يالمستشار ألحق علي رفضو إلحاقي ضروري تدخل وتشوف المشكله

السلام عليكم

والله مو عارف أكتب الأفكار متلخبطه وخربانه قبل دقايق شيكت على أسمي في النضام

وطلع القرار عدم إلحاق لعدم أكتمال المسوغات

والأسباب عدم أرفاق قبول جامعي


والله عندي قبول من أرقى جامعات كندا وبكلوريووس وإداره أعمال ونسبتي 82,5

ليش رفضوني وخاصه أنه أنا وواحد من الشباب في نفس القبول وفي نفس الجامعه والمعهد وكل شي ورفعنا أراقنا في نفس اليوم وفي نفس الجلسه 169

الفرق أنو أهو باكالوريوس هندسه كهربائيه وأنا إداره أعمال ليش رفضوني والله الدنيا صكت في وجهي

ان شااء الله خير اخووي هوونها
انت اتصال على الملحقية واسألهم وبعدين اتصال على الوزارة وان شاااء الله خير
والله يكون في عوونك

والله كل أراقي كامله والله اني مقاتل الدنيا كلها عشان أجي وأدرس

طلعت من وضيفتي أجلت زواجي والله أني أشتغل سنيتين عشان أجمع فلوس الجيه

يعني شنو يسوي الواحد حتى يوم تخرجت من التقنيه معدلي 4.2 ولا شفت وضيفه عدله حتى وضيفتي ب2500 ريال

أشلون نبغا نرفع البلد والبلد ماتبينا

أخوي الأخطاء واردة بالوزارة بس انت اذكر الله وكلمهم وانشاء الله امورك كلها بتتم على خير
وتأكد ان كان لك رزق بتاخذة مهما حصل وان كان الله صارفه عنك فهي خيره باذن الله

وسع صدرك ولاتزعل انشاء الله الامور تمام بس كلمهم وشف وش المشكله

هذا رسلت لهم إيميل فيه قبولي من جديد

أنا في كندا ولا أكدر أتصل عليهم خاصه أنهم كل تحويلات في تحويلات

بس هم بحاول

بس والله ماراح أنسا أنهم كسرو كل أحلامي

لا وأنا مصدق عمري في المعهد كل يوم أداوم ومسوي فيها ممتاز ودافور

الرجاء دخول المستشار

اذكر الله رزقك حيجي حيجي بس انت هدي وان شاء الله ربي يسهلها ويفرجها عليك بالتوفيق اخوي

آذكر الله ..

وآتصل بالملحقية .. ولا تيأس من رحمة الله !

والله يوفقك دنيآ وآخرهـ

يالربع والله اني مانمت من امس .. كل ما تذكرت الخبر دمعت عيني على شوفت حلمي ينهدم قدامي.. ياقوها بعد طول انتظار تلقى النتيجه في موقع الوزارة
(تم الرفض طلبك وعادة ملفك للملحق) ! الله لا يوريكم صدمه مثل هذي
لا حول ولا قوة الا بالله العظيم..
ربي اشرح صدري وييسري امري

الله يكون بعونكم ياشباب ويعوضكم خير

تفائلو بالخير تجدوه لاتيأسون كملو مابديتو وان شاء الله الامور زينه