-22

    مبتعث جديد New Member

    MP4-22 غير معرف

    MP4-22 , تخصصى طالب , بجامعة t
    • t
    • طالب
    • غير معرف
    • k, k
    • غير معرف
    • Aug 2007
    المزيدl

    January 12th, 2009, 02:06 AM

    السلام عليكم

    كيف الشباب ان شاء الله مبسوطين

    حبيت يكون في موضوع عن مدينة وجامعة Cincinnat

    وتم البحث في منتدى مبتعث المفييييييييييييييييد جدا

    وتحصلنا على الموضوع ومعلومات بسيطة و نشكر الاخوان على الموضوع

    لكن محتاجين معلومات كثييييييييييييرة عن الجامعة واقرب نادي طلبة ومعلومات عن المدينة

    يا ريت يا اخواني تفيدوني وتفيدو الشباب الي رايح على سنسناتي

    خصوصا الي مثلي ما يعرف احد في سنسناتي ولا يعرف عن امريكا كثير

    وشكرا

  2. اخوي ترى سوينا موضوع قبلم عن سينسيناتي ناشدنا الطالبات والطلاب اللي رايحين وللاسف قليل جدا مقارنة بالمدن الثانية
    في كم موضوع كتبهم الاخ ابا فيصل ياليت تطلع عليها ولكن غالب الظن حنا اذا رحنا بنستكشف المدينة ونشوف وماحك جلدك مثل ظفرك
    7 "
  3. المشاركة الأصلية كتبت بواسطة MP4-22
    يعطيك العافية يا ابا يوسف

    حتى انا بأبحث وخير ان شاء الله
    وش سالفتك هاذي ثاني مرة تقولي (أبا يوسف) اول مرة ارسلتي على الخاص وناديتني (ابا يوسف) والحين برضوه تناديني (أبا يوسف)

    أنت شككتني بنفس ( هل أنا أبا فيصل أو أبا يوسف؟) ولكن الي اعرفه ومتأكد منه أن ولدي اسمه فيصل واوعدك وعد أنه اذا جاني ولد ثاني اسميه يوسف ولا يهمك .


    انا على العصر والمغرب بحاول ابحث لكن الأخ مشبب (مبتعث جديد) خرعني ويقول ان معهد ELS بسنسناتي خاااااااااااااااايس ورايح فيها , الله يستر الله يستر .
    7 "
  4. انا الي اعرفه ان المعهد جديد وتقنيات جديده وتقريبا افضل من القديم فيه وسائل جديده هذا الي سمعته عاد ماادري
    بس ماتدري يـ ابا فيصل اذا الاخ مبتعث جديد ماعجبه الوضع يمكن ترتاح فيه =)

    بس للاحتياط يفضل يكون عندك اكثر من قبول .. عشان يكون التغيير سهل بوقتها ومايضيع وقتك ..
    7 "
  5. بسم الله الرحمن الرحيم
    على بركه الله ,,

    اصدقائي وصديقاتي وابناء بلدي الاعزاء يسعدني في هذا اليوم المبارك يوم الجمعه أن ازف اسمى آيات التهاني والتبريكات لكل شخص مجتهد رغب بالعلم .
    لا أخفي عليكم أنني خايف ومرتاع جداً مانيب خايف من الامريكان (يهبون ما هموني) لكن خايف اني ادج خاصة واني متزوج ومتوظف ووظعي ممتاز جدا جدا جدا بالسعودية لكن رغبتاً في العلم وتحقيق الذات بخربها وبروح ديرة اوباما وانا عارف اننا كلنا في الهوى سوا بنروح سنسناتي وبندج كم شهر ثم راح نفهم الامور حبه حبه.

    المهم انا قابلت احدى زملائي السابقيين والي راحوا امريكا قابلته قبل اسبوع جاء الرياض لمدة اسبوعين حقت اجازة راس السنة وحالياً هو رجع امريكا له تقريباً 10 شهور بامريكا لكن راح الخص لكم الي فهمته من مناقشتي معه على النحو الآتي:

