عرض للطباعة
السلام عليكم
واحد من الشباب دار حديث بينه وبين واحد من المعقبين بالوزاره
وطلب المعقب مبلغ ووعده بانه بيطلع من السعوديه مبتعث
ماطلب المبلغ كامل بالبدايه طلب جزء بسيط منه وبعد مايتم كل شي يعطيه الباقي
استشارني وقلتله مااعرف عن الموضوع شي وحبيت اسالكم
سؤالي :
هل اللي صار عملية نصب جديده بمجتمعنا لاستغلال رغبة الخريجين بالابتعاث ؟؟
ام انها شي ممكن ؟؟
والله ياغالي انا ما اعتقد لان هادي الاشياء مو بيد المعقبين
هادي بيد الروووس الكبيرة
اذا واسطات اووووكي والله لو القهوجي عند الدكتور العطية يعرفك
تضمن البعثة لكن فلوس ما اعتقد وهوا كم طلب ؟
انتظرك تحياتي
ارجعو لردودي وكتبت عن هالموضوع الرشاوي
يش الضاهر تحسبوني بلحظة غضب ولا ادري وش اكتب لا هذه حقيقة
واخوي : وين على الله
تذكر انها رشوة وعلم خويك بالكلام هذا ويكفيك ان كل مكافئة تستلمها بعد كذا حرام يعني وش الفائدة
حسبي الله عليها من وزارة الي خلت ناس نفكر هالتفكير
الله يغنينا بحلاله عن حرامه
والله يكتب لنا الالحاق ان شاء الله عاجلا غير اجل
امييييييييييييييين
وتقبلو خالص تحياااااااااااااااااتي
اللهم اغننا بحلالك عن حرامك
لعن الله الراشي و المرتشي و الرائش
الان صارو ماعاد يقولو هذي رشوه
يسموها اتعاب
في حديث عن الرسول لا احفظه نصيآ لكن في ما معناه
اخر الزمان تتغير مسميات الحرام
متعارف عليها هذي رشوه لكن الان يسموها اتعاب
هذا ان كان صادق انه راح يضمك للبعثه
فعلآ النصب صار شغال على كيف كيفك
1- سوا
2- الاسهم
3- المساهمات مع الافراد
4- تعيين الوظايف
5-البعثات
اتمنى من صاحب الموضوع ينسق معي بشان هذا حيث كثر الكلام في الفترة الاخيرة عن ذكر الرشاوي و ليس هناك ما يؤكد حصول ذلك. انا اخشى ان يكون هناك عملية نصب
اقتباس:
المشاركة الأصلية كتبت بواسطة المستشار التعليمي
والله و أنا أخوك
فيه مكتب يقول يدبر لك قبول جامعه و ضمان مالي من الملحقيه و كل شئ من إلى مالك إلا تداوم
و يطلب مبلغ بحدود 50 الف ريال
سبحان الله
اصبحت البعثة كأنها شيء مادي فقط لا اكثر !!
اذا انا املك 50 الف ريال ودفعتها معناها انني لست بحاجة الى الالحاق لانني على وشك تسديد نفقة البعثة
اللحين اللغة 19 الف ريال دفعتها
الجامعة 42 الف ريال "جامعتي" ما اعرف عن الجامعات الاخرى
طيب ليش احتاج لنفقة الوزارة الله لا يشكر لهم فضل ويزيدهم انحطاط الى اردى
مسألة الابتعاث يا جماعة الخير مسألة تطوير للذات وارتقاء لبلدك علميا وعمليا والا ما الغرض منها ؟؟
لا اعتقد انها وصلت الى هذه المبالغ ولكن يمكن ان يكون هناك عملية رشوة بمبالغ من 5000 الى 10000 اتوقع والله اعلم واتمنى ان لايكون هذا من بعض المسؤولين حيث اننا نشاهد طلاب بعد تطبيق القرار يلحقون بالبعثة في عضون اسابيع ولا نعلم مالسر ومالفرق بيننا وبينهم
اقول يالغالي
ترى كثير اعرفهم انصب عليهم ومستعد اذكر الاسامي
ولهم الان سنتين على قصة الضمان المالي
ودفعو 10 الاف وكل يوم يقول لهم بكرا
تبي اعطيك اسامي المعقبين النصابين
واساميهم ومع من تعاملو من الطلاب مستعد اذكرهم لك راسلني خاص
والله يوفق هالمنتدى الي وقف هالناس عند حدهم
قبل فترة انتشر موضوع بالمنتدى استخراج ضمان مالي والحاق في البعثة والله يوفقه امين بندهم وبغيت اروح ضحيتهم انا
الا بالصدفة شباب اضافوني مسنجر واعطوني اسمه ووضعه ووين يشتغل
طلع الرجال نصاب كبير ولا احد قدر ياخذ حق ولا باطل منهم
ياجماعة الخير فيه واحد من الشباب جاني يستشيرني وقلت له ابعد عن الرشوة والله يقول هذا بالتعليم العالي ويطلب مبلغ 15000 ريال وقلت له اذا انت فعلا رجال وتخاف الله بلغ على الرجال وخله يكون عبره لغيرة لأنه اذا طنشت بيلقى غيرك
زين انك استفسرت واهم شي عليك بالحلال