دقايق من وقتك ممكن تغير اشياء كتير في مستقبلي .. اتفضل

السلام عليكم

اول حاجه .. مشكورين على كل حاجه بتعملوها هنا و بتفيدونا فيها

انا كنت ابغا ادرس في استراليا على حسابي .. بس بعدين نصحوني ببريطانيا .. لانو اقر و لانو الاكسنت في استراليا مره معدوم .. بعدين لمن كتبت و قريت في ملقى اخواننا الي في بريطانيا .. قالو مسألت انك تطلع على حسبك و ثم تجيك البعثه .. هادي وقفوها عندو .. و منيييييي عارقف فين اورح

ابغا احدد الدوله الي ابغا اروحها والي احتمالية انو تجيني فيها االبعثه كبيره
طيب ازا عرفت ان شالله .. كيف اعرف ايت معهد اروح ؟؟ و هل لازم يكون للمعهد علاقه بالجامعه الي ابغاها ؟؟
بعدين انا ابغا ادرس هندسه ميكانيكيه .. بايت جامعه تنصحوني
و غير كدا خايف لو طلعت ما تجيني البعثه
الي قريتو من بعض الشباب انو لو كانت معاك الفيزا و القبول الجامعي المشروط على طول ح يدوك امر الاركاب عن طريق د.العطيه
و بعضهم بيقولو لا .. لازم تدرس 30 ساعه على حسابك و بعدها ممكن يدوك و ممكن لا


الله يوفقكم افيدوني باي معلومه
وقولي كم تكاليف المعهد .. و كم ح ادفع الين ما تجيني البعثه ان شالله
و اي احد يقرأ الكلام دا و يشوف انو في معلومه ممكن استفيد منها .. يكتبها

الله يجزاكم كل خير و يوفقكم و يسهلكم اموركم يااارب

و ان شالله ما اكون كترت كلام و طولت عليكم

السلام عليكم شوف اخويا انا حا اساعدك با الي اعرفو ورزقي ورزقك على رب العباد

اول شي الدول الي الى حد الان اوكي باذن الله فيها الإلحاق كندا وامريكا

وانا ما اعرف جامعات امريكا بس في كندا في جامعات كتير قوية جدا جدا

تاني شي امر الإركاب الى الأن للاسف موقوف واذا انت من اهل الرياض محا تخسر شي والله يا اخوي اسأل

مجرب صرفوني مرة ومرتين وفي التالتة ما اتصرفت ونزل اسمي في الكشف حق امر الاركاب والموسى الله يجزاه خير

وقف اوامر الاركاب على حضي والى يومك دا موقف بس روح وجرب ملوحظة : انا من جدة

خد معاك قبول المعهد والجامعة والفيزا وروح للدكتور علي العطية وان شاء الله خير

اعتقد انا اديتك كل الي عندي والله يوفقك

تحياتي

انا ح اجرب و اروحلهم كل يوم ان شالله
بس خليني اجيب القبول
دحين قولي ايش الجامعات الي في كندا تنصحني بيها .. و ايش المعهد الي اروحو
و كيف اسجل فيي ..
و حتا انا عايش في جده


و انتا يعني تنصحني بكندا ؟؟ هيا احسن شي بالنسه لامر البعثه ؟؟

والله طبعا هيا افضل الموجود

شوف في جامعات في كندا كتير كويسة

من افضلها بريتش كلومبيا

ونورث بريتش كلومبيا

وفيكتوريا

وغيرهم كتير كندا مليانة جامعات قوية

انت خش على موقع الوزارة واكتب تخصصك وشوف الجامعات الموجودة

بس قبل ما تجيب القبول خش على موقع الوزارة وشوف الجامعة الي حاتجيب منها القبول
معترف فيها ولا لا عشان جالسين يوقفو في الجامعات انتبه من هادي النقطة

المعهاد في كتير

بس افضلها معهد ilsc

ومعهد جامعة نورث بريتش كلومبيا

انا في المعهد الاول والله ممتاز جدا وله 3 فروع واحد في فانكوفر والتاني في مونتريال والتالت في تورنتو

تحياتي

في نقطه مهمه جدآآآآآ

انت الان شوف لك اي جامعه معترف فيها عند الوزاره حتى لو الجامعه كانت تعبانه اهم شي قبول جامعه عترف فيه
بعد الالحاق ان شاء الله تقدر تغير الجامعه عادي جدآآآآ

وبالنسبه للالحاق مااعتقد في احد راح يفيدك فيه
لان موظفين الملحقيات انفسهم اللي يقول لك وقفنا واللي يقول لك لا باقي

جيب لك قبول معهد وطلع فيه الفيزا
والى ماتنتظر الفيزا توصل لك تكون طلعت قبول الجامعه
وبعدها جرب حظك مع امر الاركاب

طبعآ مثل ماقال اخونا حسام غير كندا او امريكا لا تفكر

وحشتنا جده

الله يوفقك يالغالي من ناحية التكاليف وهذا اللي انا عارف فيه

اذا انت متيسر الحال جيب معاك حق ستة شهور احتياط واللي هو قرابة 45000 للمعهد والسكن طبعا السكن يشمل الاكل

واذا تبي المعاهد اللي قالوها لك الشباب فوق اكتبها في ورقة وروح مكتب اللي يجيب لك قبولات واعطهم اسم الجامعه والمعهد والتخصص وصورة الجواز وشهادتك الثانوي ولازم تكون مترجمة ومختومه من وزارة الخارجية وهذي ببلاش مافيها رسوم واتوكل على الله

الله يوفقنا وياك وحاول تستعجل واسال كثير قبل تسافر يمكن قبل يوم سفرك تتغير الاوامر

طيب يا خواني .. دحين فين المكاتب دي ؟
يعني الحمدولله كتير من اهل جده ردو ع الموضوع
دلوني ازا ما كان عندك مانع
اباااا اسااافر خلاااص :D

والله نصيحه غير السعوديه لاتفكرررر امسك ارضك ازيلك مابحطمك بس شوفني وشوف اخوانك الي بالجلسه ضايعين ماندري وين حن فيه بتجي وبتتحمل حياك بس احسب حسابك اكثر من ست شهور يعني اكيد حدود 100 الف وانت تضحك

اخوي اول شي توقف الالحاق في بريطانيا حسب كلام الوزير
http://www.mbt3th.us/vb/forum17/thread101103.html

روح لهولندا لانو لسه الحين وقعو اتفاقية تعليم بيها