تكفون نصيحتكم ورايكم راح يحدد مصيري..اترك وظيفتي واكمل دراستي ؟؟ الكل يدخل يشارك بليز

نصيحتي لك انك تخليك على وظيفتك راتب مغري وانت تدرس الان انتساب بكالريوس يعني اول ما تخلص راح تجيك ترقيات قويه في موبايلي واول ما تخلص البكالريوس يمكن موبايلي تبعثك على حسابها لتكمل الماجستير لان انت عارف ناس متخرجه من امريكا وبكالريوس وحتى الان ما حصلو وظايف وانت الحمد لله وظيفه كل واحد يحلم فيها ويحسدك عليها وانت على راس العمل كمل البكالريوس وخلصها لو انك انتساب ومو متوظف في وظيفه مرموقه اقولك اسحب على الجامعه وقدم على برا وكمل دراستك للبكالريوس


والله يوفقك ويوفق الجميع لما يحبه ويرضى

عزيزي اولا اتامل ان يكتب الله لك الخير

استخير الله قبل كل شيء واذا قدرت تاخذ اجازة بدون راتب من موبايلي يكون افضل واسال عن مزايا الشركة في موبايلي شوف وش يقولون لك بما انك تدرس حاليا بكالوريوس انت ادرى واعلم بهذا الشيء وهم راح يبينو لك ايش المزايا وانت بعدها تحدد لكن انك تسيب الوظيفة نهائيا انا مااويدك واسال رئيسك لو انه مقرب اليك واستشيره وهو راح يقللك باذن الله واخيرا استشير الله واستخير قبل كل شيء تحياتي وتقديري لك عزيزي

مشكوور على نصيحتك ... وهذا الي مخوفني اني اسمع في ناس تخرجت من بره وما توظفت بس ما ادري هل الكلام معقول ؟؟ وانا الي مو محمسني اني اترك الوظيفه انه في ناس فعلا حاسدتني عليها ووخايف اني اتركها واندم ..
وبالنسبه للترقيات في موبايلي ثقيله شوي ويبي لها شهادات .. واما الابتعاثات عن طريق موبايلي مافي الا للانتظام فقط

والله يعطيك الف عافيه ويوفقك ويسدد خطاك

استخير الله والله يوفقك

يا هلا اخوي ..

للاسف لا يوجد اجازه بدون راتب نهائيا في القطاع الخاص ( بسبب الدراسه ) وخصوصا موبايلي ...

وبالنسبه لمزايا الشركه الحمدلله ممتازه في المستقبل ولكن تتطلب شهادات للترقيه ..،، وانا راح اسال مديري ان شاء الله وش الافضل في المستقبل وان شاء الله ينصحني ..

وسعيد جدا بمشاركتك ونصيحتك ... ويااارب تحقق حلمك

الله يسعدك ويوفقك ياارب .. والله حسسسييتك تتكلم من قلب ...

وفكرت في مسالة الراتب زي ما ذكرت يالغالي وحسبتها اذا كان الراتب الضعف بعد ما ارجع ان شاء الله راح اعوض راتب كل السنين الي درستها وزياده علي المدى البعيد .. وانا مؤيد لنصيحتك لاني قابلت ناس كبار وندمانين انهم ما كملو دراستهم بشهادات قويه وعاليه .. والحمدلله انا ما عندي اي مانع او ظروف او معوقات اني ما ادرس ومتفرغ وعندي طموح ولله الحمد ...

وفقك الله فيما يحبه ويرضاه وان شااء الله ياارب تتووفق في عملك وتطلع اعلي المناصب ،، ،مشكووور على نصيحتك

نصيحة أخووووووك

لاتطلع من الوظيفه

أسأل مجرب ولا تسأل طبيب

بسم الله أبدأ ، وبه أستعين

جاء احدهم الى الحسن البصري يساله عن سر زهده في الدنيا ، قال الحسن البصري له :
علمت أربعة أشياء فاسترحت : علمت أن رزقي لن يأخذه غيري فاطمأن قلبي ، وعلمت أن عملي لا يقوم به غيري فاشتغلت به وحدي ، وعلمت أن الله مطلع علي فاستحيت أن يراني على معصية ، وعلمت فوق ذلك أن الموت ينتظرني فاعددت الزاد للقاء ربي .

أولا يا أخي الكريم أحيي فيك طموحك ، و أسأل الله أن يحقق لك أهدافك ..

بالنسبة لوضعك :
أنا أشوف أنك تستمر في عملك ، وتستمر أيضا في دراستك البكالوريوس ، وبعد الإنتهاء من البكالوريوس إن حصل لك ترقية من موبايلي أو وجدت عرض من شركة أخرى فذلك خير وبركة ، وإن لم تجد فبإمكانك أن تطلع أمريكا (مثل ما أسلفت) وتبدأ مباشرة في الماجستير.
من هنا نخرج بفائدتين / 1- اختصرت على نفسك سنوات. 2- محاولة الحصول على ترقية في العمل.

أما بالنسبة للوظيفة والدراسة : لا شك بأن الدراسة تنير العقل ، وتزيد من الإدراك والمعرفة ، لكن الدراسة ليست كل شيء ، ولعلك بالثانوية أو بالبكالوريوس تحصل على مرتب أعلى من أصحاب الدكتوراة ... وهذي أرزاق بيد الله.

و لاتهمل التعليم الذاتي (القراءة - الإطلاع - التعلم - الدورات - ...) فهذه أيضا توسع مدراك العقل ، و تساعد الشخص للوصول إلى مستوى عالي من الثقافة.

ولا تنسى : عصفور باليد ولا عشرة على الشجرة..


وأكرر بأنك إنسان طموح وستصل لما تريد بإذن الله ، لكن المسألة مسألة وقت.!!!

يا هلاا اخوي ..

ليييش ... والله نفسي اكمل ... ومن ناحية الوظيفه اتوقع ملحوق عليها بعد الجامعه واتوقع بتكون افضل من وظيفتي الي انا فيها حاليا ...

وبما انك مجرب خوفتني ... والله يووفقك ان شاء الله وياليت تقول لنا تجربتك عشان نستفيد منها ولا عليك امر يالغالي