كيف اصدر الوكاله الشرعيه ومن وين ضروري ابي رد اليوم
السلام عليكم ورحمة الله وبركاته
اخواني وصلني ايميل من الوزارة يفيد بضرورة استعجال انهاء اجراءات قرار الابتعاث قبل نهاية شهر مايو
يعني اسبوع من اليوم
وبصراحه ربشني هالايميل
لاني محتاجه وكاله شرعيه عشان اطلع قرار الابتعاث
بس ابغى اعرف تفاصيل عمل الوكاله الله يرضى عليكم ضروري ماعندي وقت الا بكرة السبت
لان الوالد مسافر يوم الاحد خارج الرياض
من وين تصدر الوكاله الشرعيه ؟
وهل في نموذج خاص بالوكاله احصله بالجهه اللي تصدر الوكالات
ام اني اكتب خطاب خاص وهم يوقعون ويختمونه
واذا كان كذلك اش صيغة الخطاب بالضبط
هل تصدر الوكاله بنفس اليوم والا تطول
الله يسعدكم مامعي وقت غير بكرا لازم اخلصها
رد: كيف اصدر الوكاله الشرعيه ومن وين ضروري ابي رد اليوم
الوكالة عن طريق السفارة أو القنصلية أيهم أقرب لك
المطلوب
صورة بطاقتك +رقم السجل المدني للي تبي توكله (وهو يضيف صورة بطاقته مع الوكالة)
والعلم لك خير
رد: كيف اصدر الوكاله الشرعيه ومن وين ضروري ابي رد اليوم
السفارة !!!
معقول الوكاله الشرعيه من السفارة اول مرة اسمع بهالشي
رد: كيف اصدر الوكاله الشرعيه ومن وين ضروري ابي رد اليوم
يا اخوان احد يفيدني في موضوع الوكاله الله يسعدكم
يعني معقوله مافي بنت طلع ابوها عشانها وكاله
ابوي سوا وكاله عند كتابة العدل وعليها ختم كتابة العدل وتوقيع كاتب العدل
بس قالو لابوي لازم ختم وزارة العدل + وزارة الخارجيه
هل هالكلام صحيح والا يكفي توقيع كاتب العدل وختمه
رد: كيف اصدر الوكاله الشرعيه ومن وين ضروري ابي رد اليوم
أختي الكريمة الوكالة الشرعية إصدارها مثل ماهو مكتوب بالموضوع
http://www.mbt3th.us/vb/forum17/thread152051.html
ومن قال لك أنه يحتاج ختم وزارة الخارجية اسمحي لي أن اقول عنه مفرتي وقاعد يكذب ويهايط
لأن كاتب العدل عنده ختم مصدق مصدره وزارة الخارجية
ماشاء الله تبارك الله..اصدرت نفس هالوكالة ..وطلع لي قرار الابتعاث وأمر الاركاب وسافرت وفتحت ملف بالملحقية كله بهذه الوكالة
رد: كيف اصدر الوكاله الشرعيه ومن وين ضروري ابي رد اليوم
قلبو..انا كفى معايا ختم كاتب العدل ...واليوم اصدرت قرار البعثه...
رد: كيف اصدر الوكاله الشرعيه ومن وين ضروري ابي رد اليوم
أختي تأكدي أن الورقة هي ورقة كاتب العدل ( ورقة رسمية لونها اصفر فاتح) وليس ورقة خارجية من عندكم!
رد: كيف اصدر الوكاله الشرعيه ومن وين ضروري ابي رد اليوم
n luv
شكرا على مرورك وتوضيحك
الورقه مثل الموجود بالموضوع اللي حطيتي اللينك حقه
ورقه رسميه صفرا عليها ختم كتابة العدل بالدرعيه وتوقيع كاتب العدل وختمه
ابوي قال انهم قالو باقي لك ختم وزارة العدل والخارجيه
بس كان مستغرب من ان الموظف كان ينتقد عليه كيف يخلي بنته تسافر لحالها وهو مو معها <<<ناس شاغله عمرها
عشان كذا شكيت في كلامه وان ماعنده سالفه اجل ان شالله بروح بهالوكاله وربي يسهل لي اموري
رد: كيف اصدر الوكاله الشرعيه ومن وين ضروري ابي رد اليوم
عالمة الرياضيات الف شكر والله يسهل لنا ولك كل امر عسير والمسلمين يارب
رد: كيف اصدر الوكاله الشرعيه ومن وين ضروري ابي رد اليوم
اللي اعرفه والدك يروح المحكمة و يعمل وكالة شرعية للمرافق