-
محتاجه مساعده
السلام عليكم ورحمه الله وبركاتو
شخباركم يالله حيهم:jump:
اولا انا جديده هنا وما جابني هنا الا لاني من جد محتاجه مساعدتكم في موضوعي
انا طالبه تخرجت لي سنتين من جامعه الملك عبد العزيز ولا توظفت ولا شي وجاني احباط شديد من جلسه البيت هذي وماقدمت على البعثه لظروف حصلت لي والان الحمد الله استقرت اوضاعنا وودي اطلع للبعثه بس في اكثر من عائق اولا معدلي اقل من المطلوب معدلي 3 وخايفه انهم ما يقبلوني في الابليكيشن حق الوزاره وبعدين مابي انتظر ما صدقت على الله اهلي يوافقون
بس ان شاء الله ربي يسهل امري و لسى عندي امل
فانا لي هناك صديقاتي يقدرون يجيبون لي الاي توني قبول المعهد واطلع على حسابي لمده كم شهر على امل اني انضم للبعثه من هناك بس فاجاءتني صديقتي بان الوضع تغير وصار صعب جدا اني انضم للبعثه لذلك مدري وش الحل ابغا الدبرررررررررره تكفوووون ساعدوني اتصلت على الوزراه يا مشغول يا محد يرد ومادري وش الحل تكفون الله يوفقكم اللي عنده درايه بهاموضوع لا يبخل علي وشكراا..
-
رد: محتاجه مساعده
ما راح أبخل .. بصراحة انا يوم أكمل اموري في الملحقية شفت كم واحد كاتب تعهد انه لو ما انظم للبعثة يكمل على حسابة .. لكن يا أختي خذي الخبر من المصدر.. واتركي عنك قالي وقالت لي لان شركة قالولي قفلت خخخخخخخخخ .. المهم أختي هذا الرابط
http://www.mbt3th.us/vb/forum8/thread48547.html
فيه كل ارقام الملحقية في امريكا.. كلمي القنصل السعودي على طول .. رقم فتح امريكا 001 بعدين دخلي الرقم .. ولاتنسين فرق الوقت بين السعودية وامريكا 8 ساعات.. يعني اذا عندكم 8 العشاء امريكا 12 الظهر .. والخميس والجمعة يدامون مو زي السعودية.. والسبت والاحد مقفلين.. كلمي والله يوفقك
بصراحة الامور هنا ولله الحمد أحسن مماتوقعت بكثثثيييييييير .. لامن شعب ولامن جامعة وفيها مسلمين يعجبونك يشتغلون في نفس الجامعة.. مسلمين معتدلين ... وما انصح تطلعين على فيزا سنه ((معهد)) اتعبي شوي وجيبي قبول جامعة اربع سنوات مع قبول معهد يطلع المجموع 5 سنوات أفضل لك بكثيييييير
واسم الجامعة كنت ستيت يونفيرسيتي kent state university
وجامعة قريبة منها اسمها أكرون Akron
وبالتوفيق يااااااااااااااااااااااااااااااااااااااااااااااااا ارب
-
رد: محتاجه مساعده
مدام شفت هذا الشي في الملحقيه معناته صح الكلام
وبعدين ياخي كل الارقام اللي اعطيتني غير مستخدمه والا مقفله معليش تسال لي انت ؟
انا عارفه اني مصختها بس باخلي جدتي تدعي لك ماتدري قد ايش انا متعلقه بالعبثه لان حسيت ان حياتي كذا راحت من غير فايده الله يعافيك بس اسال هو صعب والا لا وهل هالشيء مضمون ما بغااضرب مشوار وارجع ؟ لان طفشوني كل مااتصل ما يمسك اذا عليك كلافه خلاص بلاش
ومره شكراا الله يسهل عليك
-
رد: محتاجه مساعده
الي اعرفه انه لازم تخلصين المعهد
و30 ساعة من الدراسة وبعدها تلتحقين
الشي الثاني
ترى باقي دفعة على حد علمي
بتكون بشهر 6 او 7 للبعثات ..
-
رد: محتاجه مساعده
شو شو انا على هالاساس كنت باطلع بس قالوا ان الامور صارت صعبه حتى كلمت الوزاره ونفس الشي كان ردهم ان الحين مو زي اول
-
رد: محتاجه مساعده
-
رد: محتاجه مساعده
المعذرة على التأخير بالرد .. بسبب الوعكة الصحية والاختبارات
لكن على قولة المثل .. طول الغيبة وجاني بالخيبة هههههههههههههههههههههههههه
لا لا أمزح .. من طول الغيبات جاب الغنايم .. احم حم .. طع طع ... ويلك ياللي تعادينا ياوليك ويل
الممـــــــــــــــــــــــــــههـــــــــــــــــ ــــمم
بخصوص الانسة ميس فيلينق .. هذا رقم المحلقية اللي دايم اكلمهم عليه 0012023379450
كلمي الملحق على طول او سكرتيرته ... وبالتوفيق ياااااااااااااارب .. وللمعلومية أنا اعرف شباب هنا مالهم فترة وانظموا للبعثة .. والملحقية عوضتهم عن كل ريال دفعوه .. واعرف شباب هنا قدماء الى الان ما اتضموا للبعثه ... وللامانه لااعرف السبب ....لكن أرجع واقولك خذي الخبر من المصدر ..
