مساعدة-ارسال الاوراق لاصدار قرار الابتعاث
السلام عليكم
انا الحمد لله اخيرا استلمت الفيزا واراقي ولله الحمد كاملة
بس اللي ابي اعرفه اني الان اتوكل واطلع الرياض عشان اصدر قرار الابتعاث وامر الاركاب والتذاكر
ولا ارسل الاوراق بالبريد الممتاز وانتظر حالة الطلب - وبعدها افوض احد ياخذ الاوراق والتذاكر
وكيف طريقة التفويض او التوكيل .
والبريد الممتاز كم يوم ياخذ له لين ما يوصل وبعدها لين ما يردوا على حالة الطلب .
ابي نصيحتكم يا مجربين
واش افضل اؤكل احد ولا اروح بنفسي افضل
معليش على الاطالة بس ابي المساعدة والنصيحة
وجزاكم الله خيرا
رد: مساعدة-ارسال الاوراق لاصدار قرار الابتعاث
أقول
رح الرياض
وخلك في الوزارة الساعة 8 الصباح
وإن شاء الله في نفس اليوم تحصل على القرار وأمر الإركاب والتذاكر
رد: مساعدة-ارسال الاوراق لاصدار قرار الابتعاث
صحباتي ع طريق الميل بيراسلو الوزارهـ
فـ شوف الطريقه الي تناسبك وموفق ياررب
رد: مساعدة-ارسال الاوراق لاصدار قرار الابتعاث
أنا أشوف إنك لو كنت من سكان الرياض أو قريب منها ,
تروح بنفسك للوزارة أحسن , وإذا كنت بعيد راسلهم بـ الإيميل في الأول
وإذا طولوا في الرد عليك أطلع لهم , لأنه لو راسلتهم وقالوا لك تم طباعة قرار الابتعاث
راح تطلع الرياض وإنت مطمن إن أوراقك جاهزة ووضعك مظبوط ...
مجرد رأي ,,,,,,,,
رد: مساعدة-ارسال الاوراق لاصدار قرار الابتعاث
طيب يا جماعة عطونا الايميل تبع قسم الرجال
رد: مساعدة-ارسال الاوراق لاصدار قرار الابتعاث
تليفون: 4415555 - 01
فاكس : 4419004 - 009661
ايميل contact#mohe.gov.sa
ايميلات القسم النسائي
Questions#mohe.gov.sa
seetah#mohe.gov.sa
mohe.press#hotmail.com
بالتوفيــــــــــــقــ *
رد: مساعدة-ارسال الاوراق لاصدار قرار الابتعاث
انا اللحين ارسلت الاوراق عن طريق البريد السريع
وانتظر حالة الطلب
واول ما يتم طباعة القرار راح اطلع الرياض
جزاكم الله خيرا
ويعطيكم العافية
على الردود والمرور
رد: مساعدة-ارسال الاوراق لاصدار قرار الابتعاث
أنا ارسلت المستندات مرفقة بالإيميل
وتم اليوم تغيير حالة الطلب لـ تم طباعة قرار الإبتعاث
تحياتي
رد: مساعدة-ارسال الاوراق لاصدار قرار الابتعاث
haboob بعد كم تم تغير الحالة
يعني كم الفترة اللي اخذها حتى تم تغير الحالة
يوم - يومين - اكثر
يعطيك العافية