ابي فزعتكم انا ابي ادرس بأمريكا على حسابي وبعدين التحق بالبعثه
السلام عليكم ورحمة الله وبركاته
انا طالب ثالث ثانوي شرعي وراح اخذ شهادة الثانويه بعد اسبوع
وودي ادرس الجامعه في امريكا
وراح ادرس على حسابي وبعدين التحق بالبعثه
وما ادري وش اسوي مررره
وما ادري اي ولايه اروح اي جامعه اي التخصصات الشرعيه
وودي اعرف كم المصاريف الشهريه
ومتى انضم للبعثه وكل شي
تكفون الي يعرف اي شي عن الموضوع يرد بأي شي
رد: ابي فزعتكم انا ابي ادرس بأمريكا على حسابي وبعدين التحق بالبعثه
محد يقدر يعلمك متى تنضم ويمكن تكمل ثلاثين ساعه حسب الشروط اما الولايات حسب ميزانيتك حدد عشان نساعدك
رد: ابي فزعتكم انا ابي ادرس بأمريكا على حسابي وبعدين التحق بالبعثه
يعطيك العافيه اخوي على ردك
مدري يعني وش رايك
في تكساس او كانسس او اوهايو
وودي يعني ابي اعرف كم تكفلني بالشهر لو درست مثلا في كانسس
رد: ابي فزعتكم انا ابي ادرس بأمريكا على حسابي وبعدين التحق بالبعثه
ياخوي نصيحه دامك متخرج من الثانوي يبي لك لين تضبط امورك حدود 4 شهوور من فيزا وقبول فما ادري وش بيصير في هذاك الوقت لان الفتره هذي صرنا خايفين يتطبق علينا الشروط بين وقت واخرّ.. لكن انت فكرّ واذا عندك استطاعه تدرس سنتين ع حسابك هذا شي كويس بعدين تلتحق.. الله يوفقك اخوي وانشاء الله الاخوان يفيدونــك.. بس انا حبيت اكون معك صريح عشان لا تتوهق..
رد: ابي فزعتكم انا ابي ادرس بأمريكا على حسابي وبعدين التحق بالبعثه
لا والله انا الي اقدر عليه 6 شهر او 8 شهور بالكثير مدري هل ممكن التحق بالمده هاذي ؟؟؟
رد: ابي فزعتكم انا ابي ادرس بأمريكا على حسابي وبعدين التحق بالبعثه
اقتباس:
المشاركة الأصلية كتبت بواسطة طالب ثالث ثانوي
لا والله انا الي اقدر عليه 6 شهر او 8 شهور بالكثير مدري هل ممكن التحق بالمده هاذي ؟؟؟
ممكن تنضم في 4 شهور خصوصا لو رحت امريكا او كندا لانها اسهل في الانضمام مو زي بريطانيا واستراليا
رد: ابي فزعتكم انا ابي ادرس بأمريكا على حسابي وبعدين التحق بالبعثه
وممكن يطبقو الشروط علينا وعليك
يعني خلي ببالك اسواء الاحتمالات مو بس المميزات
يعني لا يروح عليك تقديم السعوديه قدم بالسعوديه وحاول تسوي فكره امريكا براسك
رد: ابي فزعتكم انا ابي ادرس بأمريكا على حسابي وبعدين التحق بالبعثه
الله يوفقك ويوفقنا والجميع يارب