عرض للطباعة
مساء الخير
انا طالبة مبتعثة وليا 4 شهور وبصراحه حابة الغي بعثتي وارجع السعودية
صارات لي ظروف وكمان ماني قادرة اتحمل الغربة ياليت تفوودني اخاف لازم ادفع التكاليف او شي
متوترة حيل ياليت اذا تعرفون احد رجع وماكمل بعثته عادي ولا كيف مع اني متفوقة ولله الحمد بس الظروف اقوى وانا جالسة لوحدي والله الوحده ذبحتين
00الله يفرج همك 00بس نصيحة لا تنسحبين يبغالك فترة وتتعودين 00
نصيحه مني لك لا تلغين بعثتك اذا على الوحده الي يبي الشئ لازم يتحمله
لازم تتحملي الغربه
ولاتخافي راح تتعودي اهناك وشوفي لك بنات سعوديات صاحبيهم
بتوفيق لك اختي
عزيزتي ..
الله يسهل أمرك .. ويريح بالك ..
بالنسبة لإلغاء البعثة .. بس دقي على مشرفتك وقولي لها بالغي البعثة ..
رح تعطيك إيميل لصرف التذاكر ..
بيصرفون لك تذكرة .. وبترجعين للسعودية وكأن شي ما صار ..
الله يوفقك ..
أنا مثلك
وبأمريكــا
وبموووووووووت حزن ووحشة رغم كثافة السعوديات حولي
بس موقادرة اتحمل الغربة ابدااااااا
موكاسر خاطري الا المحرم اخوي وده يكمل دراسته
استناه ياخذ قبول جامعة ويدرس ان شاءالله على حسابه اما انا برجع
بالنسبة لإلغاء البعثة في الحكومة الالكترونية
طلب تذكرة
والسبب حددي الغاء بعثة
وتصدر لك تذكره اتجاه واحد للسعودية
وماعليك أي تكاليف ابدا لاتخافين
اللي عليه تكاليف الموظف
لكن احنا احرار الحمدلله
نصيحه استخيري وفكري مليون مره قبل اتخاذ قرار زي كذا
الله يوفقك
صحيح فكري واستخيرياقتباس:
المشاركة الأصلية كتبت بواسطة fouz
اختي الكريمة
ربي يوفقك ويسهل دربك
لما قدمتي للبعثة كان همك ايش؟؟
هل تحقيق طموح او سفر او الرغبة بوظيفة او تحقيق ذات؟؟
فكري بعد رجعتك كيف بيكون وضعك بين اهلك؟ وصديقاتك والمجتمع وكيف النظرة هل راح تتحملين؟
هل الكل راح يقول انها عايشة بغربة وبس .؟؟ لانو حسب مافهمت ان وياك محرم وهو اخوك
اذا كانت هالامور ماتهمك وراح ترجع حياتك طبيعي بعدها اتخذي القرار بالرجوع
وانا اكلمك بحكم تجربة ويا زوجتي سابقا لما رجعت وهي الان تود الرجوع باي وسيلة ولكن النظام والتعقيدات والتحويل ومشاكل لاحصر لها ...
فكري وهدي بالك وعليك بالاذكار والصلاة دائما
ربي يسهل عليك