ضمان مالي للجامعة, كيف أتحصل عليه؟

السلام عليكم,

أنا طالب في فانكوفر من شهر فبراير الماضي وحتى الآن, رفضت بجلسة 170 بحجة كثرة الطلاب السعوديين في جامعة سايمون فريزر, أنا الآن أملك قبول جديد من جامعة فانكوفر آيلند صالح لغاية 10 ديسمبر! يعني اقل من شهر وتنتهي صلاحيته.
والملحقية تقول جب قبول نهائي! يعني من وين أجيب قبول نهائي عشان ماينرفض من الوزاره وانا موب عارف كيف أجيب ضمان مالي أو حتى ادفع اربع آلاف دولار تفيدني بالمعيشه هنا!!

مع العلم ان هالقبول اللي مدته شهر فقط, أنتظرته لين يوصلني شهر ونص!!
صراحة غبنه والأمور معقده!
فياليت من أهل الخبره والتجربة, يعطوني حل, مع العلم أن كندا لاتقبل الضمان البنكي ولا ضمان من شركة كبرى, فقط تبي ضمان من الوزاره!

ياليت تعطوني الحل, حتى لو اظطريت أخلي اخوي بالرياض يراجعهم, والشكوى لله!
بإنتظاركم ياوجيه الخير.

الله يعينك صراحة و يسهل أمرك....
ما اعرف أجاوبك والله بس قلت ادعيلك الله يوفقك يا رب..

الله يجزاك خير, شاكر لك كلماتك الطيبه.

وش ذا النظاااام
يعني يعطونك وقت تعجيزي

الله يعينك وييسر لك امووورك

الله يعين وييسر

الموضوع شحاته بطريقة مبتكره اكيد تعلمتها فى فانكوفر

اقتباس:

---

المشاركة الأصلية كتبت بواسطة qJLcJI

الموضوع شحاته بطريقة مبتكره اكيد تعلمتها فى فانكوفر

---

؟؟؟؟؟؟؟؟؟؟؟؟؟؟؟؟؟؟؟؟؟

والله ماعندي اي فكره .. بس حبيت ادعي لك خصوصا اني دوبي مخلصة الحج انشاالله دعائي مستجاب .. ياالله ياكريم انك تفرج همه وترزقه من حيث لا يحتسب اللهم ارزقه من اوسع ابوابك رزقا طيبا مبارك... ياالله يارحيم ارحمنا وارحمه برحمتك وارحم كل موتنا في جده .. ياالله فرج همه وهم كل المكروبين ..
اتمنى انك تدعي دعاء الهم والحزن وانشالله ربي بيفرجها من عنده ...
" اللهم اني اعوذبك من الهم والحزن والجبن والبخل والعجز والكسل وغلبة الدين وقهر الرجال "

اكثر اخي الكريم من قول الدعاء السابق .. وانشالله راح تنفرج في وجهك ..

شكراً على دعواتك استاذتي الكريمه.