استفسارات من مرحلة i20 الى مرحلة الوزارة
السلااام عليكم
اول بحب اشكر المنتدى الجميل والفعااال والمساعد جدااا في اجرائات البعثة
اساله الله ان يجزي اصحابه واعضائة خير الجزاء
...
الحمدلله والشكر انقبلت في البعثة وكل الامور تمام التمام
وربنا اكرمني وملكت قبل اسبوعين
فاتغيرت خطة البعثة عندي انو اخد معاي زوجتي
المهم
رحت مكتب igec اللي في جدة وانا من جدة
وطلبت لها i20 على اساس F2
والحمدلله وصل بس لسه ماانختم من الوزارة
الفكرة ومافيها انو لها رقم i20 وانا لي رقم ثاني
الـ i20 الخاص بي جاني قبل شهر ومختوم وكلو تمام
فاي واحد اللي ادفع لو السيفس ؟
بعد موضوع i20
هل للمرافق ضمان مالي ؟
يعني كيف السفارة تعرف انو في واحد بيصرف مصاريف المعهد للمرافق
بعد موضوع السفارة
ونقول ان شالله تطلع لي ولها الفيزا وكل شي عدى على خير
لمن اروح الرياض اطلع قرار الابتعاث
كيف اضيف معاي المرافق في البعثة واخد قرار الابتعاث وامر الاركاب لي و لها
يعني اذا احد يقدر يفيدنا بالاوراق المطلوبة لاضافة المرافق (الزوجة)
الزوج (مبتعث) الزوجة (مرافق)
*حبيت اوضح لانو اغلب مواضيع المنتدى تتكلم على انو الزوج مرافق
واي احد عندو اضافة او اسئلة او نصائح ياريت يفيدنا
لانو كتيير شباب نفس حالتي اتزوجو ويبغو يضفو زوجاتهم
وان شالله الموضوع دا بيفيدنا كلنا
وجزاكم الله خير
رد: استفسارات من مرحلة i20 الى مرحلة الوزارة
اقتباس:
المشاركة الأصلية كتبت بواسطة speedi1986
السلااام عليكم
اول بحب اشكر المنتدى الجميل والفعااال والمساعد جدااا في اجرائات البعثة
اساله الله ان يجزي اصحابه واعضائة خير الجزاء
وياك يارب
...
الحمدلله والشكر انقبلت في البعثة وكل الامور تمام التمام
الحمد لله
وربنا اكرمني وملكت قبل اسبوعين
ألف ألف مبروك الله يجمع بينكم على خير
فاتغيرت خطة البعثة عندي انو اخد معاي زوجتي
أحلى وأحلى وشهر العسل يكون في أمريكا
المهم
رحت مكتب igec اللي في جدة وانا من جدة
وطلبت لها i20 على اساس F2
والحمدلله وصل بس لسه ماانختم من الوزارة
مايهم الختم
أهم شي قبول المبتعث
وبعدين دام آيجك جابه لك المفروض يختمه
الفكرة ومافيها انو لها رقم i20 وانا لي رقم ثاني
اتوقع أتوقع والله أعلم إنها على كذا بتكون تحصل على تأشيرة طالبة لأن عندها آي توني خاص فيها ( ننتظر الأوبة من اللي مروا بنفس الحالة)
الـ i20 الخاص بي جاني قبل شهر ومختوم وكلو تمام
فاي واحد اللي ادفع لو السيفس ؟
أتوقع الاثنين وبيجيكم تأشيرتين F1 وتراها فرصة تدرس المدام
بعد موضوع i20
هل للمرافق ضمان مالي ؟
الضمان المالي يكون شهادة بنكية
يعني كيف السفارة تعرف انو في واحد بيصرف مصاريف المعهد للمرافق
تقول لهم إنها مرافقة والوزارة بتعطيها مكافأة وهم يعرفون الشي هذا
وبرضه تقول بتطلع على حسابنا الخاص وتوريهم الشهادة البنكية
أهم شي وين موعدك
لا تقول لي في جدة
بعد موضوع السفارة
ونقول ان شالله تطلع لي ولها الفيزا وكل شي عدى على خير
لمن اروح الرياض اطلع قرار الابتعاث
كيف اضيف معاي المرافق في البعثة واخد قرار الابتعاث وامر الاركاب لي و لها
يعني اذا احد يقدر يفيدنا بالاوراق المطلوبة لاضافة المرافق (الزوجة)
مايهمك في الموضوع هذا كامل إلا جوازها وتأشيرها وصورة كرت العائلة
ولا راح تحتاج الأشياء هذي الا وقت إصدار الإركاب
الزوج (مبتعث) الزوجة (مرافق)
*حبيت اوضح لانو اغلب مواضيع المنتدى تتكلم على انو الزوج مرافق
واي احد عندو اضافة او اسئلة او نصائح ياريت يفيدنا
لانو كتيير شباب نفس حالتي اتزوجو ويبغو يضفو زوجاتهم
وان شالله الموضوع دا بيفيدنا كلنا
وجزاكم الله خير
الله يوفقك
وييسر أمورك
وألف مبروك ياعريس مقدما
رد: استفسارات من مرحلة i20 الى مرحلة الوزارة
توني أشوف تخصصك
ماشاء الله
أجل صديق مهنة
لا تنسى ترا مهم تجيب معاك المشاريع اللي سويتها
رد: استفسارات من مرحلة i20 الى مرحلة الوزارة
الله يعطيك العاااافية ياسيدي
ردودك زي العسل :)
وماشالله تخصصك معماري
اذا حتقولي ايش الجامعات التمام في التخصص ;)
وبشرنا انت تخصصت ايش ؟
رد: استفسارات من مرحلة i20 الى مرحلة الوزارة
أنا تخطيط عمراني
ولله الحمد مبتعث دكتوراه
ولكن ترا الجامعات تختلف
بين الماجستير والدكتوراه
يعني الماجستير تلاقي في جامعات كثيرة مرة
الدكتوراه أقل شوي
والجامعات المميزة كثثثيرة مرة
ولكن أنت وين جاك القبول؟؟
رد: استفسارات من مرحلة i20 الى مرحلة الوزارة
انا ياسيدي جاني قبل معهد لسه ماشفت الجامعات
بس ابغى جامعة في فلوريدا
وربك يسهل
رد: استفسارات من مرحلة i20 الى مرحلة الوزارة
هل المعهد تابع لجامعة
الله يوفقك وييسر لك أمورك