هل صحيح انه خلاص مانستطيع نلتحق بالبعثه بكندا وغيرها
عرض للطباعة
هل صحيح انه خلاص مانستطيع نلتحق بالبعثه بكندا وغيرها
اامااا ايه وش مصدرك ومن وين جبت هذاء الكلام لا تذب كلمه وتطلع من الموضوع
لاحول ولا قوه الا بالله
رجعنا لحركات البزارين او بالاخص الحريم
اي واحد فاضي يجي هنا يحط موضوع يحس من ناحيته انه عادي لكن يلعب في نفسيات كثير من الناس
حط في بالك ان اي شي راح يصير لهم راح يكون برقبتك يوم القيامه لانك تتحمل اللي جالس تقوله
قرار الابتعاث لازال موجود الى ماشاء الله..والدليل برنامج المرحله الخامسه شغال حاليا روح موقع الوزارة عشان تشوف
حسبي الله عليكم ونعم الوكيل
هذا القرار كذب....صحيح انا بغيت ابطل البعثه على حسابي ,بسبب قرءت موضوع في منتدى مزيف عنوانه (من يوم29/7 يالغاء الحاق الطلبة المبتعثين على حسابهم ) وبصراحة تحطمت ...لكن لم بحثت عن الخبر في موقع الوزارة التعليم العالي لم اجد الخبر نهائيا وفي بعض منتديات المبتعثين (ورجع الامل فيني )
وانا الحين مسافر 20/8 مابقي الا 10 ايام وانا في اعداد المبتعثين اللي على حسابهم ...وباذن الله يلحقوني بالبعثة ...لان في امل كبيييييير للمبتعثين اللي على حسابهم!!
انشاء الله تقرا الموضوع زين
http://www.mbt3th.us/vb/forum60/thread117247.html
اللي يسئلك بسئوال من نسج خيالة ... نجاوب علية من نسج خيالنا
يجيب الله مطر ...
الأمور مازالت بنعمة وبخير
ههههههه
عز الله انك صادق
الواحد يخترع له قصة ويصدقها ويجيك يسأل عن الصحة
يا جماعة الخير القرارات هذي ما احد يعرف عنها شي الا الله و ادارة البعثات فقط حتى الملحقيات هي جهة تنفيذية يجيها قرار تنفذه فقط ما فيه احد بالمنتدى يعرف عن هالقرارات شئ ابد حتى المستشار ما يعرف هالشئ
فلا تتعبون انفسكم باختلاق قصص وقيل وقال على حساب خطط مستقبلية في بالك وتبي تلقى الجواب هنا
تبي تسأل نبي نجاوب ولكن لا تشره علينا لاننا طلبة مثلك والاسئلة هذي المفروض ما تسألها هنا اذا كنت تبي الجواب الشافي والكافي تسالها لـ ادراة البعثات ولهم ايميل ويجبون عليك بغضون ساعات قليلة
اما اذا تبي اي جواب وتبي تبني عليه خططك فأبشر بعزك وما نبي نضرك حنا فقط اجتهادات واغلبها من واقع التجربة لما كنت أسأل مثلك بالسابق تطلع هذه الاخبار خطأ