اتقنت الانقلش listening؟؟؟ ... تكفون نصيحتكم .......

السلام عليكم ......
انا اعطي نفسي بالانقلش 40% قاعد احاول اطور نفسي بمشاهدة المسلسلات الامريكية طبعا الsubtitle انقلش
لكن بعض الاحيان ما افهم شي بسبب الgrammer
وبصراحة اواجه مشكلة خصوصا بـlistening (جمل فيها قرمر تخش اخماس في اسداس^_^)
وانا حاب اني اتقن القرمر حتى تظبط معي ان شاء الله ......
فأبغا من اللي يتقنون اللغة بشكل كامل ان ينصحوني بالقرمر المفيد لاني شفتها كثيييييرة
ابغى الزبدة والمهمة بالقرمر حتى اقدر امشي باللسننق واذا قدرت اتقن اللسننق كل شي يجي حبة حبة ...
مدري اذا طريقتي صحيحة لاني احاول بشد الانفس اني اتقن المحادثة

اولاً لازم تعرف البديهيات في اللغه يعني تميز بين الاسم والفعل والصفه واشياء ثانيه على سبيل المثال she و he و it تاخذ does و we ,they,I تاخذ do الاشياء الي اخذتها في متوسط وثانوي
واذا فهمت tenses الي هي الازمنه وعرفت متى تستخدم كل زمن رايح تكون امورك في اللغه ممتازه وشيئ ثاني لازم يكون عندك مفرادت كثيره وكمان موجود expressions احيانن تجيك في اللغه جمله ما تقدر تترجمها كلمه كلمه هي الجمله كلها لها معنى ما ادري كيف افسرها لك خذ هالمثال i smell something fishy لو جينا نترجمها حرفياً اني اشم رائحة السمك لكن هذه الترجمه غلط الترجمه الصح اني احس بالريبه في شيئ معين وفيه جمل كثيره في نفس السياق
مثال ثاني down-to-earth هالكلمات الثالثه كلها تشكل معنى واحد وهي كلمة واقعي

هلا والله بدكتورنا .....

اقتباس:

---

اولاً لازم تعرف البديهيات في اللغه يعني تميز بين الاسم والفعل والصفه واشياء ثانيه على سبيل المثال she و he و it تاخذ does و we ,they,I تاخذ do الاشياء الي اخذتها في متوسط وثانوي

---

هذه ولله الحمد شاربها شرب ....

كلامك حلو ... لكن ما عرفت ارتبه انا الحمد لله عندي مخزون جيد من الكلمات فهل تقصد حفظ كلمات اكثر ام ارجع للقرمر وبعدين القرمر كثيير وانا ادور شي مختصر
صراحة ودي اشوف فلم بدون ترجمة وافهمه 100% احس اني بدمع اذا ما قدرت .......
صراحة فكرت ادرس بمعاهد لكن ضغط دراسة الطب ما سمحلي فأتمنى منك خطة عشان ان شاء الله اذا طلعت اتخصص برا تكون لغتي جيدة وما اتوهق بالشي هذا ...
وعلى طاري الطب كيف دراستكم ان شاء الله تمام ومرتاحين ....
وبالتوفيق ياغالي

القرمر اشوف انه غير مهم جدا وممكن تعلمه بسهوله انا ركزت عليه وفاهمه جدا بس المشكله السمع و الكلام بعدين الكتابه والقرمر وانا ستمعت لنصيحه المدرسه عندي واشوف انها منطقيه نوعا ما تقول الطفل يسمع بعدين يتكلم كلام مكسر وبعدين يتعلم الكتابه ومن ثما يتعلم القواعد واشوف انها نظريه جيده والله يوفق الجميع