ياسر القحطاني...رجالات الهلال...الاستراحة...منصور البلوي...اندية اوروبية... و ((الحر
. XXX (الحرب الباردة) XXX
ياسر القحطاني ... اشاعةالاستراحة...رجالات الهلال...البلوي...مانشستر ستي
.................................................. .................................
.................................................. .....................................
قبل عامين اوثلاثة بدأ يثبت بإنه لاعب ذو مواصفات اوروبية ولذلك قدمت له العروض في عدة اندية
نعم تلك حقيقة لا يختلف عليها اثنان ياسر لاعب قل ماتجد منه في الملاعب
ولذلك من الطبيعي جدا ان تجد مطالبات من اندية عالمية
(لا تطلعلي تقول اشاعات ومن ذا الي يبية لان لا انا ولا انت يدري بالعروض ذي والي متستر عليها هم من هم الي يعرفون مكانت اللاعب وامكانياته ولذلك حطمووووووووووووووووه)
لكن... المشكلة تكمن في من يقف في طريق ياسر للإحتراف
المشكلة تقف في من يريد من ياسر فريق لوحده
المشكلة تتمحور في تحطيم وارذاخ اللاعب لمصالح شخصية ...................
يااخوان المسألة اكبرمما قد اتصور او تتصور انت.........لماذا؟؟؟
جميعنا حللنا واستخرجنا امور تصورنا انها الحقيقة كلنا اعتقدنا وبإستنتاجات بسيطة اجزمنا ان مشكلة ياسر هي الاشاعة الاخيره(الاستراحة)
وذهبنا وراء هذه الاشاعه دون ان نتخيل واحد بـ100% بإن هناك تحليل آخر
قضية( الاستراحة) جاءت قبل توقيع عقد ياسر بإيام...
وفي النهاية
ياسر ضحية الضغط من رجالات الهلال
وكانو على علم بإن هناك اندية عالمية ستدخل على الخط بغض النظر عن مشاكل أخرى البلوي النصر و..........
يااخوان ارحموا ياسر...........والله هناك امور اكبر من ما نتخيلها واسمحولي اقول ان الكوره ياجماعه اصبحت عالم قذر ...ماصارت اخلاق واحتراف زي مايقولون
ولا احد يقولي لا وكيف ومدري وشو..
يااخوان كلنا نتذكر عقد ياسر كيف كان صعب الحصول عليه بعد ماتبهذلنا بهذله
وقبل ايام اشاعة شراءعقد نور للهلال وايضا مشاكل تجديد توكر وهوساوي وكريري و آخرها المحياني
وهذي على مايقولون
(( لعبة كبار ))
وهناك ناس شعارها ((حنا الي جبناك بـ 25 مليون وزي ماصنعناك ..نقدر نهدمك زي ماتشوف الحين...))
وهذي هي :
(الحرب الباردة)
حرب قذره بين روئساء الاندية وعالم ثاني عكس مانتصور ووالله ضحيتها ياشباب:
لاعبنا:
ياسر بن سعيد القحطاني
الي وكأننا نسينا كم بطوله حسمها لزعيم ابو سعيد كم متعنا بمهاراته
وكم شرفنا في المحافل والجوائز الي حصل عليها
ويارجالات الهلال ان كنتم ممن يقتل ياسر ويمشي في جنازته فنحن خمسة مليون هلالي نستطيع بإن نحول اسم النادي بإسم ياسر
ولكن نحن جمهور العقلانية والايضاح ونعلم بما يدور فتركوا ياسر يختار فليس الهلال كما تعودنا يلهث وراء لاعب
نريد لاعب عالمي يشرفنا بإسم الوطن ثم الهلال
(((أتركوه)))
شاركونا..........تحياتي
رد: ياسر القحطاني...رجالات الهلال...الاستراحة...منصور البلوي...اندية اوروبية... و ((
الله يوفقه
صراحه انا اهلاوي
بس تبون الجد والله يستاهل القحطاني
الله يكتب اللي فيه الخبر له
ويعطيك العافية
رد: ياسر القحطاني...رجالات الهلال...الاستراحة...منصور البلوي...اندية اوروبية... و ((
هلا اخوي من حبك لللاعب احس انك بالغت شوي في مدحه
و بالنسبه لعرض مانشستر ..بسبب الانترنت فضحت السالفه ..جاي يخوض تجربه في النادي و اذا اعجبو فيه سجلوه عندهم ...ولكن طلع احد الصحفيين الانقليز و كتب كلام انا متأكد ياسر بعد ماشاف الكلام ذا قال ياليتني مارحت..اللاعب السعودي الوحيد الي جاله عرض احتراف اوروبي لاغبار عليه هو نواف التمياط ..اما الباقي ؟؟؟؟؟؟؟
و بعدين ياخي كل نفس بما كسبت رهينه ..لا تقولي هما يبغو يورطوه و مادري ايه
ولي يتخذ الاخرين شماعه لأغلاطه مع احترامي الشديد هذا كلام فاضي..وخذ عبره من جيرانك و مشاكلهم مع لجنه التحكيم و راح تعرف
انتا و انا شباب وعارفين حركات الشباب و لكن المشكله اذا ياسر يحمل شاره الوطن و ما يحسب حساب لتحركاته هذي مصيبه ..صحيح انها قطعت قماش لكنها تعني الكثير و ذي سمعة بلد ومو اي بلد
اذا تذكر بلوتوث ياسر الي في البحرين بعدها طلع مع بتال القوس و حلف ايمان انه ماكان هو ..ومادام الرجال حلف اكيد بنصدقه
و لكن بعد الاحداث الاخيره و هي اكبر بكثير لم يصرح اي تصريح و التزم الصمت ..فكيف تفسر ذا
اتمنى اخوي يوم نجي نكتب موضوع ندعمه بحقائق و ليس بصور
دمت بود