وبخصوص الانسة شـــوشـــو .. المعذرة أيضا على التاخير بالرد لاني لي فتره منقطع ع النت لنفس الاسباب..
اولا بخصوص وضع الحجاب عاااااااااااااااااااااااااااااااادي جدا جدا جدا ولاأحد يحط عينه بعينك وبالعكس فيه اكثر من بنت (( بااللثام )) وبعضهم بالبرقع الكويتي .. وعاااادي جدا ولهم هيبه.. لكن ابعدي قد ما تقدرين عن اللون الاسود .. للامانه فيه بنات بعباياتهم وما احد يكلمهم .. لكن افضل لك.. والسعودين هنا راعين فزعة لامن رئيس النادي السعودي حمود العتيبي ولا الاعضاء ولا اي واحد .. هذا شئ شفته بعيني ويفرحني وافتخر فيه.. وبالمناسبة هذا موقع النادي السعودي لجامعة كنت وبالمناسبة هذا موقع النادي السعودي لكنت
Welcome to Saudi Student Association website - الأخبار - أخبار النادي
ومااااراح تكونين وحيده ان شاء الله ... اساسا البنات هناك من يشوفون وحدة متحجبة او مسلمة يسلمون عليها ويسولفون معاها وينصحونها ويعلمونها .. البنات المسلمات دائما تشوفينهم قرووب.. والامور كويسة وبالعكس اشوفها فوق الممتازة ولله الحمد
وبالتوفيق يارب .. والله يقدم اللي فيه الخير والصالح
-
رد: محتاجه مساعده
يا قلب وروووووح
اول شي ما تشوف شر
وثاني شي شكرا
وثالث شي مع السلامه هههههههه
ابشر بالدعوه تراني خليت جدتي تدعي لك الله يوفقك وييسر لك كل صعب يا رب
بشوف هالرقم اللي عطيتني وان شاء الله خيررر
-
رد: محتاجه مساعده
تصدق شكل فايتمين واو هو اللي مضبط الوضع يا قلب والله ما تحمست الا اني اعرف ناس معدلاتهم اقل مني بكثير وماشاء الله انضمو بسهوله
بس الواسطه شغاله... شغاله والا سواق هاها
على قوله المصاريه اللي ماعندوش ما يلزموش
وانا واسطتي الله ان لي خير الله ييسرها لي وان هي شر اللي يصرفني عنها ويرزقني باحسن منها
الله المستعان
-
رد: محتاجه مساعده
السلام عليكم ورحمة الله وبركاته
شخباركم عساكم بخير
انا طيبه الحمد الله ما علي خلاف وادري اني وحشتكم بس عاد محد فاضي
>> لا يكثر بس
تكفوووون يااهل الخيرر تكفووووون ودي بمشورتكم في هالموضوع اللي بقوله الحين
طبعا انا حاولت في البعثه ماتيسرت لي مالي نصيب فيها
فلجاءت لقرار انه اطلع على حسابي لان قعدتي هنا مامنها فايده لا توظفت ولا شي
بس رايحه جايه على المدارس الاهليه
المهم الحين باذن الله ربي ييسر لي هالروحه على بريطانيا
بس مدري اي مدينه ادرس فيها
برايتون يقلون فيها عرب كثير ومشاكل وفيها شواذ
وكامبيردج ممله والدراسه فيها صعبه وتضيق الصدر
ولندن ماتنفع كل ابوها عرب
مدري وش اختار ابغا مدينه دراستها ممتازه ومعهد معتمد وبنفس الوقت ابي شي مريح نفسيا
مابي اروح مكان يضيق صدري فيه كفايه اني باتغرب عن اهلي
محتاررررررررررره مدري وين اذلف
وماصدقت على الله ابوي وافق بالقوه اقتنع بيجي معاي بعد
تكفون دلوني الله ينور لكم قلبي عورني السنين تجري وانا مكاني مثل ماهو وماودي اتغرب واطلع على شي اي كلام
تكفون اللي مجرب معهد معين او مكتب صادق يدلني عليه ضروري واي معلومه لا يبخل فيها علي تكفوووووووووووووون
مع تحيات اختكم الفنانه الرهيبه
سيده الاحساس>> يا كثري
الله يوفقكم ويوفقني