اليوم الاحد قابلت العطيه والدكتور الموسى وهذي القصه..(اذا تبغا بعثه ادخل)

السلام عليكم ورحمه الله وبركاته

اخواني انا اليوم اعطيكم خلاصه البعثات:
انا من جده اتخرجت من الثانوية بتفوق وابغا اطلع بعثة
وبعد محاولات جبت القبول من امريكا وقدمت على الفيزا
وسمعت ان العطيه ما يرد احد
حاولت اوصل له في جده ما حصلناه
قلنا نشوف الموسى رجال طيب والكل يمدح فيه مع اني عرفت عن طريق الاخوان في المنتدى انه صار يصرف الطلاب بس الموسى في الرياض
قطعت تذكره اليوم الاحد وطلعت الرياض الساعه7.30
وقلت بما اني طالع الرياض اقابل الاثنين بالمره
وفعلا اول ما وصلت الرياض طلعت على مبنى الوزاره بالغدير ابغا اقابل الموسى
وقلي سكرتير مكتبه ممنوع احد يدخل عنده اجتماع
اذا تبغا الموسى هو يقابل الطلاب دفعه وحده اسفل اما المكتب محد يدخل..
واقسم بالله العظيم انه امامي جا ذاك ال...ورحبوبه وقهووه ودخلوه على الموسى هو وولده وانا اتفرج
قلنا ما فبي امل الا بالواسطه مثل ذا الرجال
رحت على مبنى الوزارة بالناصريه قلت اقابل العطيه والوزير ابركلي
لقيت حوالي 100 شخص عند الباب ينتظرون العطيه
نفس المشكله ما تقدر تقابله شخصيا..هو يجي ويقابل الطلاب كلهم
وتوقف طابور ورا بعض وما تقدر تاخد من وقته الا ثانيتين الاولى تقله وش تبي والثانيه يكتبلك على ملفك ويقلك ابشر ان شاء الله خير لا يشوف الاوراق ولا يشوف التقدير ولا نوع البعثه هيا بكالوريوس ولا ماجستير وفي النهايه حول الطلاب كلهم عالبعثات ويعطوهم ارقام معاملات
يعني الخلاصه كل واحد يقعد في ديرته ولا في بعثات ولا اي شي لا تتعبو حالكم مثلي
لاني رجعت جده ميت قهر

اللي ما عنده واسطه ما يقدر يصدر قرار ابتعاث ولا امر اركاب

اافااااااااااااا وانا اللي منتظر الفيزا اقول اول ماتجي اطلع عالرياض اخوي عندي استفسار اش يعني حول الطلاب كلهم عالبعثات

والله ما ودي احطمك لكن هذا اللي صار..
وبالنسبه للتحويل للبعثات العطيه ياخذ جميع الملفات من الطلاب ويحولها عالبعثات هم يتناقشو فيها او بالعربي يعني تصريفه

الله يعيينا طيب المعذره اخوي الملف يكون فيه القبولات والشهاده والفيزا صحيح؟؟

ان مع العسر يسر
وتفائل بالخير ان شاء الله تشوفه

تعلموا أن تصنعوا من الليمون شراباً حلوا

اصنع من العقبات أعلى درجات النجاح

لو إن العقبات أثرت علينا والله مانكون سوينا شي في حياتنا , ولكن لازم تتوكل على الله وتكون صبورا على الصدمات وعليك أن تواجه لا أن تتردد.

توكل على الله وابحث عن أبواب أخرى

وتحياتي للجميع

والله اضم صوتي الى صوتي اخي علي الخثعمي ... صدقت لازم نوااجه كل العقبات ومافي شي يجي سهل لازم نتعب

اخواني تفائلوا بالخير تجدوه ,’,,,,


قبل كل شي ,.,, أخوي عبدالرحمن كلامك صحيح وماعليه غبار ,,,

ولكن ينقصك بعض الوضوح ,, في ماهية الإجرائات اللتي يتخذها نائب الوزير ,,

وانت قلت بنفسك ,, 100 شخص ,, لو كل يوم وجه المئة شخص للإبتعاث لحصلت امور لا تحمد عقباها ,,

عموما مختصر كلامي ,,, الأمر برمته ليست تصريفة كما نضن ,,, لعدة أمور ,,,

الأمر الأول ,, مهما كان توجيه الدكتور علي ,,, فأن رد الموظفين لك انهم سيحولونها الى ادارة البعثات ,,

فإن كتب الله لك شي سوف يأأتيك ,.,, وكيف تعرف ذلك ,,

من حين تقديمك المعاملة ,, انتظر اسبوع اذا جائت اليك رسالة بالجوال ,, فهذه تصريفة ’,’

واذا لم تأتك رسالة بالجوال ,, فأمورك سليمة وراجعهم مرة أخرى ,’,,


كأني اراك مطأطأ الراس ,,,
اليك قصتي ,,,

انا دخلت على الدكتور علي 3 مرات ,, وفي كل مرة ,, تأتيني الرسالة ,,,,

قبل ثلاثة اسابيع كنا قرابة المئة شخص ودخلنا على الدكتور ,, وقيل لي كما قيل لك ,,

سوف تحول ادارة البعثات ,,

ذهب اسبوعان ولم تأتني رسالة ولا خبر ,, وعند مراجعتي ,, اذ ان معاملتي لدى مكتب الدكتور ,,

واستكملوا معي الأجرائات من تعبة نماذج الحاق وغيرها ,, ولا زلت انتظر ,,,


خلاصة القول ,,,

أخواني ,,, اخلصوا النية مع الله عزوجل والزموا الأستغفار ,,,

يقول تعالى (( فقلت استغفروا ربكم انه كان غفار يرسل السماء عليكم مدرارا .. ويمددكم بأموال وبنين )) ... الخ الآية ,,,

ويقول ربنا في الحديث القدسي (( أنا عند ظن عبدي بي ,,)) فأحسن الظن وتفائل بالخير ,,,

ولابد من بذل الأسباب ,,, وعدم بقائنا مكتوفي الأيدي ,,,

واذكركم بمثل شائع ,,, (( كثرة الدق تفك اللحام ))

وفقني الله واياكم الى كل مافيه خير وصلاح ,,,

ما ازيد على كلام الاخ عبدالله بن سعود

ولكن نصيحتي لا تنتظر امر اركاب

سافر وقدم اوراقك من الخارج :)