-
وين ما أطقها عوجه
قالو مافيه ابتعاث للي معدلاتهم اقل من الشروط
قلنا الشكوى لله ندور وظيفة
لقينا وظيفة شينة
قالو فيه شي اسمه الحاق رح يا اهبل ادرس وهم بيضمونك
قلنا وين نروح بس
قالو بريطانيا الماستر يلحقونك
ظفينا عفشنا ورحنا بريطانيا
قالو قفلنا
ليه ما رحت لامريكا نلحقك وانت بالطيارة
نوينا نروح لامريكا وجهزنا عفشنا
قالو قفلنا خلاص ليه ما رحت من اول
انا غسلت ايدي من كل شي
من قرادة الحظ جيت بعد الوزير بشهر
اللي قبلي ظموهم وانا جالس اقشر بصل
تحياتي لحظي التعيس
-
رد: وين ما أطقها عوجه
فيه ناس سبحان الله ينولد ويولد الحظ معاه
انا كنت احسب الحظ اول مجرد كلمه
الله يوفقك ياخوى ويصير عندك حظ يكسر الحجر
-
رد: وين ما أطقها عوجه
-
رد: وين ما أطقها عوجه
والله الحظ برئ من القرادة براءة الذيب من دم يوسف والله من التعقيد في وزارة التعليم وفي جميع المؤسسات الحكومية ووضع العراقيل اما المواطن الغلبان. يعني وظائف قلنا يمكن مكتفين لكن الواحد لو يبي يكمل تعليمه ويش المانع والدولة ماهي ناقصة فلووس لكن التعقيد ووضع العقد للمواطن وليس الحظ
-
رد: وين ما أطقها عوجه
اهم شي لاتروح لكندا وتقردنا بحظك .... خخخ
-
رد: وين ما أطقها عوجه
اخوي متى فتحت ملف بأمريكا ؟
-
رد: وين ما أطقها عوجه
ما فيه شيء اسمه حظ كل شيء قضاء وقدر
والتوفبق بيد الله تعالى لكن أحسن الظن بالله
-
رد: وين ما أطقها عوجه
>>> صدقني مو قرادة *_^ <<<
OO المشكله انك ما تفكر قبل ما تسوي الشي OO
-
رد: وين ما أطقها عوجه
الله يرزقك ويوفقك اصبر وادعي وربك كريم
-
رد: وين ما أطقها عوجه
انا مشكلتي ماعرف الف وادور وادحوس عند فلان وعلان واكلم هذا واشحذ هذا
وزارة التعليم العالي مفروض تكون قدوة بالتنظيم الاداري والشفافية
مو شغل تكفي يا طويل العمر وجر شيبانك عند الوزارة
مني مسوي هالحركات
والرزق عند الله
شي ماهو حق لي مابيه