    1) اول مانزل امريكا يقول الرجال انه مايدري وين ربي حاطه فيه ( يقول انه مثل البقرة الي تدربي راسها ماتدري وش تسوي).
    2) يقول اول ماتنزل المطار وتوصل امريكا وسألوك حقون الهجرة اي سؤال قل لهم ( no english) يقول عشان يعرفون انك جديد ولاتعرف لغتهم ويمشون وضعك بالمطار بدون ما يسألونك ويعقدونك لكن اذا قمت تعطيهم كلمة وكلمة بالانقلش راح يزيدون عليك الاسئلة وتتأخر بالمطار.
    3) يقول لي قفل شنطتك حقت السفر بقفل وخل المفتاح معك لانه الي يفتشون فيه منهم ناس يسرقون ويقول انه انسرق عليه اشياء.
    4) يقول خل معك شنطة صغيرة او الي تحطها على كتفك (شنطة الطلاب الابتدائية) يقول حط فيها كل المستندات المهمة ( جواز سفرك , القبول , الشهادات وغيرها) يقول خلها معك دايما سواء باالمطار او غيره.
    5) يقولي انتبه ترقد بالمطار قلت له ليش قال بس جاك العلم .
    6) قبل ماتسافر ارسل معلومات رحلتك للملحقية الثقافية عن طريق موقعهم الالكتروني عشان يستقبلونك بمطار واشنطن.
    7) يفضل اننا نقعد بواشنطن لو يوم واحد قبل التوجه الى سنسناتي عشان نروح الملحقية الثقافية السعودية بواشنطن ونخلص الامور الآتيه:
    فتح ملف طالب مبتعث
    استلام بطاقة مثل الهوية تشيلها معك بدل الجواز اثناء التجول بامريكا.
    استلام بطاقة التأمين الصحية
    طبعا فيه امور ماراح تخلص بنفس اليوم مثل بطاقة التأمين الصحي راح يرسلونها للطالب بعد اسبوع بالبريد حق معهدك
    8) يقول من الافضل انك تتفق مع معهدك قبل ماتجي انهم يستقبلونك في مطار سنسناتي تراسل المعهد عن طريق الايميل بالنت ويقول راح يرسلون لك ورقة توقع عليها وترجعها لهم بحيث انهم يخصمون مبلغ 95 دولار .
    9) لازم تكون معك بطاقة ائتمانية لانها مهمة في الاشهر الاولى على الاقل.
    10) يقول صديقي انه اول 3 شهور بامريكا ندم وقال ياليتني ماسافرت امريكا وياليتني قاعد بوظيفتي بالبنك يقول طفشت وحسيت اني غبي ولا افهم انقلش .
    11) بعد الثلاثة الشهور يقول بديت احس اني تأقلمت على الوضع وقمت اتكلم شوي شوي انقلش.
    12) ينصحني بالسكن مع عائلة بالبداية مع العلم ان صديقي ساكن بشقة ويقول ان العائلة افضل لكن عيبهم ان بعض العوائل يحطون شروط على الطالب السعودي ( مثل لاتطلع بالوقت الفلاني وغيرها)
    13) يقول حاول تختلط مع الناس لكن تأكد ان الناس ذولي مو مشبهوين ( راعين مخدرات او مجرمين او غيره) لانه ممكن الواحد يتعرض لمشاكل جسدية بسبب الشله الفاسدة.
    14) يقول حاول باكبر قدر ممكن انك ماتختلط كثير بالسعوديين او العرب بصفة عامة خلال التسع الشهور الاولى عشان تقدر تكتسب اللغة الانجليزية بسرعه.
    15) يقول نسبة 20% من اللغة على المعهد والنسبة ال80% الباقية على الطالب بحيث انه يذاكر ويتدرب على اللغة الانجليزية بعدة وسائل راح اتطرق لها بعدين.
    16) يقول انتبه انتبه تتكلم بالامور السياسية او تستساء من نظام معين او غيرها من هالامور لأنه يقول فيه طلاب سعوديين متعاونين مع السلطات السعودية والامريكية ويقول ان سبب عدم تجديد الفيزا الامريكية لاغلب الطلاب السعةديين يرجع للسبب هذا , انت جاي تدرس وش لك وش السياسة.
    17) يقول ان اختبار التوفل والجيمات صعب وموب سهل .

    انا حاولت اقول لكم وش الي صار بيني وبين صديقي العزيز ( ابو منصور) والذي متواجد حالياً بامريكا والصراحة انا لاحظت على الرجال ثلاث اشياء:
    1) صار عصقول , نحف بشكل ملحوظ لو انه مشارك ببرنامج الرابح الاكبر لأخذ الجائزة.
    2) صار متمدن لانه سابقا بالرياض كان قروي والحين جنزات وحركات غريبة.
    3) الشي المبشر والحلو صار الرجال مايكلمني الا بyes و No ماشاء الله عليه صار يحكي انقلش.


    على العموم الي عنده معلومات عن الاحوال الجوية في سنساتي بشهر مارس يعلمنا تراني مدري وش اشتري صيفي والا شتوي والا شكلي بجيب الفروة واخربها بشوارع سنسناتي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.