موظف ارامكو .. وعضو جديد وابغى مساعدتكم

السلام عليكم اخوي هد اعصابك واذكر الله انا حاس بمعاناتك ولا كان مارديت عليك يااخي الكريم انت قد تكون في اسوء إدارة بس انت في افضل شركة وغالبا يااخي مشاكل العمل متقاربة فانا نصيحتي لك انك تبقئ في العمل

وفي نفس الوقت تكمل دراستك مسائي واعتقد انكم في أرامكوا جدولكم واضح فتقدر ترتب مع الجامعة يضبطون جدولك انا عارف انه تعب لكن وش تسوي الشي الثاني انت بتدفع جزء مقدم للجامعة ومن ثم تقدم على وزارة التعليم

العالي وفي الغالب يضمونك حتى لوكنت موظف الوزارة بتدفع مبلغ وانت بيكون عليك مبلغ بسيط لان رسوم الجامعة عاليه هذا ردي لانك تقول ماتقدر تبعد عن اهلك اما بخصوص انك تفكر تدرس برئ ابنصحك بعدة خطوات
الاولئ صلاة الاستخارة والشي الثاني حاول انك تأخذ إجازة استثنائية وجرب وضعك ثم استقل لانك موظف غير حكومي اذا ماقدرت تأخذ إجازة اسثنائية بسبب رفض العمل لاتستعجل بالاستقالة الخطوة الأولى تختار الدولة الي ترغب
بالذهاب لها وتجيب قبول لغة وقبول جامعة ومن ثم اطلع فيزة الدولة الي بتطلع لها بعدين اذا خلصت هاذي الاواراق قدم على وزارة التعليم العالي عن طريق الموقع دراسة على الحساب الخاص بتجلس فترة ثم بيردون لك اذا جتك
الموافقة وفي الغالب بتجيك اذا اوراقك كاملة باذن الله بعدها قدم على الاستقالة وسافر ادرس بس حط في حسبانك انك بتدرس من 4 الى 6 شهور على حسابك الخاص قرابة من 60 الى 100 الف وبعدها يضمونك للبعثة ونصيحتي
انك ماتاخذ الحرمة لين يضمونك للبعثة ، الشي الأخير فكر وقرر اذا انت ماتقدر على الغربة نصيحتي لاتضيع وقتك واستمتع بعملك وقربك من اهلك ومشاكل العمل في كل مكان ارامكوا قدمت لك بيت وعلاج مغطئ كامل لك ولابنائك
ولوالديك والشي الأخير حاول تنقل لادارة اخرئ .
وتقبل تحياتي

يأخي لاتفصل حذاري ،، الوظيفه صعبه بس مستحيلة في ارامكوا اهدأ وروق وان شاء الله بتنحل لديك خيارات كثر تدرس مسائي مثلا ،، تأخذ إجازه بدون راتب تطلع برا تجرب وش الوضع ويمكن تلحق بالبعثه ،،، انقل في أسوأ الأحوال بس تكفى لاتفصل وتذكر ان الله مع الصابرين ،، الا اذا كان عندك هدف ان تدرس خارجيا أقلك لاتفصل بعد خذ إجازه بدون راتب يعني باختصار لاتفصل

هلابك اخوى ..
اتضح لي انك مللت من الإداره الحالية وسوء المعامله ولا حسيت ان فيه طموح دراسه لان اللي يطمح بالدراسه يكون مرتاح ٌب الوظيفه ويتركها ويروح يدرس ..
ثانيا الغربه صعبه مو كل شخص يتحملها بمعنى أصح يعنى نفس العقليات والناس اللي تتذمر من تعاملهم بالدوام بتحصلهم في دوله الابتعاث اما دكتور بالجامعه او غيره

اذا الضغط من الإداره تقدر تشوف لك نقل مع ذلك
انا اتكلم معاك وانا مستقيله من وظيفه حكوميه براتب ١٠ الاف ريال ودوامى كان من ٨ الى ٢ على مكتب وراحه
لكن بداخلي طموح وأبغى أحققه ولعلمك صار لي ١٠ اشهر الان باميركا ولسى ًم انضميت وقبل اسبوع تقريبا حصلت ع قبول نهاىي من الجامعه بالتخصص اللي بغيته ...
من ناحيه ندمت ع استقالتى من الوظيفه او ع ألراحه اللي كنت فيها ؟
تعبت كثير وافتقدت ألراحه لكن مات ندمت ولا واحد بالميه لكن ماستقلت الا بعد ماستخرت كثير
أقراء كل كلمه قلتها وان شاء الله تستفيد بالتووووفيق


( تمت المشاركة باستخدام تطبيق مبتعث )