قصتي لم تكتمل ولكن هذه البداية

السلام عليكم ورحمة الله وبركاته
أخواني اخواتي
أسعد الله أوقاتكم بكل خير
معكم أخوكم بدر محمد العمر 28سنة من منطقة تبوك
بسرد لكم قصتي
انا كان حلم عندي الدراسة بالخارج ولكن لظروف خارجة عن الارادة لم أوفق بالثانوية العامة ونجحت بنسبة 66% <-- وش مسوي بعمرك
المهم توظفت عسكري بحرس الحدود وكان طموحي التعليم وماصدقت خبر انتسبت بجامعة الملك عبدالعزيز (لغة انجليزية) السنة الثالثة الان ,,,
لي سبع سنوات عسكري الراتب جيد 8200 ريال المهم مازالت فكرة الدراسة بالخارج تراودني كل يوم المهم تزوجت وعندي محمد الله يحفظه ,,,
المهم كانت أتابع المنتدى من فترة لفترة ,لين ماقررت أني ادرس بالخارج بعد ماضبطت أموري المادية وقررت أني أختار الصين المهم راسلت الجامعات وجاني قبول من جامعة هاوزنق ب ووهان لغة +طب ,,,
والسفر يوم 31/أوقست للصين
الخلاصة : انا متوكل على الله , وبروح أدرس بكل جد وإجتهاد أن جا الالحاق بالبعثة فهو توفيق من الله وأن ماجا بخلص ال30 ساعة وبحاول أنضم ,,
اللي بقوله ياجماعة الخير اشوف كثر السؤال راح أنضم بالبعثة والا لا صدقني الشباب اللي هنا مابيدهم شي وان ماإحبطوك الكثرة وخلوك تغير قرارك (بعض الأعضاء هداهم الله),توكل على الله وأن كانت نيتك صادقة بتتوفق أما لو أنك رايح تلعب خلك بإرضك ,, العمر مابقى به شي وكم مرة تبي تعيش عندك طموح كمله ,, ولا تتردد
أسأل الله التوفيق ,,, لأنني من المتوكلة ولست من أهل الأتكال
دعواتكم الـصـادقة لأخوكم ,,,
أتقبل وجهات نظركم بكل صدر رحب :)

انت بطل
والله يوفقك

ومانيل المطالب بالتمني ولكن تاخذ الدنيا غلابا..

بالتوفيق اخوي..

شد حيلك وتوكل على ربك.. وربنا ان شالله معاك دامك معه

الله يوفقك
وانا بكل صراحه اقدر واحترم الشباب اللي مثلك

الله ييسر امورك وان شاء الله تحقق حلمك
بالتوفيق

الله يوفقك ويسهل امرك لكن ما دامك ناوي تدرس وعندك الحماس ليش تبي تروح الصين رح لدوله ثانيه غير الصين

اهنيك يابو محمد ع طموحك
بس فكر مليون مره قبل ما تروح انك بتدرس لغه وطب وبالصين وبالغربه
لا تتسرع

روح والله يوفقك . وفالك البعثه إن شاء الله

الله يوفقك ويسهل امورك يا اااااااااااااارب


تمنياتي لك بالتوفيق

طيب وش فيها جامعة الملك عبدالعزيز ؟
هذا انت قربت تخلص و تاخذ بكالوريوس لغة إنجليزية و بعدها تقدم على وزارة التعليم العالي
حاول تستشير أكثر سواء في المنتديات أو بالمراسلات على الخاص خصوصا للي تثق في عقليتهم و كذلك تسأل ناس في عالمك الواقعي و تقابلهم وجها لوجه
وفقك الله تعالى