ضايقة فيني الدنيا :"(

مرحبا ,,

مممم .. مادري من وين أبدأ
أنا خريجة معهد الإدارة قسم برمجة الحاسب \ 2007
من الأساس ماكان طموحي أدرس دبلوم :no:
خاصة أن معدلي في الثانوية عالي! وكنت من المتفوقات دائماً
لكن وش نقول, حسبي الله ونعم الوكيل )=

المهم, اشتغلت بعد ما تخرجت
وحلمي كله في الدراسة
الحين عندي 3 سنوات خبرة عمل ,,
لكن طبعا كل وظيفة أحصلها تكون شهادة الدبلوم عائق في إني أحصل على قريد عالي أو راتب مجزي

هالفترة رجعت لي الرغبة بقوة في الدراسة, وما ودي في الانتساب لأن اعرف إني ماراح اقدر أكمل فيه
ودي أطلع بره ,, وصرت أقرأ في مواضيع كثير في هالمنتدى عن الجامعات الي تعادل الدبلوم وما إلى ذلك ..

لو توكلت على الله وطلعت على حسابي, كم المبلغ الي أحتاجه تقريباً؟
ايش هي الجامعات او الولايات الي تنصحون فيها .. من ناحية المعيشة, الامان .. الخ
وكم المدة الي آخذها علشان أتحول على البعثة .. هذا أهم سؤال :upset:

أتمنى تساعدوني ,, ولكم الدعوات الطيبة ورحمة الوالدين

شكراً ,,

أنا عندي بعض المعلومات من خلال بحثي المتواضع هي يبيلك 10 آلاف ريال شهريا هذ1 المعدل المتوسط قد تنخفض وقد تكون أكثر وانتي شوفيلك ولاية رخيصه مثل مونتانا ميشقان ولو تبين كلام مدرس امريكي درسني قالي أنت ابتعد عن الولايات الشرقيه ورح للوسط والغربيه ارخص وميقل فيها الـ TAX الضرائب أنا مو عايش هناك بس اجيبلك اللي أعرفه ومن ناحية تخصصك أنا أعجبتني جامعتين هي بنسلفانيا ستيت الرئيسيه وهي جامعه موصى فيها وصعبه الدراسه فيها على حد ما علمت بس علم علم والجامعه الثانيه نصحني فيها مدرس امريكي مهندس تعرفت عليهم بجده بالمعهد وقال لي رح لجامعة بوردو بولاية انديانا بمدينة لافايت على ما أظن وكلها قوية بس بنسلفانيا أقوى
وكلها تكلفتها المينيمام 10 آلاف سعودي شهرياً شاملة السكن مع عائله التأمين المعهد وجبتين كل يوم ومصروف بسيط يمشي الحال لين تلتحقين إن شاء الله على حساب خادم الحرمين الشريفين وهذي فكرتي أنا وإن شاء الله بروح
أنا باقي لي أوفر الشهادة البنكية وأروح أعطي المكتب أوراقي وهو بيسوي كل شي حتى الفيزا بتكلفة 5000 تقريباً
أنا تخصصي راح يكون هندسة كمبيوتر ... بس الظاهر إن تخصصك إكيد موجود بس صعب شوي ... مع العلم إن المعادلات للدبلوم مافيه بإمريكا إلا لين تيجي لإمريكا ويسون معك مقابله مع لجنة متخصصه بالمعادلات ويختبرونك أو شي من هالقبيل عشان يعادلون لك على الأقل 10 ساعات ... لأإني أنا بعد دبلو تقنيه دعم فني .... وأسأل الله التوفيق والسداد لنا ولك يارب



لا تنساني من دعائك ... وشكرا

ألف شكر لك أحمد, أفدتني جداً
هو بصراحة نيتي أكمل في الكمبيوتر ساينز أو تخصص من هذه التخصصات
ماودي في برمجة برمجة لأن ادري إني راح انضغط ><
الخوف بس ان اروح وتطول المدة وما التحق بالبعثات وأرجع بخفيّ حنين :(

الله يعطيك ماتتمنى وتتسهل أمورك يارب
رحم الله والديك أحمد ^^

ياصاحب اول رد ،،
5000 ريال والله كثيره مره مره مره مره ،،
انتبه يلعب عليك مكتب قبولات ،،
انا جايب قبول وجاب لي الفيزا بـ1550 ريال

كلام يششجع صراحه الله يوفقك اختي

بس البلا والمرافق يعني أدبل الـ 10 وتصير 20 ؟؟