الدارسين على حسابهم الخاص (هنا طريقة الضمان المالي بكل سهولة) انا سويتها

السلام عليكم ورحمة الله وبركاته


الله يعينكم ان شاء الله ويوفقكم لاحضت الكثير معقد الامور ومصعبها ومبالغين فيها انا في يوم من الايام كنت مثلكم ادخل وابحث اشوف وش وضع الضمان المالي ووش قصته وكم لازم وكيف ومتى والخ.. الخ...


انا شخصيا كان عندي حساب في الأهلي ورصيدي بالعربي صفررررر ريال خليت الوالد يحول لي مية وعشرين الف ريال

وثاني يوم سحب كشف حساب من البنك واحد للمعهد وواحد للجامعة وواحد للسفارة وبعد ماسحبت كشف الحساب رجعت

الفلوس لحساب الوالد عطيت الكشف للمعهد وارسلي قبول والجامعة وافقو علي بكشفي ويوم المقابلة في السفارة عطيتهم

كشف حسابي مافتشت فيه على طول فتحت اخر صفحة وشافت الرصيد وقالت فيزتك مقبولة ورجعت لي الكشف


فا لعملية سهلة جدا وليست معقدة والله يوفقكم ان شاء الله

جزاك الله خير

لكن المعقد في الموضوع مو الطريقه

الشي الصعب هو ال الميه وعشرين الف هذي بعضهم مو قادري يدبرون 20 الف على بعضها

على العموم يعطيك الف عافيه

^^^
كلامك سلييم

انا ما احبط الطلاب لكن الصدق 20 الف ريال اذا ما قدر يدبرها كيف يبي يجي يدرس بامريكا !!! لو اربعين مثلا ممكن نشجعه لكن 20 ؟! لو فرضنا ان الالحاق كل اربع شهور ا و ثلاث شهور او ست شهور فكيف بتكفيه 20 الف !!

يقدر يجيبه بأسم اي واحد ثاني مو مشكله ولا يقولون له شي ويقول هالشخص هو الي بيساعدني وبيخليني ادرس برا

انت جبت كشف حساب ولا بس ورقة ضمان مالي

يعطيكـ الف عاافيهـ ع الافادهـ

..

كلامك سليم يا اخي و ماعليه غبار ..

البعض في هذا الملتقى يحاول يجتهد و يوصل المعلومة ، لكن الشرح الغير منسق و الطووووويل الي تاخذ كوب شاهي وانت تقراء و كثرة الاجراءات الي يقولوا ( رغم انه في بعضها مالك صلاح فيها ) مثلا لما يقول لك بعد ما تسلم اوراق السفارة هم بيرسلوها لامريكا و بعدين من امريكا تروح لدائرة الهجرة و يسلجوا اسمك و يكشفوا عليك ( رغم انه مالك صلاح فيها )

بيض الله وجهك ولا تنساني من دعواتك مقابلتي بإذن الله بحاول تكون الاسبوع الجاي اذا الله اراد

شكرا لك

بالنسبه لسؤال الاخوان

سئلني موظف المقابله قال عندك كشف حساب او ضمان مالي ؟

عطيته الضمان المالي طاالع فييه شوي ورجعه لي ومثل اخونا قال لي تم قبول طلب تأشيرتك

يعني الكشف ينفع والضمان المالي ينفع

اصلا مارح تجيب الاي توينتي حق المعهد والجامعه بدون ضمان مالي وطبيعي بتكون جايبهم وقت المقابله فـ مرح يدقق ع الضمان المالي او الكشف لانك جايب اي توينتي

ان شاء الله تكون المعلومه وااصله

موفقييييييييييين

طيب ينفع 30 الف ريال ؟؟
اتمنى احد يفيدني