كم لازم يكون في حسابي عشان اطلع فيزا ؟؟
السلام عليكم ..
باختصار انا مو مبتعثه ..وراح اجي ان شاءالله على حسابي الخاص على امل الالحاق :no1:..
و سؤالي عن الفيزا ..
راح اقدم على الفيزا بقبول الجامعه ..
لذلك كم يبغون السفاره يكون في حسابي ؟؟
هل اهم حاجه يكون يدخل لحسابي مبلغ معين كل شهر ..والا لازم يكون فيه مبلغ محترم ؟؟ وبحدود كم هالمبلغ ؟؟
نصحني اخوي فاقد الامل الله يجزاه خير اني اقدم على الفيزا بقبول معهد عشان يقبلون السفاره بمبلغ بسيط في الحساب ..بس المعهد عشان يعطيني قبول لازم ادفع عربون 100 باوند .. وانا بصراحه ماني دارسه بالمعهد..يعني ادفع عالفاضي ؟؟ وشرايكم ؟؟
اللي عنده (خبره) وخبر اكيد ياااااليت ينصحني .. وشكرررررا جزيييييييلا
رد: كم لازم يكون في حسابي عشان اطلع فيزا ؟؟
لا تفقدي الامل
يبون من اي حساب في البنوك على مدة ثلاثه شهور وبالانجليزي مبلغ لا يقل عن 30 لف ريال
مو شرط يدخل حسابك مبلغ
الشرط انه فيه متدواال فيه لا يقل عن 30 الف ريال
طبيعة حالك رح تدرسي صح المعهد مارح ياخذ منك فلوس علشان القبووول اعطيه موعد انك رح تجي في هالوقت ونسقي معهم
ولمن تجي سجلي حضور وقولي لهم الكروسات الا تبيها وادخلي
اي مساعده جاهز مايردك الا الكيبورد
رد: كم لازم يكون في حسابي عشان اطلع فيزا ؟؟
هناك معاهد لا تطلب دفع مبلغ مالي حتى بعد صدور الفيزا الجديدة
وهناك موقع بعد إذن المشرفين موقع الطلاب في بريطانيا موجود أحد الأشخاص يأتي بالقبول مجاناً وبدون دفع ممبلغ مالي
رد: كم لازم يكون في حسابي عشان اطلع فيزا ؟؟
اختي انتي بامريكا او بريطانيا؟؟
اول شي اذا امريكا لازم يكون المبلغ لايقل عن 90 الف ريال عشانك راح تدرسين سنه لغه بعدين تخشي الجامعه لانك محتاجه فيزا طويلة المدى ومو مهم يكون بحسابك عادي حساب ابوك او اخوك او خالك خذي بس كشف حساب لاخر ثلاث شهور بالانجليزي ومايهم بالريال..
وال 30 الف الي يقولها اخوي راح يعطونك فيزا 3 شهور بهالمبلغ لانهم يبون يعرفون ان في احد بيتكفل بدراستك هذا بامريكا مادري عن بريطانيا وربنا يوفقك ان شاء الله وتقبلو مروري
رد: كم لازم يكون في حسابي عشان اطلع فيزا ؟؟
اقتباس:
المشاركة الأصلية كتبت بواسطة سعود البستاني
لا تفقدي الامل
يبون من اي حساب في البنوك على مدة ثلاثه شهور وبالانجليزي مبلغ لا يقل عن 30 لف ريال
مو شرط يدخل حسابك مبلغ
الشرط انه فيه متدواال فيه لا يقل عن 30 الف ريال
طبيعة حالك رح تدرسي صح المعهد مارح ياخذ منك فلوس علشان القبووول اعطيه موعد انك رح تجي في هالوقت ونسقي معهم
ولمن تجي سجلي حضور وقولي لهم الكروسات الا تبيها وادخلي
اي مساعده جاهز مايردك الا الكيبورد
الاخت تتكلم عن سفارة بريطانيا
بعدين كيف مو شرط يدخل الحساب؟؟
او متداول؟؟
ياليت توضح لنا النقطه هذي
بعدين في كذا معهد الان في بريطانيا يطلبو عربون عشان يضمنو انك راح تجي تدرس عندهم
رد: كم لازم يكون في حسابي عشان اطلع فيزا ؟؟
اختي انا طالع على حسابي بس لامريكا الاجراءات اللي سويتها رحت مكتب في الرياض يجيب قبولات و طلب مني اختار الدولة و المعهد و الجامعة و دفعت له رسوم 1500 ريال هذي كلها في نفس اليوم بعدين قالي اذا تبي ورقه قبول المعهد لازم تجيب لي شهادة بنكية
-----------------
فيه شي اسمه شهادة بنكية تروحي لاي بنك و تطلبيها
- انا و الوالد الله يحفظه عندنا حساب في البنك الاهلي . رحت انا و الوالد للبنك وحول في حسابي مبلغ 150000 الف ريال و طلب من الموظف ورقه ( شهاده بنكيه) مكتوب فيها اسم صاحب الحساب و الرصيد المتوفر و اسم المعهد.
وتم اصدارها في نفس الوقت بعد ما تم طباعة الورقه طلب الوالد من الموظف استرجاع المبلغ في حسابه .
و العملية صارت خلال دقايق .
على فكرة مو لازم يكون ولي امرك اي شخص يحولك واي بنك.
بعد كذا رحت للمكتب و اعطيته الشهاده البنكية وفي خلال اسبوعين جابلي قبول المعهد و الجامعة و اخذت موعد مع السفارة و اعطيتهم اوراقي و سألوني مين اللي بيسرف عليك قلت ماي سلف - يعني انا واعوذ بالله من كلمت انا و قال كم بتجلس قلت خمس سنوات وبعد اسبوعين ارسلوا لي الفيزا مدتها خمس سنواااااااات .
اسف جداً على الاطاله و اتمنى اني افدك .
بتوفيق يارب .
